2 DLAŊ MULINARA 14:2 - Boy Lonana

² Nam bulum li ma ŋgal ɓivun ma col ay vi suu daŋŋana ki halaŋ halaŋ u li ma mbuy kolo dayna lay. Nam to fulina ki may, ka gu ma vi Aserna ki may.

2 DLAŊ MULINARA 14:2 Iomraidhean Croise

1 MULINA 15:11

Aza li dlara ɗegeera ii Yawe ko ndal bum ŋgolo David lira na.

1 MULINA 15:12

Nam bulum dlara suu li ɓivun zoŋga ki hu mbas mamba, ɓalak fuli suu somoyom minisi a lo ma daŋŋa ki bel bel.

1 MULINA 15:14

Na may li ma mbuy kolona bulum ka kiɗi. Lay ni Aza hurum tini ɗegee kay Yawe gak gak daɓ iiri mamba kay ndaŋgarara.

2 DLAŊ MULINARA 14:1

Aza li dlara ɗegee jivira ii Yawe, Loomma.

2 DLAŊ MULINARA 14:3

Nam di suu Yudana ana asi hal ni Yawe Lo ma vi somoyosina, li ni u gaɗta vi Lonara.

2 DLAŊ MULINARA 15:16

Mulna Aza doo sum Maaka ki kay sun maɗta lay. Nam tiniɗ semma ki gin kaɗ ana cara ŋgolla kay ndaɗ fi saara cora a li looɗna ki kay taɗu, ni kay Asera. Nam ɦal voɗta ana hawaɗ fuli asina kiyo, to gu ma ceɗi namma kiyo, ŋgalam ha ki fun mbo lum ma Sedronna.

2 DLAŊ MULINARA 17:6

Hurum haɗ ha fok a min Lonara ni haɗi na ɗow ɗow. Kay ndaɗta nam bulum li ma mbuy kolona u gu ma vi Aserna ki hu mbassa Yudara.

2 DLAŊ MULINARA 20:32

Nam tuɗ ni hu voɗta ɗegeera ko ndal bum Aza lira na may. Li ni dlara ii Yawe jivira.

2 DLAŊ MULINARA 21:12

Fali taa dew ni Joram fi magaara sa ma jok vun Lona Eli sunumba ayra di hu ana, «Gola ni dlara Yawe, Lo ma vi buŋ ŋgolo Davidna daɗta. Aŋ min ka a li ko ndal buŋ Josafat lira naɗi, ka ko buŋ ŋgolo Aza, mul ma Yudana lira naɗi lay.

2 DLAŊ MULINARA 31:1

Hu li ma luuna daɓ kina ni suu Israel suu toki huna halaŋ njay kosi ki hu mbassa Yudara to ɦinira coli kolora kiyo, ka gu ma vi Aserna kiyo, hawaɗ givin ma togolla ma suuna minim a cen loogi suu ɦawana ki may u givin ma togolla masi bel bel. Asi li dla ndaɗta ki ni hu mbassa Yudara halaŋ ki vi dee suu vi Benjamin, Efrayim u Manasena lay. Ŋgoo dagan gegelay ni hoŋ vo hu ɦoŋzi ma nam col ay huna.

2 DLAŊ MULINARA 31:20

Hu li ma nam gi ii dlara ki ko ndaɗta nana, Ezekiyas li ni dlara jivi ɗegee ii Yawe, Loommara, nam minim cocoo.

2 DLAŊ MULINARA 34:7

Nam to givin ma togolla kiyo, kulukusi ki na gelek gelek, gu ma vi Aser na u li ma tokolla, to givin ma togolla ma ŋgal mbitla his jivira ki lay, li ay hu njaf suu ii mbayawna halaŋ. Ŋgoo dagan nam ti mulla ni hu Yerusalem.

KALKIRA 23:24

Agi mba goɓ ga fok loosinaɗi, sunumbi lay, agi mba li ko asi lira naɗi, ni na ɗow agi toosi loosi namma kiyo, toosi tlesuu asi goɓosina kiyo.

Boy Ma Ayra Ma LUK Ɓiirimma 1:75

A aygi mbuɗ suu ɗegeena fokom gak gak hu iiri mayra hu buuna tew tew.

GA 8ATAMBARA 12:3

Agi toosi givin ma togolla masi kiyo, hawaɗas ɦini masira teteɗta ceɗira ki lay, gu masi teteɗ ceɗina ma piina suu vi Aserna agi ŋgalasi kiyo, fulina masisina agi toosi kiyo, agi bulumusi sesi ma ɓiiri hu liisi nammana kiyo.