1 DLAŊ MULINARA 4:10 - Boy Lonana

¹⁰ Yabes yi Lo ma vi suu Israelna di ana, «Lini gasi aŋ paɗ vunuŋ ki kanu ni aŋ hin mbuɗun ndaŋga manda ŋgolla, koŋ hin li kanu, aŋ hin dikin dla cora ha ki egenu, ka an kal hu wihawraɗi. Lona hin li dlara nam joɓom kaɗta kiyo.»

1 DLAŊ MULINARA 4:10 Iomraidhean Croise

URA TIN AYRA 12:2

An hin zuluŋ njafaŋ ŋgol cocoo, an hin paɗ vunun ki kaŋu. Suuna halaŋ hin mbuɗ geleɗeŋu. Suu daŋŋa halaŋ hin fi paɗvunna ni uŋu.

URA TIN AYRA 12:8

Hu li ma nam jak u ɦinira ii ma u maɗiina vi Betel na, nam min mbutluɓma duk ɦoŋ zi ma ŋgol ma Betelna u fiɗigina, Ai u maɗiina may. Nam min givin ma togolla maŋ Yawe hu li namma olo, gijaŋ cen Lona u sem Yawe.

URA TIN AYRA 28:20

Yakob gi vunum di ana, Lini Lona ka u anu, golon hu koy manda wanda, lini nam ɦan funa a tira, ɦan baraw ma cuk tanna may,

URA TIN AYRA 28:21

lini an hoŋ ay ki vo vi bun jivi wa ni, Yawe hinni Loonna.

URA TIN AYRA 32:26

Sana wi ana nam ka vi Yakob kaŋgaɗi ni nam cam kay goŋom na ni goŋom weles ki gaw.

URA TIN AYRA 32:27

Nam dam ana, «Hininu an tuɗa kay lina ka fo kiyo.» Yakob dam ana, «An ka hiniŋ tuɗ bay aŋ paɗ vunuŋ ka ki kanɗi.»

URA TIN AYRA 32:28

Nam joɓ Yakob ana, «Seŋ ana mege?» Nam hoŋom dira ana, «Sen ana Yakob.»

URA TIN AYRA 33:20

Nam min givin ma togolla maŋ Lona, yam sem ana, Lona ni Lo ma vi suu Israelna.

URA TIN AYRA 48:16

Sa sunda huulona ma suɗun ay ki hu dla cora belna paɗ vunum ki kay gor asina. Yasi ni u senu, u sem somoyonu, Abraham u Isaak. Asi zul ka coco kay ndaŋga masira.»

1 DLAŊ MULINARA 16:8

Geleɗegi Yawe, yam sem koloo, takam dlaamba nam laɗta ki duk suuna.

1 DLAŊ MULINARA 4:11

Kelub ma wayaŋ Suhana vuɗ Mehir ma bu Esetonna.

1 DLAŊ MULINARA 4:9

Yabes suuna ŋgaam su gorsemma, sum hin yam sem ana Yabes ni ana, «An vuɗ ni duk wihawra.»

JOB 12:4

An mbuɗ ki ni sa ma ndarayamma san umma. An yi Lona ha kolo nam hoŋon dira aya. Sa ma ɗegeena mbuɗ ki sa ma suuna panam san umma.

SOOLLA 119:173

Ko aŋ mbay njun unu, an manaŋŋi gaɗ maŋga.

SOOLLA 121:7

Yawe hin goloŋ ko dla cora halaŋ, nam hin goloŋ iiri maŋga.

SOOLLA 145:19

Nam li minda vi suu lam ndaaramma, nam humusi tii masina, suɗusi kiyo.

SOOLLA 21:4

Aŋ ɦam heɓpa, paɗ vunuŋ ki kamu, aŋ kuluɓum jum lorra kamu.

SOOLLA 51:12

Ҥi, Lona, mbuɗun huu ma jivina hurunu, kalan ŋgussa wilira hurun may.

SOOLLA 51:8

Aŋ may ni minni huu ma jivina, duk ndufun manda aŋ takan neeŋga.

SOOLLA 55:16

Ko ɓalakka li ha kay suu asina. Ko asi cuk hu lina vi suu miɗina iiri, iiriya kay hurusi oy u dla cora.

SOOLLA 65:2

Lona ma ka hu Siyonna, geleɗta ni maŋ aŋu, ami laŋ dlara ami vi vunumi kaɗta kiyo.

SOOLLA 72:17

Sem yi ha ni na gak gak, suuna geleɗem sem ha na din din ko ndal faɗta na. Suuna gi deɓpa maŋ tasi u semu, njaf suuna halaŋ di kam ana ma jivi coco ɦayna.

SOOLLA 99:6

Moiz u Aaron duk muli masi suu li ɓivunna, Samuel ka duk suu yam semma, asi ka yi Yawe, nam humusi wa may.

VUN ŊGOLNA 10:22

Paɗvun ma vi Yawena ndak ɦiz sana, lassa sana lassa ka fam va ay na ndeɗi.

VUN ŊGOLNA 30:8

Ҥuɗun ŋga tara u kaboyna ha ki egen na day. Hinin a an ndi ki haw cocoɗi, kalan ɦiza kanɗi may. Ҥanni tiin ma an a tam fununna doy hol.

EZAYI 41:10

Li ndaaɗi kay an ka u aŋu, gol golla ndaanaɗi, kay anni Looŋŋa. An mbuɗuŋ saɓaki na daŋ may an njunuŋu. An njunuŋ u bikin ma njufna ma ɗegeena.

EZAYI 41:17

Suu wihawra u suu ka ndakiɗina hal yona ni ka fambi. Ҥorosi ki sooy ko laa mbora. An Yawe an hin humusi cen masira, an Lo ma vi suu Israelna an ka hinisi kiɗi.

JEREMI 33:3

Yanu, an hin humuŋu, an hin takaŋ tlesuu ŋgolona, tlesuu sa ka ndak wasiɗina, aŋ ka wasiɗi layna.

MATIYE 26:75

Piyer humum gam kay boy ma Yesu damma jewna ana, «Tlekŋa bay hel tu ni, aŋ hin tin vunuŋ ki yaŋŋa hindi ana aŋ ka wanɗi.» Piyer kal ki, tii u simina irimu. Hurum haɗ cocoo.

MATIYE 6:13

Hinimi hu ndembaɗi. Suɗumi ki ko Ma Cona suɗu. [Kay mulla lay maŋga, garaŋga lay maŋga, ŋgolla lay maŋga. Amin.]

Boy Ma Ayra Ma LUK Ɓiirimma 19:42

di ana, «Aŋ humbi su, ay fokka wanni heɓpa kaa. Cecemi heɓ ndaɗta ŋgay ki iriŋ wa. Aŋ ka waɗ oloɗi.

Boy Ma Ayra Ma JAŊ Ɓiirimma 10:28

An ɦasi iirira ka daɓ kiɗira, asi ka miɗ oloɗi lay. Sa ma ɓaɗansina ki kon kaɗi lay.

Boy Ma Ayra Ma JAŊ Ɓiirimma 21:17

Nam hin joɓom a yamba hindira ana, «Simon, goŋ Jaŋŋa, aŋ minin su?» Piyer ɗus irim na dum dum kay joɓpa Yesu joɓom a yam hindira ana «Aŋ minin su?» Nam hoŋom dira ana, «Bu Suuna aŋ wi tlen halaŋ, aŋ wi kaŋ ana an miniŋu.» Yesu dam ana, «Golon timigii mansina.

SUNDA 3:26

Ni nam Lona tak Saam ma Sunda kini magi agi jewe, nam sunum ay kay a paɗ vunum ki kagiya, kay a agi hin dlaagira laɗ cora kiyo.»

ROMMA 12:9

Li minda gasira, hin cora kiyo, njunugi tagi saɓaki eg jivira.

ROMMA 16:19

Suuna halaŋ wi ana agi hum u Bu Suuna co coo, an li furira kagi ɦay, an min ana agi lakagi ɗegee neey a li jivira, lakagi ɗegee hin cora kiyo.

1 KORINTNA 1:2

Maŋ suu vi Kristuna, suu vi Lonna hu Korint, suu Lona yasi ki mamma hu taɓpa u Yesu Kristu, maŋ suuna halaŋ suu yi sem Yesu Bu Suuna mayna Yesu Kristu, Bu Suuna masina u maygina.

EFESNA 1:3

Geleɗeygi Lona, Bu Bu Suuna mayna, Yesu Kristu, nam ma paɗ vunum ki kay taɓ maygira u Kristura, nam ɦaygi paɗvunna vi Musukka kay tlesuu kolona halaŋ.

EFESNA 3:20

Nammi sa ma ndaki a li tlena halaŋ su kay suu ay saa kasina lay, joɓosi layna day.

EFESNA 4:30

Lagi dlara Musuk Lonara teteɗta yoo uɗɗi, Musukka ni va ma Lona tinigina kagina, ndaɗ ni va ma Lona tinim a ŋga buu ma nam hin a mbuɗ suu mamsina ki pasiyakŋa.

2 TIMOTE 4:18

Bu Suuna suɗun ki ko cora halaŋ an kal hu mul mamba kolora u tanda jivira. Ŋgolla ni mamba a fafatɗa, Amin.

WIRA ŊGAYRA 3:19

Suu an minisina an gaɗasiya, waɗasiya, mbuɗ huruŋ kay cooŋga, kak taŋ mini fete.

1 SAMUEL 1:17

Heli hoŋoɗ dira ana, «Tuɗ u heɓpa, ko Lona vi suu Israelna ɦak va ma ndak joɓom kamma.»

1 SAMUEL 1:20

Doli ɗini hu buu ma jakina Ane ay ni u wiina. Ndaɗ vuɗ go njufna. Ndaɗ tinim sem ana Samuel kay ndaɗ di ana, «An joɓom ay ni ko Yawe.»

1 SAMUEL 1:26

Ndaɗ di ana, «Heɓ huruŋ kanu, malanna. Aŋ ka iiri a fafaɗta, malanna. Anni cara ka kaki egeŋ tok tani cen Yawe wanda.

1 SAMUEL 1:27

An cenemmi kay goo namma. Yawe hin ɦan va an cenem kamma.