1 DLAŊ MULINARA 19:6 - Boy Lonana

⁶ Goryoŋ Amonna wi ana asi mbuɗ ki co ii David, Hanun u goryoŋ Amonna sun doonora kelew 34.000 a hoŋ sun masira vo vi suu Sirina fun Lumma u dlamba jakka, vo vi suu Arame suu Maaka u Sobana, pus pusna u suu kulumina.

1 DLAŊ MULINARA 19:6 Iomraidhean Croise

URA TIN AYRA 34:30

Yakob digi Simeon u Levi ana, «Agi mbaaran ay kanni dla cora fok suu hu mbassa tanna, suu Kanaanna u suu Perizna. An u suu manna ka bolowɗi may ni asi hin tok tasi ay kan can ki u suu mansina halaŋ.»

2 SAMUEL 10:6

Goryoŋ Amonna wi ana asi mbuɗ tasi ki cora ii David wa ni, asi sun yow suu Siri suu hu Bet-Rehobma ay usiya. Suu Siri suu hu Sobana lay gorzoŋŋi suu duuna 20.000 ay vi mul ma Maakana suuna buɓ, suu vi Tobna suuna 12.000.

2 SAMUEL 8:3

David ci Hadadezer, ma goŋ Rehob, ma mul ma Sobana, ki hu li ma nam hal a tli lum ma ŋgol ma Efratna kina.

1 DLAŊ MULINARA 18:5

Suu Siri suu hu Damasna mbay a njun u Hadadezer, mul ma Sobana, na may ni David ci suu Sirina ki na buɓ buɓ dok-mba' yam mba'.

1 DLAŊ MULINARA 18:9

Tou, mul ma Hamatna, hum ana David ci asgaa suu vi Hadadezer, mul ma Sobana, ki halaŋ halaŋŋi

1 DLAŊ MULINARA 19:5

Asi jok boy ma li ay eg suu vi Davidna maŋ David, nam sun sana ŋgafasi vogosiya kay ana asi mbuɗ ki zolona cocoo. Mulna sun ha dasi ana, «Kakagi Yeriko ta ta njeregi hoŋ ki ɗuffa balamaɗ tuwa. Na ɗaŋŋi agi hin hoŋ ay ni na gaw.»

2 DLAŊ MULINARA 18:3

Nam hin joɓom ana, «Aŋ min tuɗ u an a ay nda nduguy zi ma Ramot ta Galaadta su?» Josafat hoŋom dira ana, «Ay ki cemi ni dew, suu maŋsina ni suu mansina may, mansina ni maŋsina may. An ndak a tuɗ duuna u aŋu.»

2 DLAŊ MULINARA 18:5

Mul ma Israelna tok suu mam suu jok vun Lona suu kis kis fiɗina, joɓosi ana, «Ami ndak a tuɗ duu u Ramot ta Galaadta, tlaɗ ki ɗowba ami kak su?» Asi hoŋom dira ana, «Agi ndak a tuɗa. Lona hin ɦaŋ ɦoŋzi namma kiyo.»

2 DLAŊ MULINARA 18:9

Mul ma Israelna u mul ma Yudana gegelay ni ay kaki hu dlam mamba mulla. Cuki tasi ni baraw masi ma furira. Asi laki ni eg vun grek ma kay ɦoŋzi ma Samarina na tok. Hu li namma ni suu jok vun Lona ka di boyna fokosi zeɗ zeɗ may.

2 DLAŊ MULINARA 25:6

Nam yow suu duu suu daŋŋa ay hu mulla vi suu Israelna na 100,000 suu wi duuna cocona, ɦala doonora ha kasi ii kelewna na buɓ buɓ hindi.

2 DLAŊ MULINARA 27:5

Nammi sa ma duu u mul ma vi goryoŋ Amonnana. Nam hin su kasiya. Hu basa ndaɗta ni asi ɦam doonora nekeɗ ii kelew buɓ buɓ hindi, ɦam wa blena kelewna 30,000, ɦam wa tlawna kelewna 30,000 may. Basara jak ha fok mbara ni asi ɦam taara ay vok tle asina na tew tew.

SOOLLA 14:3

Suuna halaŋ cala voɗta ki wa, sa ma li dlara jivi ka na dewɗi, na dew lay kaɗi.

SOOLLA 46:9

Tuɗugiya, gologi sunda Yawe laɗta, tlesuu nam ɓalakasi ki kay ndaŋgarana.

KALKIRA 5:21

Asi dasi ana, «Ko Yawe gol aya nam kaɓak mamma, Faraw u suu mamsina ka minimi oloɗi, ni kay boy magina, agi guurusi sii ŋgewina kosi a cami kira wa.»

Boy Ma Ayra Ma LUK Ɓiirimma 10:16

Yesu di suu haɗi mamsina olo ana, «Sa humugi vunugina, humun ni an may. Sa noyogi kina noyon ki ni an may. Sa noyon kina noy ki ni sa sunun ayna may.»

1 TESALONIKŊA 4:8

Sa ma hum ka u boy namma ɗina, hum kaɗi ni vun saɗi, ni vun Lona ma ɦagi Musuk mambana.

1 SAMUEL 13:4

Suu Israelna gegelay hum boy namma ana Sol ci sa ŋgol ma vi suu Filistinna kiyo. Israel taɗta lay ni mbuɗ ki loɓma coco u suu Filistinna. Suuna halaŋ tok tasi kay cee Sol hu Gilgal.

1 SAMUEL 14:47

Hu li ma Sol tli mulla kay suu Israelna, nam duu u suu babali suu ŋguy kamma halaŋ u Moab, u goryoŋ Amonna u Edom u muli suu Sobana u suu Filistinna. Aragelay hu li ma nam pereɗ irim huna, nam su kasiya.

1 SAMUEL 27:12

Akis wi David ki jiviya. Nam ɓak tam ana, «David mbuɗ dlaamba ki loɓma coco eg suu mam suu Israelna. Nam hin li a saan ma sunda a fafaɗta.»