1 DLAŊ MULINARA 17:5 - Boy Lonana

⁵ Kay ana an kak ay ka hu ziɗi col ay hu buu ma an sel suu Israelna ay kina ta ta karami. Na may ni an jok ay hu mbutluɓma ni na jok jok, jok hu ziginina ni na jok jok.

1 DLAŊ MULINARA 17:5 Iomraidhean Croise

2 SAMUEL 6:17

Asi kal Zanduk Yawera ki voo. Asi tiniɗ hu li ma asi miniɗna, maɗ duk hoŋ mbutluɓ ma David minim kaɗna. David li ɓivun ma ŋgalam ki ŋgalina fok Yawe u ɓivun ma heɓ dukka.

2 SAMUEL 7:6

Kay an kak ka hu ziɗi col ay hu buu ma an sel suu Israelna ay ki hu Egiptena day ta ta karami. An tuɗ hu voɗ manda ni kakŋi u mbutluɓma u ŋgus zira.

1 MULINA 8:16

Col ay hu li ma an cuk suu man suu Israelna ay ki hu mbassa Egiptera day, an man ɦoŋzi ma ŋgol ka ki a asi minin zina a an hin tak tan ki irisira tuɗi. May aŋ David an manaŋ ki ni a mul ma fok suu man suu Israelna.

1 MULINA 8:27

Na ni gasi, Lona ndak a kak kay ndaŋgara tani su? Huulona tamba halaŋ ka ndak a kakaŋgi lay ni ko goo zira an miniɗ wanda su?

1 MULINA 8:4

Muli suu li ɓivunna u dee suu vi Levina zii Zanduk Yawera ni asiya, yow gu mbutluɓ ma li tokka huna ni asi lay u tlesuu teteɗ suu ay huna yowosi ni asi lay.

2 DLAŊ MULINARA 2:6

Cemi wanda aŋ sunun sa ma wi yal sun lorra, doonora, kawi ma tlawna u ɓalaŋŋa aya. Ni sa ma wi yal gi cil barawna, corom tam ki tlawra u ma guyvun guyvunna, ma wi yal ɦosa ɦos vun tlena ki luy luyna may. Nam hin mba taɓ li sunda ko tam u suu mansina, suu may suu bun David varasi kana, suu ka cuki hu Yerusalem u suu ha ki cuki keŋ hu mbassa Yudarana halaŋ.

2 DLAŊ MULINARA 6:18

Na ni gasi Lona ndak a kak ko tam u suuna dew kay ndaŋgara su? Huulona tamba lay ni ka ndak a kakaŋgi, gol ko zi mayra an miniŋga wandara su?

2 DLAŊ MULINARA 6:5

Col ay hu buu ma an cuk suu Israelna ay ki hu mbassa Egiptera day ni, an man ɦoŋzi ma ŋgol maa ka duk suu Israelna a min ziinda hu a yan senda tuɗi. An man sa ma daŋ ma a kak mulna kay suu man suu Israelna kaɗi lay.

2 DLAŊ MULINARA 6:6

Na may an man ɦoŋzi ma Yerusalemma a sen yi huwa. An hin man David a mul ma Israelna fok suu mansina.