2 DLAŊ MULINARA 12:5 - Boy Lonana

⁵ Sa ma jok vun Lona, Semaya, mbay eg Roboam u muli suu Yudana, hu li ma asi ka toki Yerusalem a ŋgaf Sisak a duunara dasi ana, «Gola, Yawe di ana, Agi hinin kiyo ni, an may ni hinigi ki hu duk ko Sisak may.»

2 DLAŊ MULINARA 12:5 Iomraidhean Croise

2 SAMUEL 24:14

David di Gad ana, «Anni hu hahawra ŋgolla. Cukuy tay ni hu duk ko Yawe na ɗow, kay ana oo mamba ŋgol cocoo, na may ka an ndi hu duk ko suunaɗi.»

1 MULINA 12:22

Lona di Semaya sa ma jogom vunumma ana,

1 DLAŊ MULINARA 28:9

«Aŋ taŋga, goronna, Salomon, wi Lo ma vi buŋŋa kiyo, lam sunda u huruŋ ma dewna u musukuŋ toki dew, kay ana Yawe wi huuna, wi saara huu sanara halaŋ lay. Lini aŋ halamu ni aŋ hin famu, lini aŋ noyom kiyo ni, nam hin noyoŋ ki a fafaɗta.

2 DLAŊ MULINARA 11:2

Na may Yawe mba di sa ma vi Lonna, Semaya, ana,

2 DLAŊ MULINARA 12:15

Sunda Roboam laɗta gijaŋŋa ta ta daɓ nduŋga halaŋ ka ɓiiri hu magaara yaɗ ana Sunda vi Sa ma jok vun Lona Semaya u sunda vi sa ma wi dlara li ha fokka Ido may. Duu ma duk hoŋ gi Roboam u Jeroboamma tuɗ ha fok ni na gak gak.

2 DLAŊ MULINARA 15:2

Nam kal ki tuɗ fi Aza dam ana, «Mulna Aza, agi suu Yudana u njaf suu vi Benjaminna halaŋ, humungi vunun haa. Yawe ka u agi ni hu li ma agi ka u nam mayna. Lini agi halamu ni nam hin tak tam irigiya. Lini agi noyom ki wa ni, nam noyogi ki may.

2 DLAŊ MULINARA 24:20

Musuk Lonara mba kay Zekari, mul ma li ɓivunna, goŋ Yoyodana, mba di boyna kay suu Israelna ana, «Gola ni dlara Lona daɗta, ana agi a ŋgel gaɗta vi Yawera na ni kay mege? Agi hinni ka fi vaɗi kay agi noy Yawe kiyo. Nam may ni noyogi ki wa may.»

SOOLLA 37:33

Na may Yawe ka hinisisina kasiɗi, nam ka hin a kaɓakŋa kay sa ma ɗegeenaɗi.

JEREMI 2:19

Ko cookka lasaku, ko dla cookka gaɗak vunuku. Ko dla cora lasak na ta ta faɗak ki na toŋ, kay noyra ndak noy Bu Suuna, Lookŋa, kira. Gasi, ndak lay ni ka dlak ndaa fokon oloɗi. Yawe Lona, ma Saɓakŋa Kom Belna, di na.

JEREMI 23:33

Lini suu asina ɗowba, sa jok vun Lona ɗowba mul ma li ɓivunna joɓoŋ ana, «Nekka vi Yawera ni tarage?» aŋ hoŋosi dira ana, «Agi ni nek ndaɗta. An hin noyogi kiyo.» Di na ni Yawe.

JEREMI 4:18

Tuɗ makka u dlara ndak laɗta takak ki ni cookka. Ni vuɗ huruk ma conaɗi su? Gasi daŋ may ki galaa cocoo. Dla ndaɗta waɗakŋi kay muguluk na gay.

JEREMI 5:19

Hu li ma agi hin di ana, ni kay dla co tara Yawe, Looygina, tiniygi dla ndaɗta kaygi nanage? Aŋ hoŋosi dira ana, ko agi noyon ki a sun loogi suu koyogina hu mbas magira, na may agi hin sun suu daŋŋa hu mbassa ka magiraɗira.