Yuda 1:3 - NTSHOB NSI

³ Fèt tshàm tse nkôni, mba me ke nànte neshu nekite bin num nu yôg be s'a b'a ntam nà, me lo yen ndù a bwô me kite bin, ndùlala ndù me tsiaṅ zin num ntsho bamntù, bamntù ben nelàn na' nkwé yoṅ ntshù' num njoṅ yoṅ tse fa là.

Yuda 1:3 Iomraidhean Croise

Néhémi 13:25

Me kag yub nso ndon tu bo; ndab mba tsemo' benntùn netèt bo ntsho' nyiaṅtu tshobe; me bèn ngù bo kàn mfe tshob nu nsaṅlaṅ bwe num lén Nsi ndù: bin ke nsi fà bon tsin tse bènnzwi bon tshob tse bandum, ke bèn nke ndo' bon tshob tse bènnzwi mfà bon tsin tse bandum, ke bèn ne na ndà bin à bo.

Esaya 45:17

A be ze Israél tshùa ntsho là, mb'a fe à Tshùaben. Yen netshùa ntsho là b'a z'a tswe matmat là, tuswe ke nsi ko zine, tuswe ke nsi ghom zin tà nèn nkum miagte ngelaṅ.

Esaya 45:22

Njoṅ zin fa bin be num ntôg njù là, bin kaṅ wut tsin nse' ntèl àm, ndùlala bin nsi yôge. Nummbe me b'a Nsi, ndù mo' ke' bèn mbe.

Yérémia 9:3

Bo dù' lém sob mba ngoṅkét là, nke ndo' ma' tatte yi. Bo ke' ke ndo' à nenùn nta yi ntùm ngô. Bo be ndo' tshùagntù ntam tshùagntù yi. A b'a nummbe bo ke' lèn àm tshobe, Tshùaben bèn ntshobe.

Mfa' Ghantum 17:3

nke ntote mbèn nke nda'te bo ndù a lo bwô ndù Kristô yen nge', mbèn mbam num vù; yen Kristô là b'a Yésu ze me tshwèt ntshob bin nà.

Mfa' Ghantum 18:28

Nummbe a lo ke mfènte neta ba Yuda mbwe benntùn, nke ntshùa num ṅwa'ni Nsi, nda'te ndù Yésu b'a Kristô.

Mfa' Ghantum 20:27

Me lo ke to' bènte njam num nebe ke soṅ zin nekô Nsi fa.

Mfa' Ghantum 28:28

Bin lèn ndonni ndù sen yôg li s'a fe Nsi là, a lo tum ghakelèn Nsi; tshen ben ni nsi ju'u. [

Mfa' Ghantum 4:12

Yôg ke mo' mènghua, nummbe tun bam kamànyam, mo' lén mènghua ke bwe se bo na' mfà benntùn ndù be tshùa bwe nse' njôg là.

Mfa' Ghantum 6:7

Ntshob Nsi nke nèn be mbwe, ghazi'te nke njàm Yérusalém neyàme, mba mo' bwoṅ ghale'te Nsi ju' ntshu bamntù.

Mfa' Ghantum 9:13

Anania bùnte ndù: Tshùaben, me ju' benntùn yàm tshob ndù yen mèn nà ghù nukebwô yàm num ben tsho tse nelàn Yérusalém.

Mfa' Ghantum 9:22

Mba Saulo là a nke nkagtùn nèn be mbwe, nke nkag tshu'tu netèt ba Yuda tse bo be Damas là, nummbe a lo ke ntshob ndù Yésu b'a Kristô.

1 Korintô 15:3

Me lo bwôgmbwe ntswite zin ju ze me na' nkwé là; yen nà b'a ndù Kristô lo kwù num nukebwô be, ndaṅndaṅ mb'a be ntùm ṅwa'ni Nsi là;

Galatia 2:5

Bag lo ke fà bu yag bo mba yoṅ ntshù', ndùlala ndù nenùn nkùn mebwô ghô num bin.

Galatia 3:28

Ze Yuda ke' bèn mbe, ze Grikia ke bèn mbe, nkuan ke bèn mbe, ménla' ke bèn mbe, mandum ke bèn mbe, mènnzwi ke bèn mbe; nummbe njoṅ zin fa b'a ntshù' num Kristô Yésu.

Galatia 6:11

Bin lôte njene, me bèn nkite men miag ṅwa'ni ndùb li bin kua' ko' bu àm.

Efésô 1:1

Me Paulo, ngantum Kristô Yésu, njam ze nekô Nsi, me kite yen ṅwa'ni li à ben nelàn tse bo be Efésô là mba ben tse bo bam Kristô Yésu là.

Nebwôgte 21:9

a nsi tshùa ndùlala o ghù lem mbu' tum netèl o, o ghù nu ndaṅndaṅ num miag Tshùaben.

Nebwôgte 9:10

Tshùaben fà ntafèt ndoṅ me mbàa mi kua' bu i kite là. Ntshob mi Tshùaben na' ntshob bin num mbale, netèt mbwôge, num lé'njù mbumte là lo be num men ntafèt là.

Filipi 1:1

Paulo mba Timôtio, ghafa' Kristô Yésu, num njoṅ ben nelàn fa num Kristô Yésu tse bo be Filipi boa ghalôte mba ghafa' là.

Filipi 1:27

Nda' ndù bin zin mba bonla' là, mb'a ku'ni num nkùn mebwô Kristô là. Ndùlala ndù me yene, a be ze me se' la' bin nà; nju'u, a be ze me ke' se' la' bin nà. Ndù bin tsin tù ntùm ta' Ywèt ntshù', njam bamntù nkùn mebwô, ntamte, nke nde' ntsho ntùm ntù ntshù',

Kolosé 1:2

kite yen ṅwa'ni li à ben nelàn mba fètfèt tse bo be Kolosé, tse bo bam Kristô là. Kondèn mba fite z'a fe Nsi Tà be là be bin.

1 Tésalônikà 2:2

Bag lo bwôgmbwe njen nge' mba tshabte Filipi, mba bin lèn nà, là bag lo fèn ntù num Nsi be, ntshob nkùn mebwô Nsi netèt ntsho yàme.

1 Timôtio 1:18

Mén àm Timôtio, me lem men ntshob li wù ndaṅndaṅ mba ntshob ghatshob ntshob Nsi na' ntshob num o là, ndùlala ndù o tshùa num i, nde' mbwô ntsho,

1 Timôtio 6:12

Le' mbwô ntsho bamntù; ghom yôg matmat se bo na' ntsiaṅ o num bwe, s'o na' ntshob mbwô kwénta num i mbwe ghakwénta yàm nà.

2 Timôtio 1:13

Ke ndo' mfi' num ntshob nelàn mi o na' nju' me, ntùm bamntù mba ntùm nkôni z'a be num Kristô Yésu là.

Titô 1:4

Me kite yen ṅwa'ni li à Titô, ko' mén àm ntùm bamntù z'a tamte yag là. Kondèn mba fite se' njam Nsi Tà mba njam Kristô Yésu, ngayôg be.

Héber 13:22

Fèt tshàm, me tsiaṅ zin ndù bin fènte men ntshob ntag li, nummbe me ke' kite bin yàme.

Héber 6:9

Fètfèt tse nkôni, mba mba bag tshob ndùlala là, bag tshwèt nywinte num bin, ndù bin nsi ghù bag i ze mebwô z'a fà yôg bin nà.

1 Pétro 5:12

Silvanô, mfèt ze nenùne, mba me kwate là, nsi fà yen ṅwa'ni li bin; me kite bon nkam ntshob bin, num netagte zine, mba nekwé nta ndù yen nà b'a kondèn Nsi ze nenùne; bin tsin ntùm bwe.

2 Pétro 1:1

Me Simon Pétro, nkuan mba ngantum Yésu Kristô. Me kite yen ṅwa'ni li à ben tse bo kwé bamntù tanjoṅ ndaṅndaṅ mba bag là, njam nunetsin Nsi be mba ngayôg be Yésu Kristô là.

2 Pétro 2:21

A lo bwô bo ndù kà bo lèn manze nunetsine, ntshùa nelène, mbèn ntam ntshù' nelàn ze bo fà bo là mvèn yub.

Yuda 1:1

Me Yuda, nkuan Yésu Kristô, mfèt Yakobo, me kite yen ṅwa'ni li à ben tse Nsi Tà kô yube, ben ts'a lé' yub num Yésu Kristô, ben ts'a tsiaṅ yub là.

Yuda 1:17

Fèt tshàm tse nkôni, là bin, bin kwimte tshu tse ghantum Tshùaben be Yésu Kristô bwôgmbwe ntshob là,

Yuda 1:20

Fèt tshàm tse nkôni, là bin, bin kut wut tsin num bamntù zin ze nelàne, bin le'te Nsi ntùm Ywèt Nelàne,

Apokalipse 12:11

Bo lo tshùa i ntsho njam lem mén njùmbwe mba njam ntshob kwénta mube, bo lo ke kô yôg sob tà nèn nkum num vù.

Apokalipse 2:10

Kà bwôg nge' ts'o nsi yen nà. Tshù, Satan nsi ma' tsemo' ben netèt bin ntùm ndàtsha, ndù laṅte se' bin; bin nsi yen nge' ntùm lé'njù gham. Be mèn nenùn tà nkum lé'njù vù, tu wul àm me nsi fà tshe' yôg wù.