1 DLAŊ MULINARA 14:2 - Boy Lonana

² Na ɗaŋŋi David wi ana Yawe tinim mulna kay suu Israelna halaŋŋi namu. Mul mamba suuna hum uɗ coco ni kay suu mam suu Israelna.

1 DLAŊ MULINARA 14:2 Iomraidhean Croise

2 SAMUEL 7:16

Fokoŋ wanni mul maŋga u ziiŋ lay hin li kakira na en, mul maŋga hin li saɓakŋa ni a fafaɗta.»

2 SAMUEL 7:8

Cecem wanda ɗaŋŋi, aŋ hin ɓak saan ma sunda David ana, Yawe ma Saɓakŋa Kom Belna ɓak ana, Anni sa ma tlaŋ ay hu li ma taarana, ay ŋgoo yoorina a aŋ mbuɗ ki mul ma Israelna kay suu mansina.

1 MULINA 10:9

Gi deɓ maŋ Yawe Looŋŋa ma min a kakaŋ kay dlamba mulla vi suu Israelna, ni kay ana Yawe min suu Israelna ɦay. Nam kakaŋ a mulna ni a aŋ mba li jivira u ɗegeera.»

1 DLAŊ MULINARA 14:1

Mul ma Tyrna, Hiram, cuk suu vun sunda ay eg David u gu sedrena, suu wi yal ceɗ gogoyra, suu wi ɓal guna a minim zira.

1 DLAŊ MULINARA 14:3

David yow boyogina hu Yerusalem olo, hin vuɗ gor njufiina u gorɓiina olo.

1 DLAŊ MULINARA 17:17

Doli ɗini iriŋŋi dlara goo ɦawaa Loonna, aŋ hin ɓak kay ziŋ saaŋ ma sundara ay ki ni jew day. Aŋ golonni ko sa ma dlam ŋgolna na, Yawe, Lona.

2 DLAŊ MULINARA 2:10

Hiram, mul ma Tirna, hoŋ ɓiira ay maŋ Salomon dam ana, «Ni kayra Yawe min suu mamsina cocora, nam kakaŋ kasi a mulna.»

2 DLAŊ MULINARA 2:11

Hiram hin di hu olo ana, «Gi deɓ Yawe Lona vi suu Israelna, ma li huulona u ndaŋgarana, ma ɦal goo ma wi dlara ɦayna maŋ mulna Davidna, ma oy u wira u mbeleŋŋa u yal ma wi u dlara cocona, ma hin a min zira ŋgolla maŋ Yawena. Min zira ŋgolla mulla maŋ tamba may.

ESTER 4:14

Lini ko ndaɗta na ndak ka seŋ vunuk ki ni njunda u buɗta hin buɗ suu Juifna kira hin col ay hu li ma daŋŋa, ndak u suu maksina hin kiriɓigi kiyo. Doli ɗini sa wina ni gege? Dla ndaɗta li hin ka li ni hu li ma ndak ka hu ca mullaɗina kalage?»

DANYEL 2:30

An may ni, ka ni kay tan u yal man ma su ndarayan suu iirina dla ndaɗta tak taɗ ki irinni naɗi may, ni kay ana tak u dla ndaɗta ki maŋ mulna a aŋ wi saa mayra huruŋga may.

NDUMBA 24:7

Ni ko mbo ma ɓaɗ ay ki hu zulum tuɗ u tlesuu zaarina na. Mulla vi suu Israelna ni sura vi Agag, mulla Israella tuɗ ha ni fok na ɗow ɗow.

GA 8ATAMBARA 28:1

«Lini agi hum vun Yawe ki jiviya li u gaɗ mamba an ɦagira wandara jiviya, ni Yawe Loogina hin mbuɗugi ŋgol su njaf suu daŋŋa halaŋ halaŋ.