1 DLAŊ MULINARA 22:5 - Boy Lonana

⁵ David di ana, «Goronna, Salomon, goo tu lay, maŋi lay, zira a miniɗ maŋ Yawera dlaɗ hin li ni ŋgol coco hu mbassa halaŋ kay ŋgoloɗ lay kay bibiŋil maɗta lay. An hin minim tlena ka ki kaŋga ni mamu.» Ko ndaɗta na David min tlena ka ŋgol jew a nam miɗta.

1 DLAŊ MULINARA 22:5 Iomraidhean Croise

1 MULINA 3:7

Cemi wanda Yawe, Loonna, aŋ kak saaŋ ma sunda a ti mulla balam bun David ni aŋu. Anni gogona ɦawaa, ka wi yal ma a kak fok suunaɗi lay.

1 MULINA 9:8

Zira mini kolo day jivi coco ndaɗta gegelay hin jak egeɗ ni yoo tam cocoo, ko komu, joɓ tam ana Yawe a li dla ndaɗta eg mbas ndaɗta u Ziŋ Yawera na ni ana mege?

1 DLAŊ MULINARA 29:1

Mulna David di suu tokina halaŋ ana, «Goronna Salomon ma Lona manam ki dewna ni gogoona, maŋi lay, sunda ŋgol cocoo kay zi ma namma ka ni maŋ saɗi ni vi Yawe Lona.

2 DLAŊ MULINARA 13:7

Suu ka wi dlaɗina, goryoŋ suu ɦulla tok tasi ay umu. Asi min a ɦeɓ Roboam ma goŋ Salomonna. Roboam ay ni goozoŋŋa ɦawaa, ka saɓakgi lay, col ay ka fokosi eŋgi.

2 DLAŊ MULINARA 2:4

Zira an a miniɗta hin li ni ŋgol cocoo, kay Loomina ni ŋgol su loogi suu daŋŋa halaŋ halaŋ.

2 DLAŊ MULINARA 2:5

Lini huulona ma zeɗ zeɗna ka ndak a kak Lonaɗi ni, sa ma hin ndak a minim zina kamma ni gege? Anni ge a minim zira kambage? Minni ɦawa ana hin ŋgal tlesuu li ɓivunnana fokom huwa.

2 DLAŊ MULINARA 2:8

Ko asi kaan guna ay ŋgol cocoo kay Ziŋ Lonara an min a miniɗ wanda, dlaɗ ŋgol cocoo, ndalaɗ ka vi saɗi lay.

2 DLAŊ MULINARA 7:21

Ziin mayra dlaɗ ay ŋgol coco ndaɗta, gegelay ma hin jak egeɗna saara cammi na ci, hin di ana Yawe a li na ni dla me eg mbas ndaɗta u Ziŋ Lonara ndaɗta nage?

EZDRAS 3:12

Na ɗaŋŋi suu li ɓivunna, suu Levina, suu malyaŋ zina duk suu basaɗasi ki jaki ŋgolna bolowo, suu wi zira vi Lonara ay jewna tii ki kolo u delesi eŋga hu li ma asi ka gi u zi ndaɗta kaŋga irisi gaw mayna. Na may suu daŋŋa bolowo yi kolo u delesi li furira gaw may.

VUN ŊGOLNA 4:3

An lay ay vo vi bunni a goo ma jivina, sun minin coco ko goo dewna na.

DI BOLLA 9:10

Tlesuu aŋ ndak a lasi u ɓik koŋŋa ni aŋ lasi gaw gaw. Kay ha duk suu miɗina ni yalna sunda u wira wi dlara halaŋ ka oloɗi.

EZAYI 64:11

Yawe, ɓalak ndaɗta na ni aŋ kak na en, ka di vaɗi su? Aŋ ndak seŋ taŋ na gak gak, hinimi ami las tu su? Hin a dlara su ki kami saɓaki tu su?

EZEKIYEL 7:20

Asi ŋga bege masira kosi ndaɗta cocoo. Asi yoo fuli u bege masi ndaɗta cocoo. Asi yoo fulina u bege masi ndaɗta. Kay ndaɗta an mbuɗusi tle asina a asi mbuɗ ki ndaa kosi cocoo.

Magaara Vi Sa Jok Vun Lona AGE 2:3

Dukugi agi suu hini iiri wanna, sa wi zi ndaɗta ay hu jivi maɗta jewra ni gege? Agi waɗ cecemi ni ndaɗ ni nanage? Agi waɗ cecemi irigi ni ko ndal va ɦawana naɗi su?

Magaara Vi Sa Jok Vun Lona AGE 2:9

Yawe di ana, Jiv zi ndaɗta ŋgoo daganda suu kay ta jewra, an hin hin heɓpa huwa Yawe, ma Saɓakŋa Kom Belna, di na.»

Boy Ma Ayra Ma LUK Ɓiirimma 21:5

Suuna molira wanni, suu ɦiw di ana, «Ziŋ Lonara mini jivi coco ɦay, u ɦinira u tlesuu asi ɦasi ay maŋ Lonna.» Ɗaŋŋi Yesu hin di ana,

Boy Ma Ayra Ma JAŊ Ɓiirimma 13:1

Hu buu namma ni jew luu ma Pakŋa. Yesu wi ana fat mayra nam hin suu hu duliyarana ka ta, tuɗ kolo eg Bum Lonara, ndakiya. Nam min suu mam suu hu duliyara cocoo. Nam minisi na gak gak tew ki u ndaɗta.

Boy Ma Ayra Ma JAŊ Ɓiirimma 3:30

Nam hin mbuɗ ma ŋgolna an hin varak a ma goona.»

Boy Ma Ayra Ma JAŊ Ɓiirimma 9:4

Hu li ma faɗta kolo tu ni, an li sunda vi sa ma sunun ayna, njeŋge ni sa ndak ka a li sun oloɗi.