Yuda 1:12 - NTSHOB NSI

¹² Tshen ben ni b'a lo' ntùm ba jujù nkôni zine; bo num njù, mbèn nu bin à bo ke bwôg, bo num nkém wut tshob yub tu, bo b'a ndot ts'a ke' ghù ntse, ndot tse fetmbaṅ tshwèt ntèn yub là; bo b'a ntù mi a ke' ghù mfu mi, ke ghù ntàm mi, ntù mi a kwù yoṅ bàa, ntù mi bo tsho' yub là,

Yuda 1:12 Iomraidhean Croise

2 Kronika 7:20

mba me nsi sô zin ntùm ngô àm ze me na' mfà bin nà, ghua' yen ba' li ngùanesà, ba' ze me lànte num lén sàm nà, lo' i ghù ju komzwi bo tshabte yi netèt ngôngô fa.

ṄWA'NI YOB 8:17

Nga tse be mfa num netèt ndoṅ, nzin tà nèn nkum bam gholoṅ.

Yobkwi 1:3

A be ndaṅndaṅ à mba tù se bo bwe kaṅntse, a nke njam ntàm mi num ngelaṅ i; mfu mi ke be tsho' là. Mba ke lo ze mènfen num ngù là be ngwù lag.

Yobkwi 37:2

Nummbe bo be njob ndende mba nenà là, nte' mba nenàfi là.

Tànkùt 25:14

Mèn z'a be ntatte wul i, nke nka' ke fà ju là, b'a mba ba ndot bo fetmbaṅ ze mbaṅ be ntùm bwe là.

Ezékia 17:9

Tshob ndù: Tshù mba Tshùaben Nsi tshob li: Tù ndu' nsi zin tshùa kum à? Mbwe ghammàtat ke nsi be' nga tse, (tsho' fag) kàb ntàm mi kà njoṅ mfu mi fa mi nswe mi a tob là jum ké? A ke tshwèt mbètte mo' nkum neta ke mo' nzwit mèn yàm no kà tsho' nga tse.

Ezékia 34:10

Tshùaben tshob ndù a nsi bù' tu i nsi num lèn tshen ghabéb mbwe là. A nsi kùa yub mbwe tse, a nsi kwé bwoṅ mbwe bo ndù kà bo bèn nebéb yube. A nsi tshùa ndùlala, bo be ke bèn nkém wut tshobe. A nsi sô mbwe tse ntshu bo ndù kà mbwe bèn mbe jujù yube.

Ezékia 34:18

A b'a metsit nu nekém zin ntùm kin mebwô ké, kà bin nke ndo' nku min nyiaṅte tshé' nenà yi à? A b'a metsit nu nenu ntse nelàn ké, kà bin nke ndo' nku min nkamte tshé' i yi à?

Ezékia 34:2

Mén mèn, tshob ntshob ngatshob ntshob Nsi num tse ghabéb mbwe Israél, ntshob ndù: Tshù ju ze Tshùaben Nsi tshob li: Ghandon b'a tse ghabéb mbwe Israél tse bo ke ndiag nda' yub jujù là. Ghabéb mbwe ke bèn nke nkém mbwe ké?

Ezékia 34:8

Tshùaben Nsi tshob ndù: Me tshob nsaṅlaṅ bwe ntshob ndù: Mba mbwe tshàm tù' ju nsa'nsa', ntù' jujù ba nyàm tshwèt mba ngabéb yub ke' bèn mbe tse là, mba tshàm ghabéb mbwe ke' bèn nelab tshob wut num mbwe, ntù' ke nkém a tu wut tshobe, ntù' ke nsot'a be jujù ntshu tu wut tshob là,

ṄWA'NI OSÉ 6:4

Efraim, m'a' ghù à ke wù à? Yuda, m'a' ghù à ke wù à? Yu nebétni b'a mba ṅam nkebnjù là, mba meme' nkebnjù mi a be ntôg là!

Lévitiko 14:43

A be ze to' là bèn nko' ntùm ndà, ndùse bo tsho' ndoṅ, nkôte dù' mbèn ntamte ba' là,

Matio 13:6

Là nyam yoṅ mbe tume, a lab, njume, nummbe nga tse lo ke be bwe.

Matio 15:13

Là, a bùnte ntshob ndù: Njoṅ ntù fa mi Tàa mfe kamànyam ke bèn njwit là, bo nsi tsho'o.

Marko 4:6

ngelaṅ nyam tum nà, a lab, njume, nummbe nga tse lo ke be bwe.

Lukas 12:45

Là, a be ze yen ngafa' li tshob ntù i ndù: Tàa nsi be se' sène, nto' nelab tsemo' ghafa' tse bandum mba tse bènnzwi, njù, nu, mbèn mbume,

Lukas 16:19

Mo' ngankàb lo be bwe, nke ma' nzwe mebwô, nabte wul i njoṅ ngelaṅ fa, mbèn nke njôg ntùm tsiaṅte njoṅ lé'njù fa.

Lukas 21:34

Là bin bam nà num tu wut tsine, mbwôg ndù kà ntù tsin bot ntùm nejù yàme, ntùm nebum ndu', ntùm nelab wut num yôg sin ntùm yen njù li, mba ndù kà sen lé'njù là be ṅwag num bin, bin ke lèn.

Lukas 8:6

Mo' bag i vù num ndoṅ, mbile, mbèn njum be kua' ndende, nummbe dù' nefite lo ke be.

Efésô 4:14

Ndùlala ndù kà bag à bin bèn nebe bônke' tse mba zit netswite lo tshwèt nshùm be fèl i, nke nket be bag bag, ntùm tatte benntùn, ntùm nkùnkù yub, nke ndiag nefùte be là.

Filipi 3:19

yub miagt'é b'a nebi, yub Nsi b'a bam sobe, ghamte yub be ntùm ju tuswe yube, bo ke nkwat'a tshu nsitsha'a.

1 Timôtio 5:6

Là yen nà z'a be njôg ntùm ngùa là b'a mèn nekwù, mba mb'a ke' ntùn nà.

Héber 13:9

Kà bin bam ndù bo soṅte zin ntùm netswite nzenze ts'a b'a tse ghùn nà, nummbe a bwô nefà neta ntù njam kondèn Nsi, ke b'a njam tshujù ts'a ke' be ywimte ben tse bo fà wut tshob num bwe là.

Yakobo 5:5

Bin lo yôg mebwô num nsitsha'a, mbagte ke kwate, bin lo yôg ntùm yôg ngùa, bin lo kém ntù tsin ntùm lé'njù nezwite.