LUKAS 5:2 - Bahasa Manggarai New Testament

² Hia ita suad wangka sili lupi sano. Isét morid polig wa’ud, agu rémé waca ndalad.

LUKAS 5:2 Iomraidhean Croise

MATÉUS 4:18

Agu du Mori Yésus rémé lakon loléng sano Galiléa itas Liha sua taus asé-ka’és hi Simon ata bénta hi Pétrus agu hi Andréas asén. Isé rémé oké ndalad oné sano, ai isé situ ata ndala ikangs.

MATÉUS 4:21

Du kolén Mori Yésus nitu main, ita kolé Liha sua taus asé-ka’és hi Yakobus anak di Zébédéus agu hi Yohanés asén, agu emad hi Zébédéus rémé besik ndalad oné wangka, itus kali bénta le Mori Yésus.

MARKUS 1:16

Du Mori Yésus lako loléng lupi sano Galiléa, itas Liha hi Simon agu asé-ka’én hi Andréas. Isé rémé kéta oké ndalad oné sano, ai isé ata ndala ikangs.

MARKUS 1:19

Agu du Mori Yésus toé di tadang koé lakon, itas Liha hi Yakobus anak di Zébédéus agu asén hi Yohanés rémé kéta besik ndalad bonén wangka.

LUKAS 5:1

Manga cangkalin Mori Yésus hesé oné lupi sano Genésarét, alang ata do nunggu-nenggér baling mai Hia te séngét curup de Mori Keraéng.

LUKAS 5:3

Hia léti oné can wangka situ, wangka di Simon, agu jera hia kudut dur oné koéy cekoén, tadang oné mai lupi sano. Itug kali lonton Hia agu toing ata do situ éta mai wangkan.

YOHANÉS 1:40

Cengata oné mai isét sua ata dengé curup di Yohanés, agu ata lut Mori Yésus, ngasangn hi Andréas asé di Simon Pétrus.