1 DLAŊ MULINARA 16:2 - Boy Lonana

² Hu li ma David daɓ ɓivun ma ŋgalam ki ŋgalina ki u ma heɓ dukka may ni, nam paɗ vunum ki kay suuna u sem Yawe.

1 DLAŊ MULINARA 16:2 Iomraidhean Croise

URA TIN AYRA 14:19

Nam paɗ vunum kay Abram ki ko wanda na ana, «Ko Lona ma Kolona ma li huulona u ndaŋgara paɗ vunum ki kay Abram.

URA TIN AYRA 20:7

Cecemi hoŋ cara maŋ njufuɗu kay nammi sa ma jok vun Lona, nam hin cen kaŋu aŋ hin kak iiriya, lini aŋ hoŋoɗ kaɗi ni, aŋ wi ki kaŋ ana, aŋ hin miɗ ki u suu maŋsina halaŋ.»

URA TIN AYRA 47:10

Yakob paɗ vunum ki kay Faraw paɗni, kal ay ki gaw.

URA TIN AYRA 47:7

Yosef tay bum Yakob ay mba takam maŋ Faraw. Yakob paɗ vunum ki kay Faraw.

2 SAMUEL 6:18

Hu li ma David kom daɓ ki eg ɓivun ma ŋgalam ki ŋgalina u ma heɓ dukka may ni nam paɗ vunum ki kay suuna u sem Yawe ma Saɓakŋa Kom Belna.

1 DLAŊ MULINARA 16:1

Asi kal Zandukka ay hin tiniɗ hu mbutluɓma David minim kaɗna hu dukka gayra. Asi hin li ɓivun ma ŋgalam ki ŋgalina u ɓivun ma heɓ dukka fok Lona.

1 DLAŊ MULINARA 16:3

Olo, nam hin ɓorow nus mappana may, komnjoɗi tumura may, komnjoɗi wana may maŋ suu Israelna halaŋ, njufiina ɗowba boyogina.

2 DLAŊ MULINARA 29:29

Hu li ma asi daɓ ɓivunna kina may ni mulna u suu egemma halaŋ goɓ vogosi kaŋga a goɓ Lonara.

2 DLAŊ MULINARA 30:27

Ŋgoo dagan muli suu li ɓivunna yow kolo paɗ vunusi ki kay suuna. Delesi hum ki duk suuna kal ha ki kolo huu Lona, cen masira tew ha ki huulona, hu liim ma teteɗna.

EZEKIYEL 45:17

«Nammi sa ma ɦal tlena maŋ muli suu li ɓivun ma kay suuna belna, u ɓivun ma lam u fuɗta u sum veŋŋa hu buu ma luuna, suu belna hu luu ma vun basara wilira, hu buu ma vi Lonna, hu buu ma daŋ ma suu Israelna tok tasina halaŋ. Mulna ɦal tlesuu li ɓivunna ha halaŋŋi namu, ɓivunna halaŋ, ɓivun ma bulum cora kina, ɓivun ma taɓ duk ɦoŋga a bulum cora vi suu Israelna kira.»

DLAŊ LEVIRA 1:3

«Lini a li ɓivun ma ŋgalam ki ŋgali namma ni u mbutlu ni, aŋ ɦalni yoo ma bay ŋgulla egemma. Tuɗum ha kalafi fun Mbutluɓ ma Tokka kay a Yawe vam jivira.

HEBRENA 7:7

Aygi wi ana sa ma paɗ vunum ki kay ndarammana ni ŋgol su ma nam paɗ vunum kamma.

JOSUWE 22:6

Josuwe paɗ vunum ki kasiya, hin sunusi hu liisina may. Asi tuɗ hu mbas masira hu ziisina may.