1 DLAŊ MULINARA 17:2 - Boy Lonana

² Natan hoŋ dira maŋ David ana, «Dlara saaraŋ tini kaɗ a laɗta, laɗu, kay ana Lona ka u aŋu.»

1 DLAŊ MULINARA 17:2 Iomraidhean Croise

2 SAMUEL 7:3

Natan di mulna ana, «Dlara halaŋ saaraŋ tini kaɗ a laɗta, aŋ tuɗ laɗu, kay ana Yawe ka u aŋu.»

1 MULINA 8:17

Bun, David, ay u saara a min zira kay sem Yawe, Lo ma vi suu Israelnana, hurumu.

1 DLAŊ MULINARA 17:1

Na ɗaŋŋi David kak hu ziimu. Nam di sa jok vun Lona, Natan, ana, «Gola, an kaki ni hu zira yaɗ vii u gu sedrenara, Zandukka Galamba vi Yawera ka kurufu hu mbutluɓma.»

1 DLAŊ MULINARA 17:3

Doli ɗini njeŋge ndaɗta gaw ni Lona ɓak boy mamma maŋ Natanni ko wanda na,

1 DLAŊ MULINARA 22:7

David di Salomon ana, «Goronna, an saara ay hurun tanda a min zira kay sem Yawe, Loonna.

1 DLAŊ MULINARA 28:2

Mulna David col kolo dasi ana, «Humungi haa, gorsenna u suu mansina. An hurun ka tini a min zira Zandukka Galamba vi Yawera hin koɗ taɗ hura u li ma Looygina hin tin sem huna. An min tlena ka ki a miniɗta.

SOOLLA 20:4

Ko humum gam kay ɦal maŋga, nam vaŋ ɓivun maŋŋa jiviya.

ZAKARI 8:23

Yawe, ma Saɓakŋa Kom Belna, ɓak ana, hu buu namma wanni suuna doogo hu njaf vun ma suuna ɓakamma hin taɓ tasi eg sa Juif maa dew vam vun baraw mamma hin di ana, «Ami min a tuɗ u agiya, kay ami hum ana Lona ka u agiya.»

Boy Ma Ayra Ma LUK Ɓiirimma 1:28

Sa sunda huulona kal varaɗu daɗ ana, «An gak deɓpa Mari, ndakŋi goora Lona lak jivira egekka. Bu Suuna ka u ndaku.»

1 KORINTNA 13:9

Kay ay ka way u tlena ki belɗi, way ni nde nde ɦawaa. Boy Lonana ma dam kina lay ni ɦiw ɦawaa.

JOSUWE 9:14

Suu Israelna vi tlesuu ti suu ay kosina tiya, may ni asi min ka a joɓ Yawe kay dlaasiraɗi.

1 SAMUEL 10:7

Hu li ma aŋ hin wi tle asina li wa ni, aŋ li dlara aŋ ndak a laɗta halaŋ, kay ana Lona ka u aŋu.

1 SAMUEL 16:7

Na may Yawe di Samuel ana, «Aŋ ŋgaam kay jivim u wulum ma fiyekŋa na gawɗi. An hoŋ dira olo ka ni kay dlara suuna waɗ u irisira ɦawaɗi. Suuna wi ni dlara ki irisi kiɗikka, may Yawe wi ni huuna.»