1 DLAŊ MULINARA 15:3 - Boy Lonana

³ David tok suu Israelna halaŋ hu Yerusalem a tli Zandukka vi Yawera, tuɗuɗ hu li ma nam minim ki kaɗna.

1 DLAŊ MULINARA 15:3 Iomraidhean Croise

2 SAMUEL 6:12

Asi mbay di mulna David ana, «Yawe paɗ vunum ki kay ziŋ Obed-Edomma u tlesuu varamma halaŋ kay Zanduk Lonara.» David tuɗ ɗaŋŋi tli Zanduk Lonara ay ki hu ziŋ Obed-Edomma tuɗuɗ ki hu Ҥoŋzi Davidna u furira.

2 SAMUEL 6:17

Asi kal Zanduk Yawera ki voo. Asi tiniɗ hu li ma asi miniɗna, maɗ duk hoŋ mbutluɓ ma David minim kaɗna. David li ɓivun ma ŋgalam ki ŋgalina fok Yawe u ɓivun ma heɓ dukka.

1 MULINA 8:1

Ŋgoo dagan mulna Salomon yi suu ŋgolona u suu maarina hu dee suu Israelna ay egem Yerusalem halaŋ u suu fok gorsesinana lay a mba tli Zanduk ta Galamba vi Yawera ay hu Ҥoŋzi Davidna ma yam ana Siyonna, jogoɗ ay ki hu Ziŋ Yawera, Yerusalemba.

1 DLAŊ MULINARA 13:2

Nam di suu Israel suu tokkina halaŋ ana, «Lini agi wi ana dla ndaɗta jiviya, dla ndaɗta col ay ni ko Yawe, Looygina, ni aygi gi sunda kay gorseygi suu hin ha vo hu mbassa Israelnana halaŋ halaŋ kay suu li ɓivunna, kay suu Levina hu li ma asi kaki huna a asi mbay taɓ u aygira.

1 DLAŊ MULINARA 13:5

David tok suu Israelna halaŋ col ay fun lum ma Egiptena day ta ta tew ki fun grek ma Hamatna, a hoŋ Zandukka vi Lonara ay ki hu Kiriyat-Yerim.

1 DLAŊ MULINARA 15:1

David min ziginina kam hu ɦoŋziimma. Nam min lina ki kay Zandukka vi Lonara, vaɗ mbutluɓma kaɗu.

1 DLAŊ MULINARA 15:12

Nam hin dasi ana, «Agi ni suu ŋgolo suu fok suu vi suu Levina. Mbuɗugi tagi ki teteɗ, agi u gorsegina, hoŋogi Zandukka vi Yawe, Lo ma vi suu Israelnana, ki hu li ma an miniɗna kaɗna.

1 DLAŊ MULINARA 16:1

Asi kal Zandukka ay hin tiniɗ hu mbutluɓma David minim kaɗna hu dukka gayra. Asi hin li ɓivun ma ŋgalam ki ŋgalina u ɓivun ma heɓ dukka fok Lona.

2 DLAŊ MULINARA 1:2

Salomon ɓak suu Israelna na halaŋ, suu ŋgolo asgaarina u suu ŋgolo suu ɦoŋzinana, suu kaɓakŋa u suu Israelna bel bel.

2 DLAŊ MULINARA 1:4

Kay Zandukka vi Lonara David tlaɗ ay hu Kiryat Yearim, tuɗuɗ ha ki vo Yerusalem. Nam tuɗ tiniɗ hu liiɗ ma miniɗna kaɗna hu mbutluɓma.

2 DLAŊ MULINARA 5:2

Salomon tok suu ŋgolona ay egem halaŋ, muli suu fok dee suu Israelna halaŋ, goryoŋ muli suu basi suu Israelna halaŋ kay a tli Zandukka Galamba vi Yawe ay ki hu Ҥoŋzi Davidna ma asi yam ana Siyonna.

KALKIRA 40:20

Nam yow ɦini mayra gaɗta ɓiiri kaɗta cukuɗ hu Zandukka kalaɗ tokolora keŋeɗu, dug vun Zandukka hu may.

DLAŊ LEVIRA 9:5

Tlesuu Moiz joɓosina halaŋ asi mbaarasi ay ki fun Mbutliɓ ma tokka. Ŋgoo dagan suu tokina halaŋ ɦuɗ tasi aya, yow ki kolo u sesi halaŋ fok Yawe.