1 DLAŊ MULINARA 13:5 - Boy Lonana

⁵ David tok suu Israelna halaŋ col ay fun lum ma Egiptena day ta ta tew ki fun grek ma Hamatna, a hoŋ Zandukka vi Lonara ay ki hu Kiriyat-Yerim.

1 DLAŊ MULINARA 13:5 Iomraidhean Croise

2 SAMUEL 6:1

David tok suu duu suu Israelna eg tasi daŋgatla, suuna buɓ buɓ dok-hindi.

1 MULINA 8:65

Hu li namma gaw ni, Salomon li luu ma vun mbutluɓma ki hu gaw may. Suu Israelna tok ay ni halaŋ halaŋ, col ay Lebo-Hamat ii ma mbayawna ta ta fun mbo lum ma Egiptena ii ma dalina. Asi li luuna fok Yawe, Looygina, buuna kiɗisiya, asi hin li buuna kiɗisiya olo, buuna halaŋ doogo yam fiɗi.

2 MULINA 25:21

Mul ma Babilonna casi poŋga, hin casi ki maɗna hu Ribla tana hu mbassa vi Hamatta. Suu Yudana mbuɗ ha ki eg mbas masira day ni ko ndaɗta na.

1 DLAŊ MULINARA 13:4

Suu tokkina halaŋ hurusi vi a li ko ndaɗta na daŋ may. Kay dla ndaɗta gol ii suuna halaŋ jiviya.

1 DLAŊ MULINARA 13:6

Nam tuɗ hu Baala hu Kiriyat-Yerim u suu Israelna um halaŋ hu Yuda a hoŋ Zandukka vi Lonara ayra, ta vi Yawe ta tini kolo kay Serubimma, hu li ma yam sem huna.

1 DLAŊ MULINARA 15:3

David tok suu Israelna halaŋ hu Yerusalem a tli Zandukka vi Yawera, tuɗuɗ hu li ma nam minim ki kaɗna.

EZAYI 23:3

Asi taɓa lumma u tlesuu asi horokosi ay fun lumma Nil u feɗta Nilla mbaarasi ki hu Sidon. Asi fi mbo tlena ko njaf suuna halaŋ.

JEREMI 2:18

Cecem wanda va mbaɗak vunuk hu voɗta Egiptera a ndak tuɗ ci yona hu lum ma Horusna ni mege? Va mbaɗak vunuk hu voɗta Asirira a ndak tuɗ ci yona hu lummana ni mege?

JOSUWE 9:17

Hu buu ma hindi namma gaw ni suu Israelna tuɗ ndugusi ziisiya, ɦoŋzi namma ni Gabaon, Kefira, Beerot u Kiriat Yearim.

1 SAMUEL 6:21

Asi cuk suuna vun sunda eg suu Kiriyat-Yerimma dasi ana, «Suu Filistinna hoŋ Zanduk Yawera ay wa. Mbaagi ay tlaɗ ha vo varagiya.»

1 SAMUEL 7:1

Suu Kiriyat-Yerimma mbay hin tli Zanduk Yawera. Asi tuɗuɗ ha hu ziŋ Abinadabma, kolo kay ɦinira asi hin tin goromma Eleazar a gol u Zanduk Yawera.

1 SAMUEL 7:2

Ay hu buu ma asi tin Zandukka ha ki hu Kiriyat-Yerimma day ni, buuna jak ki bolowo, basara dok-mba'. Hu li ma suu Israelna gijaŋ fi koɗ tara ŋgoo Yawe dagani.