Yoshua 4:3 - NTSHOB NSI

³ Bin lo' ndoṅ ntshob bàa gham nsen ni, netèt Yordan, dù' ze ghale'te lo ntsin nà. Bin lo' men ndoṅ nà nèn yi, ntsho njab dù' ze bin zi là.

Yoshua 4:3 Iomraidhean Croise

Neto'te 28:22

Tshù, mba sen loṅ ni ze me te mba loṅla' là, nsi be ndà o, me bèn ngabte njoṅ tshu ts'o nsi fà me là nze gham, mfà bag i ze ntshù' wù.

Yobkwi 103:2

Ntù àm, ghamte Tshùaben, kà lagte sàm numebwô tse.

Yobkwi 11:4

Tshùaben b'a ntùm ndà i ze nelàne, ko'fen Tshùaben b'a mfe kamànyam. miag mi be ntsha' dù', miag mi nke ndaṅte bon mèn nyiaṅtu.

Lukas 19:40

A bùnte ntshob ndù: Me tshob bin ndù: A be ze bo mi' là, mba ndoṅ nsi kua'a.

Yoshua 24:27

Yoshua tshob ngô ndù: Tshù, sen loṅ ni b'a ngakwénta num be, nummb'a ju' njoṅ ntshob fa mi Tshùaben tshob be là; a nsi be ngakwénta num bin, ndù kà bin kag ku Nsi zin.

Yoshua 3:13

Ndùse ghale'te nsi ket Koṅ Kàn Tshùaben, Tshùaben njoṅ nsitsha' fa là, kà te ku yub ntùm ntse Yordan nà, ntse mi a ta'ntse là nsi keb nkam mbàa, bù' te bag bag.

Yoshua 4:4

Yoshua tsiaṅ tshen bandum ntshob bàa gham ts'a tsho' yub netèt tunndà ntshob bàa gham nà.

Yoshua 4:8

Ba Israél lo' ndoṅ ntshob bàa gham netèt Yordan ndaṅndaṅ mba Yoshua tshob là, ndaṅndaṅ mba Tshùaben na' ntshob Yoshua là. Bo ghù ndùlala num tu tunndà bon Israél ntshob bàa gham. Bo lo' men ndoṅ nà nèn njab dù' ze bo te mbàn bwe là.

1 Samuél 7:12

Samuél lo' ta' loṅ nte netèt Mitspa bo Shen, ntsiaṅ lén se ndù Eben-Ezer, ntshob ndù: Tshùaben ywimte yag tà nkum nsen ni.