1 DLAŊ MULINARA 17:9 - Boy Lonana

⁹ An hin man lina ki kay suu man suu Israelna. An hin ŋgeeresi usi kaŋgaa. Asi hin kak eg liisi ma dewna. Asi hin ka li ndaa oloɗi. Suu ci suuna kina hin ka hoŋ a dogosi vunusi ko jewra na oloɗi.

1 DLAŊ MULINARA 17:9 Iomraidhean Croise

1 DLAŊ MULINARA 17:10

Col ay hu buu ma an tin suu kaɓakŋa kay suu man suu Israelna day ni, an homosi suu babali masisina ki usiya. An hin daŋ ki ana Yawe hin miniŋ zira kagiya.

1 DLAŊ MULINARA 17:8

An ay u aŋŋi hu li ma aŋ ay huna halaŋ. An caŋ suu babali maŋsina ay ki fokoŋ halaŋ. An hin mbuɗuŋ seŋ ki ŋgolla ko ndal sem suu ŋgolo suu kay ndaŋgarana na.

SOOLLA 44:2

Ҥi, Lona, ami hum ki u humumiya, kay dlara aŋ laɗ ay jew u somoyomira, somoyomi haɗamira ka lay.

SOOLLA 89:22

Kon ka tini egem tew tew a njun umba, kon hin ɦam saɓakŋa may.

SOOLLA 92:13

Suu ɗegeena ɗuf ko manawra na, asi ni ko gu sedrena na.

KALKIRA 2:23

Duk ɦoŋ basara fiyek ndaɗta Faraw, mul ma Egiptena, miɗ kiyo. Goryoŋ Israelna ka yoo tasi ko lassa mbaɓura may. Asi ka yi eg Lona koloo, yiisira tew kolo eg Lona wa may.

EZAYI 49:17

Suu miniŋ ziŋŋa ka ɓaɗ tasiya, suu min a tooŋ ziiŋ ki gana cuk ki bunsuwa.

EZAYI 60:18

Hin ha fokka ni della ya ta las suuna ka njaɗ hu mbas magira oloɗi. Ka li ii hagara u suu ŋguy kay mbas magiranaɗi lay. Aŋ hin tin sem gulumun maŋŋa ni ana, «Suɗta.» Vun grekŋa aŋ hin yammi ana, «Geleɗta.»

EZAYI 61:3

A ɦal jumba furira maŋ suu hu Siyon suu ka yoona, kay balam buɗ masina. Ҥasi mbul ma his jivina, ka yoora oloɗi. Cukusi baraw ma ŋga tara, ka baraw bolna oloɗi. Asi hin yasi ana, ɦoy ma suuna ŋga Lona u namma, sene ma vi Yawena, ma suuna ŋgaam u namma.

JEREMI 24:6

Irin ka tinira kasi u oora, an hin hoŋosi ay hu mbas ndaɗta, an hin mbuɗusi ki saɓaki, an hin ka hawaɗasi kiɗi, an hin hoŋosi balamasiya, an hin ka paɗasi sariyasi kiɗi.

JEREMI 32:41

Furi manda hin li ni kay ɦalla ɦasi tlesuu jivinara. Gasi, an hin kakasi hu mbas ndaɗta. An hin li dla ndaɗta ni u hurun halaŋ u tanda halaŋ lay.»

EZEKIYEL 28:4

Yal maŋŋa u neeŋga aŋ ɦiz taŋ kiyo. Cemi aŋ u begera koŋ cocoo, doonora u lorra.

EZEKIYEL 34:13

An hin koɗosi ay ki duk suuna, suu ay ki hu mbassa daŋga zeɗ zeɗna an hin tokosi yasi ay ki halaŋ halaŋ, hin mbaarasi ay ki kay ndaŋga masira. An hin taarasi kolo kay ɦinira vi suu Israelna kaŋga hu ɦuɗugumba lay, hu li ma cuk zina lay.

EZEKIYEL 37:25

Asi hin lakŋi hu mbassa an ɦaɗ maŋ saan ma sunda Yakobpa. Mbassa somoyogi ay jew cuki hura. Asi hin cuk huruɗ ni asiya. Goryosiya u goryoŋ goryosina lay lak huruɗ a fafaɗta. Saan ma sunda David hinni mul masina a fafaɗta may.

AMOS 9:15

An hoŋosi kay ndaŋga masira, sa hin ka dikisi ki kay ndaŋga masira oloɗi, ndaŋga mayra an ɦasirara. Yawe, Looŋŋa, di na.

EFESNA 5:6

Hin sa a ganagi yagi u boy ma ɦay ɦaynaɗi, yara vi Lonara hin mba kay suu ka hum umbina ni kay cora ko ndaɗta nara.

WIRA ŊGAYRA 21:4

Nam hin vaasi simina ki irisiya, sa hin ka a miɗ oloɗi, haw hawra kaɗi lay, yoora u tii tara ka hin liɗi, tlesuu basina hin bulum ki halaŋ.»