1 DLAŊ MULINARA 3:2 - Boy Lonana

² Ma hindina ni Absalom ma goŋ Maaka ta goŋ Talmay, mul ma Gesurna. Ma fiɗina ni Adoniyas ma goŋ Haguna.

1 DLAŊ MULINARA 3:2 Iomraidhean Croise

2 SAMUEL 13:1

Gola ni dlara hin mba ŋgoo daganda. Absalom ma goŋ Davidna wayam taa dew ni jivi coco ɦay yaɗ ana Tamar. Amnon ma goŋ Davidna, hurum tin kaɗu.

2 SAMUEL 13:38

Absalom may ni pii tuɗ ki hu Gesura kak ha ki hu basara hindi.

2 SAMUEL 14:23

Joab gi tam hu voɗta hin tuɗ Gesur. Nam hin hoŋ Absalom ay Yerusalem.

2 SAMUEL 14:32

Absalom di Joab ana, «Ni kay ana an sun ha halaŋ ana aŋ mbay an a sunuŋ di mulna ana an hoŋ ay ki hu Gesur ni kay mege? Mariyaɗ ni an kak gin ha hu tuwa. Cecem wanda an hin fi voɗta a tak tan ki ii mulna, lini dla co ka egenu ni nam can kiyo.»

2 SAMUEL 15:8

Kay ana saaŋ ma sunda vi vunum ay hu li ma nam ay hu Gesur hu Sirina. Nam di ana, lini Yawe hoŋon ay hu Yerusalem wa ni, an hin sun Yawe.»

2 SAMUEL 18:14

Joab di ana, «An hin ka juɓ fokoŋ ko wanda naɗi.» Nam yow ɓagiina kom hindi, ɓalam kay mugul Absalom ma gin iiri tu duk hum ŋgusnana.

2 SAMUEL 18:18

Doli ɗini Absalom hu li ma nam iiri tuna mol gogoyra hu ɦuɗugumba vi mulnara ni namu, kay nam ɓak tam ana, «Goron ma yan sen dagan kaɗi.» Nam yi sem kay gogoy ndaɗta. Asi yaɗ karam gak ana gogoyra us Absalomba.

2 SAMUEL 3:3

Ma mbana yam ana Kilab ni goŋ Abigal ta caŋ Nabal ma Karmelnara. Ma hindina ni Absalom ma goŋ Maaka ta goŋ Talmay, mul ma Gesurnara.

2 SAMUEL 3:4

Ma fiɗina Adoniya goŋ Hagitna, ma vadlna Sefatiya goŋ Abitalna.

1 MULINA 1:5

Adoniya ma goŋ Hagitna ŋga tam di ana, «An hin kak a mulna ni anu.» Nam tuɗ hal pus pus ma kulumina aya, yow kulumina ay may. Suu may suu tuɗ kay ceeremma dok-vadl may.

1 MULINA 1:6

Ay u goorom day ni bum bayam ka ɦoy ana, «Aŋ a li dla ndaɗta na amege?» tuɗi. Nam jiv coco ɦay, sum vuɗum ka ni balam Absalom.

1 MULINA 2:22

Mulna Salomon hoŋ dira maŋ sum ana, «Ndak min a joɓ Abisag, goora Sunemba, maŋ Adoniya a cara ni kay mege? Nam ni wayan ma ŋgolna may ni ndak joɓom ta mulla na gawɗi su? Mam may, maŋ mul ma li ɓivunna Abiyatar may, maŋ Joab ma goŋ Seruyana gaw mayɗi su?»

1 DLAŊ MULINARA 2:23

Na may Gesur u Aran tlasi kaŋ ma Yairna ki kosiya, ɦoŋzi ma Kenatna u ɦoŋzi ma gori ma ŋguy kamma dok-karkiya. Suu asina halaŋŋi goryoŋ Makir ma bu Galaadna.

1 DLAŊ MULINARA 3:1

Gola ni goryoŋ David suu nam vuɗusi ay hu Hebronna. Ma vuɗ jewna ni Amnon ko Ahinoam ta Jizreella. Ma mbana ni Danyel ko Abigal ta vi Karmella.

1 DLAŊ MULINARA 3:3

Ma vadlna ni Sefatiya ma vi Abitalna. Ma karkiyana ni Itream ma ko caamba Eglana.

JOSUWE 13:13

Na may suu Israelna dik suu Gesurna u suu Maakŋa ka kiɗi ta ta cemi ni suu asina ka duk suu Israelna.