1 DLAŊ MULINARA 22:2 - Boy Lonana

² David ɦal voɗta ana tok suu koyogi suu hu mbassa Israellana kiyo. Nam hin yow suu ceɗ gogoyra a min Ziŋ Yawera.

1 DLAŊ MULINARA 22:2 Iomraidhean Croise

2 SAMUEL 5:11

Hiram, mul ma Tirna, sun suu sunda ay eg David u gu sedrena, suu li sun guna, suu ceɗ gogoyra min ziginina, asi min zira maŋ David.

1 MULINA 6:7

Min Ziŋ Yawera ni u ɦinira asi ceɗeɗ ayra. Kay ndaɗta hu li ma miniɗna ni sa ka hum waɗ marto huɗi lay, ka kal kawi ha huɗi lay.

2 MULINA 12:12

Hu li ma asi ndum gursuna ki wa ni ɦam ko sa ŋgol ma min zina u suu ŋgolo suu ka hu Ziŋ Yawerana. Asi yow gursu namma gus gu ma min yam zira may, warak suu ka li sunda hu Ziŋ Yawerana may.

2 MULINA 22:6

Suu ceɗ guna, suu minda u suu wi dla min ziginina halaŋ, asi gus mbal ma ŋgolona u ɦini mayra ceɗira kay a min Ziŋ Yawera kiyo.

1 DLAŊ MULINARA 14:1

Mul ma Tyrna, Hiram, cuk suu vun sunda ay eg David u gu sedrena, suu wi yal ceɗ gogoyra, suu wi ɓal guna a minim zira.

1 DLAŊ MULINARA 29:1

Mulna David di suu tokina halaŋ ana, «Goronna Salomon ma Lona manam ki dewna ni gogoona, maŋi lay, sunda ŋgol cocoo kay zi ma namma ka ni maŋ saɗi ni vi Yawe Lona.

2 DLAŊ MULINARA 2:16

Salomon ndum ŋgayagi suu cuki dukusi hu mbassa vi suu Israelnara ki halaŋ ko ndal bum David ndumusi ay ki fok jewra na may. Asi fi halaŋŋi 153,600.

2 DLAŊ MULINARA 2:17

Dukusi ni nam yow suu taa 70,000 a zii guna ayra yow suu 80,000 a tuɗ ceɗ ɦinira ay kolo kay ɦinira may, yow suu 3,600 a suu ŋgolo suu gol u sunda may.

EZDRAS 3:7

Asi ɦal gursuna maŋ suu ceɗ gogoyra lay, maŋ suu ɓal guna kay zirana u tlesuu tira lay, summa lay, mbulna lay maŋ suu Sidonna, maŋ suu Tirna a asi mba gu sedrena ay ki duk mbo lum ma ŋgolna, dol ay hu Liban ta ta Yoppe, tuɗ ay hu voɗta mul ma Persna, Sirus, ɦasirara.

EFESNA 2:12

Fali ndaɗta ni agi ay ki day eg Kristu, agi li ay ni ka suu vi Lonanaɗi, kini njaf suu daŋŋa, agi li ay ka duk galamba vi Lonara nam vi vunum kaɗ u suu mamsinaraɗi, agi li poyogi hu duliyara ni bay juɓpa bay Lona lay.