LUKAS 2:49 - Bahasa Manggarai New Testament

⁴⁹ Mai walé Diha ngong isé: “Co’o néng tara kawé Akus méu? Toé néng pecing le méu, te Aku paka manga oné Mbaru de Emag?”

LUKAS 2:49 Iomraidhean Croise

MATÉUS 21:12

Itu kali Mori Yésus ngo oné Mbaru de Mori Keraéng agu wéling taungs isét manga dagangd oné natas Mbaru de Mori Keraéng. Pandé waléks Liha méja-méja paluk doi agu bangku disét pika tekur jawa,

LUKAS 2:48

Du itan Hia lata tu’an, lenget taung isé, mai taé de endén ngong Hia: “Nana, co’o tara pandé nenggo’om Hau agu ami? Lélo emam agu aku soang naigm kawé Hau?”

YOHANÉS 4:34

Mai taé de Mori Yésus ngong isé: “Hang Daku ngong émé pandés Laku ngoéng Diha hitut wuat Aku, agu pandé polis gori'N situ.

YOHANÉS 5:17

Maik mai taé Diha agu isé: “Ema Daku gori dengkir te ho’on, ali hitu, Aku gori nenggitu kolék.”

YOHANÉS 5:36

Maik manga ca kétay sakasi Daku ata céwé mésén oné mai sakasi di Yohanés, ngong sanggéd taung gori ata poli téing li Ema kamping Aku, kudut pandés Laku. Gori situ kolé ata pandé Daku te ho’on, agu sanggéd pandé Daku situ te téing sakasi latang te Aku, te Aku ho’o wuat le Ema'G.

YOHANÉS 6:38

Ai Aku poli wa’u éta mai Surga, toé kudut pandé lorong ngoéng Daku, maik kudut lorong Hia hitut poli wuat Aku.

YOHANÉS 8:29

Hia hitut poli wuat Aku, Hia kempéng Akuy. Hia toé ondang Aku hanang koég, ai Aku pandé taung situt henan oné nai Diha.”

YOHANÉS 9:4

Ité paka pandé gori Diha hitut wuat Aku du rémé manga kin leso; ai émé caig wié, toé manga cengatan kolé ngancéng te gori.