1 DLAŊ MULINARA 11:3 - Boy Lonana

³ Suu basi suu Israelna halaŋ mbay fi mulna hu Hebron. David lasi jivira vi galamba u asi hu Hebron fok Yawe. Asi fuu David a mul ma Israelna ko boy ma vi Yawe ma dam maŋ Samuelna na.

1 DLAŊ MULINARA 11:3 Iomraidhean Croise

2 SAMUEL 2:4

Suu vi Yudana mbaya, asi hin fuu David a mulna kay zi ma Yudana. Asi mbay di David ana, «Suu vi Yabes ma Galaadna tos Sol ni asiya.»

2 SAMUEL 5:3

Suu basi suu Israelna halaŋ mbay fi mulna hu Hebron. Nam mulna David hin vi galamba u asi jivira hu Hebron fok Yawe. Asi hin fuu David a mul ma Israelna na.

2 SAMUEL 5:5

Hu Hebron nam ti mulla kay Yuda basara kiɗisiya u tilna karkiya may. Hu Yerusalem nam ti mulla basara dok-hindi yam hindi kay Israel u Yuda halaŋ.

2 MULINA 11:17

Yoyada njun galamba duk ɦoŋ Yawe u mulna u suuna may kay a asi li ni suu vi Yawena. Nam taɓ Galamba duk ɦoŋ mulna u suunara may.

2 MULINA 23:30

Suu sun mamsina wam nam miɗ ki may ni, asi tlam ay hu pus pusna ay Megido, mbaaram ki Yerusalem. Asi mba pam hu zul mamba. Suu hu mbas ndaɗtana hin tli goromma Joasaz fokosi balamam a mulna.

1 DLAŊ MULINARA 11:10

Gola ni suu ŋgolo suu fok suu duu suu vi David suu njunum eŋ coco hu li ma nam ti mullana, suu Israelna halaŋ lay a nam ti mulla ko boy ma Yawe ɓakam ki kay Israelna na.

2 DLAŊ MULINARA 23:3

Suu asina halaŋ tok kaŋga hu Ziŋ Lonara. Asi njaɗ dlara kay mulna Yoyada dasi ana, «Gologiya, ni Joas, goŋ mulnana, li ni nanagelay ni nam a kak a mulna ni namu, ko ndal dlara Yawe daɗ kay njaf suu vi Davidna na may.

SUU KAƁAKŊA 11:11

Jefta tuɗ ay u suu ŋgolo suu Galaadna. Suuna mba a tlam fokosi a mul masina, tinimmi a ŋgol asgaana lay. Jefta hoŋ di boy ma nam dam ayna ki fok Yawe halaŋ hu Mispa.

1 SAMUEL 11:15

Suuna halaŋ halaŋ tuɗ hu Gilgal. Hu li namma asi tin Sol ki a mulna fok Yawe hu Gilgal. Asi li ɓivun ma hal heɓpa fok Yawe, Sol lay, suu Israelna halaŋ lay li furira ŋgolla.

1 SAMUEL 15:28

Samuel dam ana, «Yawe ɓaɗaŋ mulla Israella ki koŋ wa. Karam nam hin ɦaɗ ki maŋ sa daŋ ma jivi suuŋŋa.»

1 SAMUEL 16:1

Yawe di Samuel ana, «Aŋ hin tii kay Sol na gak gak su? An tanda noyom ki ni anu. Nam ka mul ma Israelna oloɗi. Oy mek maŋŋa u mbulna tuɗa. An sunuŋ ha vo vi Jese ma Betlehemma, kay ana an gol duk goryom wanni sa ma tinim a mulnana kaa.»

1 SAMUEL 16:3

Hu givin ma togolla wanni aŋ hin yi Jese ay egeŋu. Na ɗaŋŋi an hin takaŋ dlara aŋ hin laɗta u tanda, aŋ hin fuurun sa ma an tinim a mulna ma an hin takaŋŋana.»

1 SAMUEL 23:18

Asi vi galamba duk tasi u dlasira mbara fok Yawe. David kak ha hu Horesa. Jonatan hin ɦoŋ ki vo varam may.

1 SAMUEL 28:17

Yawe li ni ko nam di dla ndaɗta ki fununda na. Yawe ɓaɗaŋ mulla ki koŋu. Nam hin ɦaɗ ki maŋ sa daŋŋa, maŋ David.