Yuda 1:7 - NTSHOB NSI

⁷ Be ndaṅndaṅ, Sodom, Gomora, mba ngô ts'a be mbaṅ bo tse bo na' mfà wut tshob num kat mba bo, nèn njam mo' mbàb wut ghua là, tshen ngô li b'a mfi', bo b'a ntùm mbwôg z'a tswe yoṅ ntshù' là.

Yuda 1:7 Iomraidhean Croise

Neto'te 13:13

Là, ba Sodom na' mb'a tshùagkèt ben kebwô num miag Tshùaben.

Neto'te 18:20

Ndùlala Tshùaben tshob ndù: Tshu'te z'a be num nu Sodom bo Gomora là yàm neshu! Nukebwô yub bèn mbag neshu!

Neto'te 19:5

Bo tsiaṅ Lot tshob yi ndù: Benntùn tse bo se' ntsho ndà o yen tèttswe' li là yà? Ghù bo tum nse' njù bag nô yube.

1 Fenfen 22:46

Tshé' mfa' Yosafat, tshu ts'a ghù là, ntsho ts'a le' là, bo kite ntùm ṅwa'ni Kronika fenfen Yuda.

Esaya 1:9

Tshùaben tàndà ntsho na' mbe ke lem metsit tshé' benntùn mba be lo fut'a Sodom, mba be lo fut'a Gomora tse bo na' nsate yub koṅkoṅ nà.

Esaya 13:19

Ndùlala Babilon z'a be tôgtse nufen nzenze, mbe ntshèn mi a be ngù ba Kaldéa ka'te là, nsi b'a mba Sodom bo Gomora tse Nsi na' nsate yub là.

Esaya 33:14

Wut ghaghù nukebwô nsi vètte Sion, bwôg nsi ghom ben kebwô, bo ke ntshob ndù: We netèt be ku'ni netsin mbwe tonkèt mbwôg à? We netèt be ku'ni netsin mbwe ndà mbwôg mi a tswe matmal à?

Yérémia 20:16

A bwô ndù yen mèn nà tù' à mba ntusô mi Tshùaben na' nsate, ke ghù kondèn nà. A bwô ndù a ju' nekua' nkebnjù, nju' nkua' ntsho mbwôgtshù.

Yérémia 50:40

Tshùaben tshob ndù: Bo ke nsi zi bèn tswe bwe, a ke nsi bèn be dù'ntswe sàm mènntùn. A nsi b'a mba Sodom bo Gomora boa ntusô mi a ghebte, mi Tshùaben na' nsate là.

Nsindàvù 4:6

Ze nevù ntsha ngon yàm nzwit mèn ghu' neshu, ntshùa ze Sodom ze bo na' nsat'é kua' num ngualag là. Sàm mèn lo ke nenjab bu num i.

ṄWA'NI OSÉ 11:8

Efraim me nsi ghua' o à ndùke, me swèn o neswèn ké? Me nsi ghua' o mba Adma l'a ndùke? Me nsi ghù wù ndaṅndaṅ mba Tseboïm nà ké? Ntù àm tshwèt ntam ntùm bwe. Njoṅ yàm kondèn fa bù' wul i nsi.

Amos 4:11

Me lo sate zin ndaṅndaṅ mba Nsi na' nsate Sodom bo Gomora là; bin na' mbe à mba nesèn mbwôg ze bo sô ntùm mbwôg ndùb là. Mba ndùlala bin ke' bèn njam ntèl àm. Tshùaben bèn ntshob ndùlala.

Matio 10:15

Kua' nenùne, me tshob bin ndù: Nu ngô Sodom mba Gomora nsi bwô tshùa ze yen ngô là mum lé'njù netsho'te ntsha.

Matio 11:24

Ndùlala me tshob bin ndù: Nu ngô Sodom nsi bwô tshùa yu mum lé'njù netsho'te ntsha.

Matio 25:41

A nsi tshob ben tse bo be num bag bu i ze kwéb là ndù: Ghandon, bin lo mbaṅ àm, nèn ntùm mbwôg z'a tswe yoṅ ntshù', ze bo na' nabte njab Satan mba angél tse là.

Lukas 17:29

là lé'njù ze Lot tum Sodom nà, mbaṅ mbwôg mba njôg swe' kamànyam, ngwù, ngù bo bite fafa.

1 Korintô 6:9

Bin ke' lèn ndù ben ketsin ke nsi ghù yub bag i ntùm nufen Nsi ké? Kà bin fùte wut tsine! Ke ba kattù, ke ghakelèn Nsi, ke ghaghù màndà, ke ben nebole, ke ghakô yôg ngùa,

Nebwôgte 29:23

A nsi tshùa ndùlala ngô njù fa ke mbètte ndù: Numke Tshùaben ngù num ngô li ndù à? Yen tonte yantù li, yen mà yantù li b'a numke?

2 Tésalônikà 1:7

mfà fite bin tse bin tshwèt njen nge' là, mba bag, ngelaṅ Tshùaben Yésu nsi tswite wul i, swe' mfe kamànyam boa Angél neta i,

2 Tésalônikà 1:8

ntùm mbwôg nekù là. A nsi yagte mba' ben tse bo ke' lèn Nsi, ke ke nju' ntshu nkùn mebwô Tshùaben Yésu là;

2 Pétro 2:2

Benntùn yàm nsi tam njam bo ntùm yôg sob se ngùa; a nsi tshùa num bo, benntùn tshabte manze nunenùne.

2 Pétro 2:6

A be ze Nsi na' ngù ngô Sodom mba ngô Gomora tù' mbwembwôg ngwù ntùm nebagte, ndù bo be mfi' ghakeghamt'é tse bo nsi se' là,

2 Pétro 3:7

Là ndonni, be njam ntshob mbile, Nsi lem kamànyam mba tsha'a, ndé' yub num mbwôge, mum lé'njù netsho'te ntsha mba lé'njù nebagte ben tse bo ke' be ghamt'é là.