Yuda 1:1 - NTSHOB NSI

¹ Me Yuda, nkuan Yésu Kristô, mfèt Yakobo, me kite yen ṅwa'ni li à ben tse Nsi Tà kô yube, ben ts'a lé' yub num Yésu Kristô, ben ts'a tsiaṅ yub là.

Yuda 1:1 Iomraidhean Croise

Matio 10:3

Filibo mba Bartélémi. Tomas mba Matio ngakwéfé', Yakobo mén Alféo mba Tadéo;

Matio 13:55

A ke' b'a mén ngave li ké? Bo ke' be tsiaṅ màab ndù Maria, fèt tse ke' b'a Yakob, Yosèf, Simon mba Yuda ké?

Marko 3:18

mba Andréa, Filibo, Bartélémi, Matio, Tomas, Yakobo mén Alféo, Tadéo, Simon mén la',

Marko 6:3

A ke' b'a ngave, mén Maria, mfèt Yakobo, Yosèf, Yuda mba Simon ké? Fèt tse tse bènnzwi ke' b'a nsen ni netèt be ké? Bo fa'te num i.

Lukas 6:16

Yuda mén Yakobo mba Yuda Iskariot z'a swèn Yésu là.

Yohané 12:26

A be ze mèn tshwèt mfa' me là, a tam njam àm; dù' ze me be bwe là, mba ngafa' àm nsi be ze bwe. A be ze mèn tshwèt mfa' me là, mba Tà nsi nyàmt'é.

Yohané 14:22

Yuda, ke b'a ze Iskariot, tshob yi ndù: Tshùaben, ke z'a ghù o kô netswite wul o bag ke b'a njù à?

Yohané 15:16

A ke b'a bin na' mbèn ntsho' àm, là, a b'a me na' mbèn ntsho' zine, mbèn njab zine, ndù bin nène, mba ndù bin yam ntàme, mba ndù ntàm min bèn ntswe, ndùlala ndù mba ke lo ze bin nsi bètte Tà num lén sàm nà, a fà bin.

Yohané 17:15

Me ke ke nde't'a ndù o sô yub ntùm njù, là ndù o lé' yub num nukebwô.

Yohané 17:17

Lànte yub ntùm nenùne; ntshob mu b'a nenùne.

Yohané 17:19

Me lànte tu wul àm à num bo, ndùlala ndù mba bo yub be nelàn ntùm nenùne.

Yohané 6:39

Là nekô mèn z'a tum nà b'a yen ni ndù kà me ghù sàm ju bi num njoṅ i fa z'a fà me là; là ndù me se' mbam i num vù ntùm miagte lé'njù.

Mfa' Ghantum 1:13

Bo bèn njam ntùm ngô, nko' ntùm to'ndà z'a be tù, dù' ze bo ke ntse'te bwe là; a na' mb'a ba Pétro, Yohané, Yakobo mba Andréa, Filibo mba Tomas, Bartélémi mba Matio, Yakobo mén Alféo, Simon Zélôte, mba Yuda mén Yakobo.

Mfa' Ghantum 20:32

Ndonni me lem zin Tshùaben mba ntshob kondèn i z'a ku'ni nekut mbèn mfà ntsi' netèt njoṅ ben fa tse Nsi lànte yub là.

Mfa' Ghantum 27:23

Yen tèttswe' li, Angél Nsi z'a ghù àm, ze me ke mfa' yi là ṅwag me,

Roma 1:1

Me Paulo ngafa' Kristô Yésu z'a tsiaṅ àm ndù me be ngantum, ntsho' àm num nkùn mebwô Nsi,

Roma 1:6

mba bin tse Yésu Kristô tsiaṅ zin nà, bin tum à netèt bo.

Roma 16:18

Nummbe lèn tshen ben nà ke' be fa' à Kristô Tshùaben be, là bo ke mfa' à num bam sube; bo num ntshùa num ntshob nedùmte mba mbwô ntshobe, mfùte ghabam njoṅ i fa.

Roma 6:22

Là, ndonni ze bin tum kuan bu nukebwô, ntù' kuan Nsi là, bin tshwèt nkàb ntàm num nu nelàn ze miagt'é b'a yô matmat là.

Roma 8:30

Ben ts'a nabte yub tà fe mbwe là, a lo bèn ntsiaṅ yube; ben ts'a tsiaṅ yub là, a lo bèn ngù bo tù' ben netsine; ben ts'a ghù bo tù' ben netsin nà, a lo bèn nkuni yube.

Roma 9:24

ntsiaṅ yub là, me tshob à ben ts'a na' ntsiaṅe; ke b'a nda' netèt ba Yuda, là mba netèt ghakelèn Nsi là.

1 Korintô 1:2

me kite yen ṅwa'ni li à ntse'te ben Nsi tse bo be mà Korintô, tse Nsi lànte yub num Kristô Yésu, ben nelàn tse Nsi tsiaṅ yub là, boa njoṅ ben fa tse bo num ntsiaṅ lén Tshùaben be Yésu Kristô njoṅ dù' fa, Tshùaben yub mba ze be là.

1 Korintô 6:11

Tsemo' ben netèt bin na' mb'a ndùlala. Là bo lo sôg zine; là bo lo ghù bin tù' ben nelàne; bo lo ghù bin tù' ben netsin num lén Tshùaben Yésu Kristô mba num Ywèt Nsi be.

Efésô 5:26

ndùlala ndù a lànt'é, nsôg i ntse, ntùm ntshobe, nte i mbaṅ tu wul i ntùm nkuni,

1 Tésalônikà 2:12

nde'te zin ndù bin zin mb'a ku'ni num Nsi z'a tsiaṅ zin num ko' nufen se mba nkuni mi là.

1 Tésalônikà 5:23

A bwô ndù tu wut Nsi fite lànte zin miagte, mbèn ndem njoṅ zin nebe fa, Ywèle, ntù mba wut ndù a be ke lo' ntùm lé'njù se Tshùaben be Yésu Kristô nsi se' ntùm nkuni mi là.

2 Timôtio 1:9

z'a na' njôg be, ntsiaṅ be ntùm netsiaṅ nelàne, ke b'a mum mfa' be, là num ko' nkwatenu mi mba kondèn i z'a na' mfà be num Kristô Yésu fe tà ndùke lo là.

2 Timôtio 4:18

Tshùaben nsi kwé àm bu fa' kebwô, yôg àm, ndù me tsho ntùm nufen se kamànyam. Ghamte be yi ngu'ngu'. Amén.

Héber 3:1

A ndùlala, fètfèt tse nelàn, bin tse bin kwé netsiaṅ mfe kamànyam nà, bin te miag min num ngantum mba ngale'te Nsi ze bag à bin num mbam nà, Yésu:

Yakobo 1:1

Me Yakobo, ngafa' Nsi mba Yésu Kristô, kite yen ṅwa'ni li à tunndà ntshob bàa gham tse bo sate là, me tsha'te zine.

1 Pétro 1:2

Mb'a be ntùm nkwatenu Nsi Tà tà fe mbwe là, Nsi tsho' yube, Ywèt lànte yube, ndù bo ju' ntshu Yésu Kristô, ngù yub bag i num lem ts'a fètte là. Kondèn mba fite be bin yàme.

1 Pétro 1:5

bin tse neta Nsi lem zin njam bamntù num yôg s'a nsi la't'é ngelaṅ mànjam nà.

1 Pétro 2:9

Là bin b'a nzwit ze Nsi tsho' là, ntshufa' le'te Nsi mfen, ngô nelàne, nzwit ben tse Nsi tse'te là, ndù bin tshob mfa' mebwô mèn z'a tsiaṅ zin ntùm njame, num nka'ni i ze neghamte là.

1 Pétro 5:10

Là Nsi njoṅ kondèn fa z'a na' ntsiaṅ zin num nkuni mi mi a tswe yoṅ ntshù' num Kristô là, tu wul i nsi ghù bin bwô miagte, ngù tànntù, ngù neta, ngù bin tswe ke nyi'te, ngelaṅ bin nsi yen nge' num mo' ngelaṅ nà.

2 Pétro 1:1

Me Simon Pétro, nkuan mba ngantum Yésu Kristô. Me kite yen ṅwa'ni li à ben tse bo kwé bamntù tanjoṅ ndaṅndaṅ mba bag là, njam nunetsin Nsi be mba ngayôg be Yésu Kristô là.

Yuda 1:21

bin ghô ntùm nkôni Nsi, nke mbéb kondèn Tshùaben be Yésu Kristô num yôg matmat.

Yuda 1:3

Fèt tshàm tse nkôni, mba me ke nànte neshu nekite bin num nu yôg be s'a b'a ntam nà, me lo yen ndù a bwô me kite bin, ndùlala ndù me tsiaṅ zin num ntsho bamntù, bamntù ben nelàn na' nkwé yoṅ ntshù' num njoṅ yoṅ tse fa là.