1 DLAŊ MULINARA 27:1 - Boy Lonana

¹ Gor suu Israelna suu fok suu hu deerana ndumusiya, suu fok suu buɓ buɓma u suu fok suu kis kisna, suu ŋgolo suu fok suu asgaana li sunda vi mulna kay ɓorow ii tlena, suu mbayna u suu kal ha kina tilna u tilna, til ma basarana halaŋ. Irisi ɓorow ki ni ko va ma hu 24.000 na.

1 DLAŊ MULINARA 27:1 Iomraidhean Croise

2 SAMUEL 23:8

Gola ni sem suu saɓak suu vi Davidna, sa ma col hu liimmana. Isabaal ma Hakmonna ni ŋgol suu irisi kaay u tasi na cuɓ cuɓ hindina suu fokosina. Nammi sa kay suu casi ki na 800 hu buu ma dewna na.

1 MULINA 4:7

Salomon muli mam suu ŋgolona ka ni doogo yam mba' ni suu a ɦal tina ay vo vi mulnana. Asi ki ɓorowi ni hu mbassa vi suu Israelna halaŋ. Asi ɦal tina ay maŋ mulna u suu ka li sunda vi mulnana halaŋ. Dukusi ni asi mbuɗ tasi a li sunda ni til dew dew bel hu basara.

1 MULINA 5:14

Suu warna kay yam mbassa halaŋ u muli suu kay ndaŋgarana bel bel, suu hum dla yal ma vi Salomonna mbay egem a humum yal mamma.

1 DLAŊ MULINARA 11:10

Gola ni suu ŋgolo suu fok suu duu suu vi David suu njunum eŋ coco hu li ma nam ti mullana, suu Israelna halaŋ lay a nam ti mulla ko boy ma Yawe ɓakam ki kay Israelna na.

1 DLAŊ MULINARA 13:1

David li tokka u suu ŋgolo suu fok suu buɓ buɓma u suu fok suu kis kisna u suu ɓii magaara halaŋ.

1 DLAŊ MULINARA 26:32

Asi u gorsemma halaŋŋi suu dlasi ŋgolona 2,700. Suu ŋgolo suu fok suunana, suu mulna David tinisi kay suu vi Rubenna, suu vi Gadna u nus njaf suu vi Manasena kay dlaŋ Lonara halaŋ, kay dlaŋ mulnara halaŋ may.

1 DLAŊ MULINARA 27:2

Kay suu kaasi irisi jew hu til ma jewna ni Yasobam ma goŋ Zabdiyelna suu ɓorowosi irisi umma ni ko va ma 24,000 na.

1 DLAŊ MULINARA 28:1

David tok muli suu fok suu Israelna hu Yerusalem halaŋ, suu hu njaf suunana u suu hu dee suunana suu li sunda vi mulnna, suu fok suu buɓ buɓma, suu fok suu kis kisna u suu kay begera u yoori suu vi mulnana u goryomu, suu fokomma, suu duuna u suu dlasi ŋgolona halaŋ.

1 DLAŊ MULINARA 29:6

Na ɗaŋŋi suu ŋgolo suu fok suunana, suu fok suu Israelna, suu fok suu buɓ buɓma, suu fok suu kis kisna, suu hin tasi ki kay dlaŋ mulnarana ɦal tlena u hurusi ma dewna.

2 DLAŊ MULINARA 1:2

Salomon ɓak suu Israelna na halaŋ, suu ŋgolo asgaarina u suu ŋgolo suu ɦoŋzinana, suu kaɓakŋa u suu Israelna bel bel.

KALKIRA 18:25

Duk suu Israelna halaŋ Moiz man suu ndakina tinisi fok suuna a mulina, suu buɓmi tin sa fokosiya, suuna kis ni tin sa fokosiya, suuna dok-vadl ni tin sa fokosiya, suuna doogo ni tin sa fokosiya.

MISE 5:2

Kay ndaɗta Lona hin noyosi ki ta ta hu li ma ca mayra a vuɗ goonara vuɗum kira. Ɗaŋŋi suu usi hin ko gorsesinana hin taɓ ko tasi u goryoŋ Israelna.

GA 8ATAMBARA 1:15

An hin managi suuna ki u deeregi halaŋ, suu neeyna suu agi tukusi kina. Tinisi a ŋgolora fok suu buɓma, fok suu dog vadlna u fok suu doogona lay. Yow suu ŋgolona ki u deeregi halaŋ lay.

JOSUWE 23:1

Basara ki dagan bolow cocoo, hu li ma Yawe koɗ ta suu Israelna ii suu babali masi suu ŋguyusina halaŋŋa ni, Josuwe mbuɗ ki maa cocoo, basaɗam kal ki bolow ɦay.

1 SAMUEL 8:12

Nam hin yowosi tinisi fok suu bolowna a mulina. Tinisi kay suuna dok-vadl may a horokom sene mamma, a feɗem tlena, a minim tlesuu duuna u tlesuu hu puspus mammana.