1 DLAŊ MULINARA 19:7 - Boy Lonana

⁷ Yow pus pus ma li sunda u namma na 32.000, mul ma Maakana u suu mamsina may, mbay vi kaŋ masina fok tasi u Medeba, goryoŋ Amonna hin tok tasi olo, cuk ay ki hu ɦoŋziisina hin mba ki fun duuna.

1 DLAŊ MULINARA 19:7 Iomraidhean Croise

2 SAMUEL 10:6

Goryoŋ Amonna wi ana asi mbuɗ tasi ki cora ii David wa ni, asi sun yow suu Siri suu hu Bet-Rehobma ay usiya. Suu Siri suu hu Sobana lay gorzoŋŋi suu duuna 20.000 ay vi mul ma Maakana suuna buɓ, suu vi Tobna suuna 12.000.

1 DLAŊ MULINARA 18:4

David yowom pus pus mamma ki na buɓ, suu mam suu duu u kulumina ki na buɓ buɓ kiɗisiya, suu tuɗ duuna u sesina na buɓ buɓ dok-mba'. David ka diŋil kulumina ki halaŋ halaŋ hin suu daŋŋa ɦawa kis may.

1 DLAŊ MULINARA 19:8

David hum dla ndaɗta, sun Joab u asgaa suu duuna halaŋ.

2 DLAŊ MULINARA 14:9

Aza kal ha ki fokosiya. Asi tuɗ vi duuna ni hu ɦuɗugumba Sefata tok eg Mares tana.

KALKIRA 14:9

Suu Egiptena cuɗusi usiya, tuɗ fasi fun lumma, kay asi cukŋi fun lumma huwa, kulumina u suu fuli kasina halaŋ, Faraw u suu duu mamsina bel hin tok a tew hu Pi Hahirotta, fok Baal-Sefon.

EZAYI 15:2

Suuna ɗiŋ kolo kay li ma teteɗna hu Dibon, diŋ kolo kay mbura mbuy ta kolo dayra a tiina. Kay ɦinira Nebora u ɦoŋzi Medebana suu Moabma ka yoo tasiya, suuna kaa yasi ki halaŋ halaŋ. Njeɓeresi halaŋ asi cawaɗ ki lay.

NDUMBA 21:30

Ami munusi u mburura asi njay liŋŋa ay Hesebon ta ta Dibon. Asi halaŋ ba ki wa. Ami tli mbassa ki halaŋ ha Nofa ta ta Medeba».

JOSUWE 13:16

Nam ɦasi ni mbassa col ha Aroer fun mbo lum ma Arnonna u ɦoŋzi ma do ay ga fun mbo lumma namma halaŋ u mbassa Madabara halaŋ may.

JOSUWE 13:9

Mbas masira ii haka maɗta col ay ni dali eg ɦoŋzi ma Aroerna fun mbo lum ma Arnonna u ɦoŋzi ma cuki hu ɦuɗugum ndaɗtana halaŋ u mbas mayra Medebara u Dibon lay.

SUU KAƁAKŊA 4:3

Suu Israelna yow tiina eg Yawe kay Sisera u pus pus kawina kom na kis kis dleeŋe. Nam las suu Israelna cocoo, basara na dok-mba'.

1 SAMUEL 13:5

Suu Filistinna yow ay a duu u suu Israelna. Asi ay u puspusna usi buɓ buɓ dok-hindi, suu kulumina buɓ buɓ karkiya. Suu semba bolowra ko ndal ŋgetlna vun lummana na. Asi tuɗ lak hu Mikmas, hu Bet-Awen u faɗ maɗiiya.