1 DLAŊ MULINARA 26:4 - Boy Lonana

⁴ Obed-Edom goryommi, Semaya ni ma vuɗ jewna, Yehazabad ni ma a mbarana, Yoa ni ma a hindirana, Sakar ni ma a fiɗirana, Nataneyel ni ma a vadllana.

1 DLAŊ MULINARA 26:4 Iomraidhean Croise

2 SAMUEL 6:10

David min ka a jak Zanduk Yawera vo varam hu ɦoŋziimmaɗi. Nam hin tiniɗ ni hu ziŋ Obed-Edom ma Gatna.

2 SAMUEL 6:11

Zanduk Yawera buu hu ziŋ Obed-Edom ma Gatna ni tilna hindi. Yawe paɗ vunum ki kay Obed-Edom u suu varamma halaŋ.

2 SAMUEL 6:12

Asi mbay di mulna David ana, «Yawe paɗ vunum ki kay ziŋ Obed-Edomma u tlesuu varamma halaŋ kay Zanduk Lonara.» David tuɗ ɗaŋŋi tli Zanduk Lonara ay ki hu ziŋ Obed-Edomma tuɗuɗ ki hu Ҥoŋzi Davidna u furira.

1 DLAŊ MULINARA 13:14

Zandukka vi Lonara buu hu ziŋ Obed Edomma tilna hindi. Yawe hin paɗ vunum ki kay ziŋ Obed-Edomma u tlesuu varamma bel.

1 DLAŊ MULINARA 15:18

U asi a mbara ni gorsesina, Zekari, Ben, Yaziyel, Semiramot, Yeyiel, Uni, Eliyab, Benaya, Maseya, Matitiya, Eliflehu u Mikneya, Obed-Edom u Yeyel suu gol u vun zira.

1 DLAŊ MULINARA 15:21

Matitiya, Eliflehu, Mikneyahu, Obed-Edom, Yehiya u Azaziya diŋ ma zewem kalavandina kosi a tuɗ u soolla.

1 DLAŊ MULINARA 15:24

Suu li ɓivunna Sebaniya, Yasafat, Nataneyel, Amasay, Zekari, Benaya u Eliyezer bu tokolomma fok Zandukka vi Lonara. Obed-Edom u Yeliya ni suu gol u Zandukka.

1 DLAŊ MULINARA 16:38

Suu juɓ vun zira ni Obed-Edom u gorsemma dok-karkiya yam kalavandi, Obed-Edom goŋ Yedutunna u Hosa.

1 DLAŊ MULINARA 16:5

Azaf, sa ŋgol ma fokosina, Zakari ma kam a mbarana, olo Yaziyel, Semiramot, Yehiyel, Matitiya, Eliyab, Benaya u Obed-Edom, Yeyel bu diŋ ma zewem kalavandina u diffa deleɗ goora komu, Azaf bu tlena kolo eŋga may.

1 DLAŊ MULINARA 26:3

Elammi ma a vadllana, Yehohananni ma a karkiyarana, Elyehoenay ni ma a kiɗisiyarana.

1 DLAŊ MULINARA 26:5

Amiyel ni ma a karkiyarana, Isakar ni ma a kiɗisiyarana, Peuletay ni ma a kalavandirana kay ana Lona paɗ vunum ki kamu.