LUKAS 13:3 - Bahasa Manggarai New Testament

³ Toé yé! Taé daku ngong méu. Maik émé méu toé teserm, sanggés méu te calang ného nggitu kolém.

LUKAS 13:3 Iomraidhean Croise

MATÉUS 12:45

Itug kali ngo kolén agu sawal kolés liha pitu jing da’at ata céwé da’at oné mai hia, agu ngo bonés agu ka’éng nitus. Cemoln ga, weki data hitu céwé da’at oné mai weki laring cain. Nenggitu kolés jirid ata da’at so’o.”

MATÉUS 22:7

Rabo kétay raja hitu, itu kali jera lawan ngo nitu kudut pandé ampus taungs isét ala mendi situ agu tapa bendar disé hitu.

MATÉUS 3:2

“Tesérm ga, ai adak Surga ruis gi!”

LUKAS 13:2

Mori Yésus walé agu isé: “Nuk de méu ga, ata Galiléa so’o céwé ndékokd, itu po ndékok de sanggéd ata Galiléa situ iwod, ai isé nenggitu muings wadad?

LUKAS 13:4

Ko le nuk de méu, isét campulu alo situt mata tené le ngando ruis Siloam, céwé mésé salad, itu po sala de sanggéd ata bana, situt ka’éng oné Yérusalém?

LUKAS 13:5

Toé! Taé Daku agu méu. Maik émé méu toé teserm, sanggés méu te calang ného nggitum.”

LUKAS 24:47

agu manga kolé tulis: le ngasang Diha, keréba latang te teser, agu ampong ndékok, paka caing oné sanggén ata, pu’ung oné mai Yérusalém.

TOMBO PÉTÉ GORI DE RASUL-RASUL 3:19

Landing hitu, doing koé agu teser ga kudut ampong ndékoks,