1 DLAŊ MULINARA 19:3 - Boy Lonana

³ Na may muli suu vi goryoŋ Amonna di Hanun ana, «Aŋ saa kaŋŋi ana David cuk suuna ay ni kay a heɓeŋ huruŋga su? Asi mbay ka ni a gol mbassa, a yow suuna kolo eg tasi hin a tli mbassaraɗi su?»

1 DLAŊ MULINARA 19:3 Iomraidhean Croise

2 SAMUEL 10:3

Muli suu vi goryoŋ Amonna di Hanum malasina ana, «Na ni aŋ saa kaŋ ana David sun suuna ay egeŋŋi kay a sooŋ uŋ kay dlaŋ buŋga su? Ni ka a gol ni hukka hu ɦoŋzinara a cuk suuna ay ni kay a tlam kira David sun suu mam suu sunda ay ka egeŋŋi naɗi su?»

1 DLAŊ MULINARA 19:2

David di ɗaŋŋi ana, «An hin li dlara ɗegeera eg Hanun, goŋ Nahakŋa, kay ana bum lan dlara ɗegeera egenu.» David cuk suu vun sunda egem a heɓem hurum kay bumba, suu sun suu vi Davidna tew ki hu mbassa vi goryoŋ Amonna eg Hanun a heɓem hurumba.

1 DLAŊ MULINARA 19:4

Hanun yow suu sun suu vi Davidna welesi yasi kiyo, ŋgaɗasi barawi masisina ki kolo usi duk na poɗogos poɗogos may, hin cukusiya.

SUU KAƁAKŊA 18:2

Goryoŋ Danna sun suuna ay na vadl, suu hu njafasi suu wi dla duuna ɦayna, dasi ana, «Tuɗugi gologi yam mbassa.» Suu asina yow ay ni hu Sora u Estaol. Asi poy ni a wi mbassa ki jivira. Suu vadl asina mbay kay ɦinira Efrayimba, mba cuk hu zina vi Mika, buu ni vo varamu.

1 SAMUEL 29:4

Muli suu vi suu Filistinna mbuɗ yara ki eg Akis dam ana, «Dik sa namma kiyo. Nam hoŋ hu li ma aŋ fam ay huna. Ka nam tuɗ umi hu li ma duunaɗi, ka ami mbuɗum ki a saami ma babalira hu li ma duunaɗi. Sa namma hin warakŋi u me a heɓ huu malamma ni ge, hin li ni a yam suu ca wanna kala?»

1 SAMUEL 29:9

Akis hoŋ dira maŋ David ana, «An wiya, gasi an furi kaŋ ko sa sunda huulona na. Na may muli suu vi suu Filistinna di ana, nam ka tuɗ umi hu li ma duunaɗi.