2 DLAŊ MULINARA 12:6 - Boy Lonana

⁶ Mulna u muli mam suu funumma wi coosira hin di ana, «Gasi daŋ may, boy ma vi Yawena ni u voɗomu.»

2 DLAŊ MULINARA 12:6 Iomraidhean Croise

2 DLAŊ MULINARA 12:12

Hu li ma mulna hoŋ yam gana, Yawe hin heɓ yaamba kaŋga nde, hin ka a ɓalak zina vi mulna ki gawɗi, kay tlesuu jivina ka hu Yerusalem tuwa.

2 DLAŊ MULINARA 21:2

Joram, gorsemma bolow cocoo. Asi halaŋŋi goryoŋ Josafatna, Azariya, Yehiyel, Zakari, Azariyahu, Mikael u Sefatiya.

2 DLAŊ MULINARA 32:26

Na may Ezekiyas u suu Yerusalemma hin wi coosira kay ndaɗta hu li ma Ezekiyas ka iiri tuna ni Yawe tak yaamba ka ki egesiɗi.

2 DLAŊ MULINARA 33:12

Hu li ma Manase ka hu lassa na ni nam gijaŋŋa a cen Yawe, loomma. Nam wi coomba halaŋ fok Lo ma vi somoyomma.

2 DLAŊ MULINARA 33:19

Cen mamba u humba Lona humum cen mambara u dla coomba nam laɗta, lira nam li ka ɗegee fok Lonaɗira, ndum li ma nam min li ma li ɓivunna maŋ loogi suu ɦawanana, pi gu ma teteɗna zeɗ zeɗ lay u foto tlesuu ceɗina layna, jew bay a nam wi coomba a hoŋ ay eg Lona tura ni tle asina halaŋ ka ɓiiri magaara sunda vi Hozai.

2 DLAŊ MULINARA 33:23

Na may nam hin wi coomba ka fok Lona ko bum Manase lira naɗi. Nam hoŋ li dla cora ni su bum na ɗow.

JOB 33:27

Nam hin gi soolla fok suuna di ana, An li cora, an ŋgel gaɗta. Nam may ni li ka ko an lira naɗi.

SOOLLA 129:4

Yawe ni sa ma ɗegeena, nam ja zew ma vi suu bay ɗegeena ki wa.

KALKIRA 10:3

Moiz u Aaron tuɗ vi Faraw dam ana, «Yawe, Lo ma vi suu Hebrena, di ana, Aŋ hin a hoŋ yaŋ ga fokonni saɓa tuge? Hinin suu mansina asi tuɗ sununu.

KALKIRA 9:27

Faraw yi gi Moiz u Aaron ha dasi ana, «Ndaɗta wanni an li coo Yawe ni sa ma ɗegeena, ami u suu mansina ni suu cona.

JEREMI 13:15

Humugi haa, tinigi humigi jiviya, suugi vunnaɗi. Yawe ɓakŋi namu.

JEREMI 13:18

Di ha maŋ mulna, u su mulna, «Jum makka mulla cecemmi ndaɗ ndi ay ki kaŋga ni kay yakka su? Jum makka mulla ta jivira.

JEREMI 44:10

Ta ta karam lay ni asi wi dlara hahaw ka egesiɗi. Asi ka wi yal ma ŋga suunaɗi, asi ka tuɗ u gaɗtaɗi lay, yal ma an takaginana lay, takam maŋ somoyogina lay.

YOORA 1:18

Nam ɗegee, Yawe, ni kay ana an li ka u gaɗ mambaɗi. Humugi ha halaŋ halaŋ suu mansina. Gologi tiitaanda. Gorɓii mansina u gor njufii mansina tuɗ ki mbaɓura wa.

DANYEL 5:22

Doli ɗaŋŋi aŋ goromma, Baltazar, aŋ wi dla ndaɗta halaŋ lay ni heɓ huruŋ ka kaŋgaɗi,

DANYEL 9:14

Yawe vi dla co ndaɗta komu, hin mbaaraɗ ay kamiya, kay Yawe, Loomina, nam ɗegee hu dlaamba nam laɗta bel, may ami humum delem kaɗi.

Magaara Vi Sa Jok Vun Lona OZE 5:15

An hin tuɗa. An hin hoŋ vo varan ta ta hu buu ma asi hin di ki u vunusi ana asi ni suu li corana. Asi halanni anu na. Hu hahaw masira asi hin gijaŋ joɓon dlanu.

Boy Ma Ayra Ma LUK Ɓiirimma 18:14

An dagiya, sa namma hoŋ vo wanni mbuɗ ki ɗegee su ma Farisenna. Suu tli yasi kolona, hin hoŋ ki kaŋgaa. Suu ka tli yasi koloɗina, hin tuɗ ni foko.»

ROMMA 10:3

Asi hum u mayra ana Lona min mbuɗ suuna ki fokom ɗegee ni namura kaɗi, asi hal a mbuɗ ɗegeera ni u min masira kay tasira, ni asi hum ka u dla mayra Lona min mbuɗ suuna ɗegee ni namuraɗi.

Magaara JAK Ɓiiriɗta 4:10

Hoŋogi yagi kaŋga fok Bu Suuna nam hin yowogi koloo.

Magaara JAK Ɓiiriɗta 4:6

Ni kay ndaɗta Lona ɦaygi jivira ŋgolla su hu olo, magara di ana suu ŋga tasina Lona minisiɗi, suu lalamma nam ɦasi oo mamba may.

SUU KAƁAKŊA 1:7

Adoni-Bezek yoo tam di ana, «Muli suu asi kaasi gogor kosi u gogor sesi kina na dok-kiɗisiya ay vaa tlesuu tira suu yakki kaŋgana ni u tabul manda, dlara an laɗta Lona hoŋonda kan wa may.» Asi mbaaram ay ki hu Yerusalem. Nam mba miɗ ki ni huwa.