Yohané 3:2 - NTSHOB NSI

² A se' tèttswe' ntèt Yésu, ntshob yi ndù: Rabbi, bag lène, o b'a ngatswite z'a fe à Nsi là, nummbe sàm mèn ke' ku'ni neghù lèn tshen nsà ts'o num ngù là, a be ze bo Nsi ke' bèn mbe là.

Yohané 3:2 Iomraidhean Croise

1 Fenfen 17:24

Mènnzwi là tshob Elia ndù: Me lèn ndonni ndù o b'a mèn Nsi, mba ndù ntshob mi a be ntum ntshu o là b'a mi Tshùaben, mbe mi nenùne.

Esaya 51:7

A bwô ndù bin tse bin lèn nunetsin nà ju' àm, wù nzwit mèn z'o ghù ntshù' àm ntù o là. Kà bin ghù tuswe z'a fe à benntùn nà, ke vètte mbwe tshabte tshobe.

Yérémia 38:16

Mfen Sédékia nu ngu Yérémia njam tsham ntshob ndù: Tshùaben z'a fà yôg be là b'a ntùn! Me ke nsi zwi o, ke bèn nswèn o mum mbu ben tse bo tshwèt nya' tu o là.

Matio 22:16

bo tum ghazi'te nu yub boa ben Hèrodé mbaṅ i, bo tshob ndù: Ngatswite, bag lèn ndù o b'a ngatshob nenùne, nummbe o ke' be lôte se benntùn.

Matio 23:7

nkô ndù benntùn ke ntsha'te yub num manze mba ndù bo ke ntsiaṅ yub ndù: Rabbi.

Matio 23:8

Là bin, kà bin ghù bo tsiaṅ zin ndù: Rabbi. Nummbe ngatswite zin b'a ntshù', njoṅ zin fa be fètfèle.

Marko 12:14

Bo se', ntshob yi ndù: Ngatswite, bag lèn ndù o b'a ngatshob nenùne, ke be bwôg sàm mèn, nummbe o ke' be lôte se benntùn, là o num nke ntswite manze Nsi ntùm nenùne. Ntshù' bam ndù mèn fà ntshub Kàsà mb'a bwô ké, ke nga à? Bag fà ké, ke bag ke fà à?

Yohané 1:38

Là Yésu kaṅ wul i njam, mbe yen mba bo tshwèt ntam njam i là, ntshob bo ndù: Ke ze bin tshwèt ndiag à? Bo tshob yi ndù: Rabbi (yen nà bagt'a ndù ngatswite), o ke ntswe à yà?

Yohané 10:38

Là, a be ze me tshwèt mfa' là, bin ke bam àm nà, bin bam men mfa' là, ndùlala ndù bin lène, mbèn mbam ndù Tà num num àm, me be num Tà.

Yohané 12:37

Mba mb'a na' ngù ba nsà yàm mbwe bo là, bo ke bam i.

Yohané 14:10

O ke' bam ndù me num Tà, Tà be num àm ké? Ntshob mi me tshwèt ntshob bin nà, me ke ke ntshob à num yàm tu; là Tà z'a be ntswe num àm nà bèn nke mfa' mfa' mi.

Yohané 15:24

A lo mbe ndù me ke' fa' mfa' mi mo' sàm mèn ke' to' fa' là netèt bo, mb'a be bo ke ghù nukebwô num bo, là ndonni bo yen, mba me, mba Tàa, mbàn yage.

Yohané 2:11

Yen ni b'a mbwe nsà ze Yésu ghù là, mà Kana ngô Galiléa; a tswite nkuni mi, ghazi'te nu i bam i.

Yohané 20:16

Yésu tshob yi ndù: Maria! Maria kaṅ wul i, ntshob yi ntshob Héber ndù: Rabbuni (yen nà b'a ndù: Ngatswite).

Yohané 3:26

Bo se' mbaṅ Yohané ntshob yi ndù: Rabbi, mèn ze bin yi na' mbe mo' yoṅ Yordan, z'o kwé nta mi là, tshù, a tshwèt nyu' benntùn ntse, njoṅ benntùn fa ke nèn à yi.

Yohané 4:31

Ngelaṅ mènnzwi là nèn nà, ghazi'te nu i nke nde't'é, ntshob ndù: Rabbi, jù ju.

Yohané 5:36

Là tu wul àm me ghù kwénta z'a be ze ndùb ntshùa ze Yohané là; nummbe mfa' mi Tà fà me ndù me miagte là, men mfa' là mi me tshwèt mfa' là tshwèt nkwé nta màm ndù Tà tum àm.

Yohané 6:2

Là mo' bwoṅ benntùn yàm tam njam i, nummbe bo lo ke njen nsà ts'a ke ngù num ghangokèt là.

Yohané 7:31

Là netèt bwoṅ benntùn ben yàm lo bam i; nke ntshob ndù: Ngelaṅ Kristô nsi se' là a' ghù nsà ntshùa mba yen mèn ni ghù là ké?

Yohané 9:16

Ndùlala tsemo' ba Férésia nke ntshob ndù: Yen mèn nà ke fe à Nsi nummbe a ke tshwèt nze Sabbat. Là tsemo' bèn nke ntshob ndù: A be ngaghù nukebwô ku'ni neghù lèn tshen nsà l'a ndùke? Là fagte lo vù netèt bo.

Mfa' Ghantum 10:38

A b'a nu Yésu ze Nazarèt: Nsi lo yo' i Ywèt Nelàne, mba neta; a nke nèn ntùm dù' nzenze, nke ngù numebwô, mbèn nke njate njoṅ benntùn fa tse Satan ke ngùtni yub là, nummbe Nsi lo be bo yi.

Mfa' Ghantum 2:22

Ba Israél, bin ju' men ntshob li ndù: Yésu ze Nazarèt, mèn ze Nsi kwé nta mi mbwe bin njam mfa' neta, nu netshàme, mba nsa ts'a ke ngù netèt bin, mba bin lèn nà,

Filipi 1:14

fètfèt tse yàm tshùa njam nkù tshàm, mbam Tshùaben ntshùate, mfèn ntù netshob ntshob Nsi ke bwôg.

Ghasa'kame 6:27

Gédéon lo' ben gham netèt ghafa' tse, ngù ju ze Tshùaben tshob yi là. A fa' sen fa' l'a tèttswe' nummb'a lo ke mbwôg tunndà tàab boa ba la'. A ju z'a ghù k'a mfa' sen fa' l'a njam nà.