2 DLAŊ MULINARA 12:1 - Boy Lonana

¹ Hu li ma Roboam um ŋgaa ki kaŋga hu mul mambana ni nam hin gaɗta vi Yawera ki gaw, suu Israelna halaŋ li na lay.

2 DLAŊ MULINARA 12:1 Iomraidhean Croise

1 MULINA 12:17

Suu Israelna suu ka hu mbassa Yudara tuna Roboam hin a mulna kasiya u njaf suu vi Yudana halaŋ.

1 MULINA 14:21

Roboam ma goŋ Salomonna mbuɗ a mulna hu Yuda. Roboam kak a mulna ni basaɗam tew ki ni dok-fiɗi yam dew. Nam ti mulla ni basara doogo-yam-kiɗisiya ni hu Yerusalem, ɦoŋzi ma Yawe manam ki duk ɦoŋzi ma daŋŋa duk njaf suu Israelna halaŋ tin sem huna. Sem su Raoboammi ana Naama. Ndaɗ ni goora Amonda.

1 MULINA 9:9

Asi hin hoŋ dira ni ana, «Ni kay ana asi noy Yawe Loosina kiyo, Lo ma buɗusi somoyosi ay ki hu mbassa Egiptera, asi ɦal tasi ki maŋ loogi suu daŋŋa, goɓ kaŋga fokosiya, sunusi lay. Ni kay ndaɗta Yawe mbaarasi dlara hahawra kasi ni na.»

2 MULINA 17:19

Na may suu Yudana li ka u gaɗta vi Yawe, Loosinaraɗi, lay. Asi li ni u gaɗta suu Israelna tiniɗ kara may.

2 DLAŊ MULINARA 11:17

Asi so u mulla Yudara, asi njunni u Roboam goŋ Salomonna, basara hindi kay nam li ni u dlara David u bum Salomon laɗta may.

2 DLAŊ MULINARA 11:23

Nam fi saara daŋga, tin goryom ha ki a ŋgolora hu mbassa Yudara u mbassa Benjaminda halaŋ halaŋ hu ɦoŋzi ma saɓak coco namma. Nam ɦasi tina ha usi saɓak cocoo, yowosi boyogina usi bolow coco lay.

2 DLAŊ MULINARA 11:3

«Tuɗ di Roboam ma goŋ Salomonna, mul ma Yudana, u suu Israel suu ka hu Yudana u dee suu vi Benjaminna ana,

2 DLAŊ MULINARA 12:13

Mulna Roboam kak eŋ coco hu mul mamba hu ɦoŋzi ma Yerusalemma. Nam kak a mulna na ni basaɗam ki ni dok-fiɗi. Nam hin ti mulla ni basara doogo yam kiɗisiya may hu ɦoŋzi ma Yerusalemma. Ni ɦoŋzi ma Yawe manam ki duk suu Israelna halaŋ a tin sem huna. Roboam sem sum ana Naama. Ndaɗ ni goora Amonda.

2 DLAŊ MULINARA 24:18

Asi noy Ziŋ Yawe, Lo ma vi somoyosina, kiyo. Asi gi jaŋ goɓ gu ceɗi ma vi Aserna, tokol fulina may. Yara vi Yawera ndiwa kay ɦoŋzi ma Yerusalemma u mbassa Yudara halaŋ kay dla cora li kosi ndaɗta.

EZAYI 1:4

Hahawra ka kay njaf suu co asina, suu may suu dlara vasina. Njaf suu li dla cora, gor suu mbuɗ dlara jivira ki dla corana. Asi noy Yawe kiyo, asi noy ma Teteɗ ma vi suu Israelna kiyo, asi hoŋ ki dagani, mbuɗ ŋgorosi mamu.

JEREMI 2:31

Agi suu wara, suu cecem wanna, humugi boy ma vi Yawena. An mbuɗ ki ni fulla vi Israella su? Mbas mayra ndufun ilik ilikka su? Ni kay me suu mansina di ana, «Tuɗuygi hu li ma aygi minimma, ami ka hoŋ ay egeŋ oloɗi ni ge»?

Magaara Vi Sa Jok Vun Lona OZE 13:1

Hu li ma Efrayim ɓak tuna, nam tuɗ boy ma ndaana hu Israel. Na may u Baal nam mbuɗ tam ki mala dlara hin miɗ kiyo.

MISE 6:16

Aŋ li u gaɗta vi Omrira, u dlara asi laɗ vo hu zina vi Akabpa lay. Agi tuɗugi ni u gaɗ masira, an may ni hin hiniŋ hu li ma hahawra, suu maŋsina hin mbuɗ ki zolona lay. Agi hin fagi ni dla co mayra suu mansina faɗta.

GA 8ATAMBARA 32:15

Suu mamsina ɦis ki wa, mbuɗ ki suu gonokka, asi ɗoo ki wa, ndi ki mbala cocoo, noy Lona ma lasina kiyo, mbuɗ sa ma njun kasi ma suɗusi kina ki zolona.

GA 8ATAMBARA 32:18

Ҥini may ma vuɗugina agi ka golom jiviɗi. Agi maa ki kay Lona ma cukugi ga kay ndaŋgarana.

SUU KAƁAKŊA 2:15

Asi tuɗ aragelay ni ko Yawe ha kasi a tinisi dlara cora kasira ko nam Yawe di ay ki fok jew suu tam kira na. Yoo masira mbuɗ ŋgol cocoo.