Yuda 1:4 - NTSHOB NSI

⁴ Nummbe tsemo' benntùn tsho netèt bin, bo lo à kite yub nevù ntsha fe ndùke lo, bo b'a ghakeghamte Nsi tse bo num mbagte kondèn Nsi be ntùm yôg ngùa, nke nga ta' tàndà be mba Tshùaben Yésu Kristô là.

Yuda 1:4 Iomraidhean Croise

2 Samuél 22:5

Nummbe koṅ vùkob lo lam àm mbume, koṅ nesate dù' lo ya' num tu àm.

Yobkwi 1:1

Mènfen b'a mèn z'a ke' be zin à num ntag ghatshùagntù là ke be tsin num manze ben kebwô, ke be tam bwoṅ boa ghatshabte là,

Yobkwi 62:2

Ṅ, ntù àm ke njab à num Nsi, ze yôg sàm fe à yi là.

Matio 13:25

Ngelaṅ benntùn ke nzi là, ngakeban i se', njwit nzwit ju kebwô netèt ngefele, nèn tse.

Yohané 17:3

Là yen ni b'a yôg matmat ndù bo lèn o, wù z'o be nda' ta' Nsi ntshù' ze nenùn nà, mba mèn z'o tum i là, Yésu Kristô.

Mfa' Ghantum 11:23

A kum bwe, njen kondèn Nsi ntsiaṅte, ntagte yub ndù bo ghô njam Tshùaben ntùm ntù ntshù'.

Mfa' Ghantum 15:24

Bag ju' ndù tsemo' ben tum netèt bag nse' ntshu' tu tsine, nsobte ntù tsin ntshobe, ke be ndù bag tum yube.

Galatia 2:4

Fètfèt tse tatte lo be bwe, tse bo tsho bwe neton be, tse Kristô Yésu tshu' be là, ndùlala ndù bo bèn ma' be ntùm kuan.

Galatia 5:13

Fèt tshàm, bo na' ntsiaṅ zin à ndù bin tum kuan, nda' ndù kà bin lo' Ywèt netum kuan nà mba dù' neyi'te bwe, mfa' mbàb wut là, là bin tshùa njam nkôni nke mfa' netèt bin, bin bin.

Efésô 4:14

Ndùlala ndù kà bag à bin bèn nebe bônke' tse mba zit netswite lo tshwèt nshùm be fèl i, nke nket be bag bag, ntùm tatte benntùn, ntùm nkùnkù yub, nke ndiag nefùte be là.

1 Timôtio 5:8

A be ze mèn ke' kwate tse ben, njôg mbe b'a tunndà i là, mb'a ghua' bamntù, a b'a mèn kebwô ntshùa mèn z'a ke' bam nà.

2 Timôtio 2:12

A be ze bag à bin fènte là, mba bag à bin bo nsi tô; a be ze bag à bin gha i là, mb'a nsi gha be,

2 Timôtio 3:6

Tam yub mvèn o; nummbe ghatsha' nzendà benntùn num netèt bo, bo num nzwiaṅte bènnzwi tse bo fùag là, nukebwô tshùa yube, ghe'te nzenze nke nsoṅ yube,

1 Pétro 2:16

Bin ghù njoṅ i fa mba ben tse bo tum kuan nà, ke lo' netum kuan nkabte nukebwô yi, là bin ghù mba kuan Nsi là.

1 Pétro 2:8

loṅ nefa'te, loṅ ywi' num ben tse bo ke' bam nà. Bo ke mfa'te bwe à nummbe bo gha neju' ntshobe, Nsi lo yab yub num yen dù' là.

1 Pétro 4:18

A be ze mèn netsin tum à ntshu vù là, mb'a nsi b'a ndùke num ghakeghamte Nsi mba mèn kebwô à?

2 Pétro 2:10

njôg mbe ben tse bo num nzin ntùm ghe'te ṅu' njam mbàb wut, nke ngwag Tshùaben nà. Bo b'a ghata'nku, ghako'tewut, ke be bwôg netshabte ba nkuni,

2 Pétro 2:7

a be ze Nsi na' nkwé Lot mèn netsine, ze yôg ngùa ben kebwô ke ngùtni là,

2 Pétro 3:7

Là ndonni, be njam ntshob mbile, Nsi lem kamànyam mba tsha'a, ndé' yub num mbwôge, mum lé'njù netsho'te ntsha mba lé'njù nebagte ben tse bo ke' be ghamt'é là.

1 Yohané 2:22

Ngatatte b'a we? A ke b'a mèn z'a num nga ndù Yésu b'a Kristô là ké? Yen mèn ni b'a ngakeban Kristô. A num nga Tà mba Mén.

Yuda 1:15

num netsho'te njoṅ benntùn fa, naṅ ntsha tu njoṅ ghakeghamt'é fa tse bo fa' mfa' kebwô ntùm yub nebe ke ghamte Nsi là.

Yuda 1:18

nummbe bo lo tshob bin ndù: A nsi be ngelaṅ mànjam, ghatshabte tume, nke nzin ntùm ghe'te yub, ntùm yub nebe ke ghamte Nsi.

Apokalipse 15:4

Tshùaben, we z'a ke nsi bwôg o, be ke ghamte lén so à? Nummbe o b'a mèn nelàn tù' o, nummbe njoṅ ngôngô fa nsi se' vù nsi mbwe o, nummbe tsho netsho'te ntsha tswite wut tshobe.