Yohané 2:2 - NTSHOB NSI

² Là bo tsiaṅ mba Yésu mba ghazi'te nu i num yen nandà là.

Yohané 2:2 Iomraidhean Croise

Matio 12:19

A ke nsi kam ntsha, ke bèn ntshobte neta, bo ke nsi ju' nz'é num manze.

Matio 25:40

Mfen nsi bùnte tshob bo ndù: Kua' nenùne, me tshob bin ndù: Njoṅ ngelaṅ fa ze bin na' ngù num mo' mèn netèt tshen bontsit fèt tshàm tse nke'nke' li là, bin na' ngù à num àm.

Matio 25:45

Là, a nsi bùnte bo, tshob ndù: Kua' nenùne, me tshob bin ndù njoṅ ngelaṅ fa ze bin na' mbe ke ghù mo' netèt tshen tse nke'nke' li là, bin na' mbe ke ghù à num àm.

Yohané 2:12

Yen nà lo be tshùa, Yésu lo bwe nswe' nèn mà Kapernaum boa màab, fèt tse mba ghazi'te nu i, bo tswe bwe lé'njù ke nsag.

Yohané 2:17

Ghazi'te nu i kwimte ndù bo lo kite ndù: Nkôni num ndà o nsi mi àm.

Yohané 2:22

Ngelaṅ Yésu lo num vù là, ghazi'te nu i kwimte ndù a lo ke ntshob yen nu là. Bo bam ṅwa'ni Nsi mba ntshob mi Yésu tshob là.

Yohané 2:3

Mba ndu' ke ntù' nemi là, mà Yésu tshob yi ndù: Bo ke' bèn ngù ndu'.

Yohané 3:22

Tshen nà lo be tshùa, Yésu nèn boa ghazi'te nu i ntùm bag ngô Yudéa, ntswe bwe tsemo' lé'njù bo à bo, nke nyu' benntùn ntse.

Yohané 4:2

là tu wul i Yésu lo ke nyu' benntùn ntse, là ghazi'te nu i,

Yohané 4:33

Ndùlala ghazi'te nu i nke ntshob bo bo ndù: Mo' ndù mo' mèn se' mfà jujù yi.

Yohané 4:8

Nummbe ghazi'te nu i lo nèn ntùm ngô jun jujù.

Yohané 6:12

Ngelaṅ bo ywèt là, a tshob ghazi'te nu i ndù: Bin tse'te mbe'te mi mi a tù' là ndù kà lèn kam i bi.

Yohané 6:16

A be be mfetnjù, ghazi'te nu i swe' nèn mà dibantse,

Yohané 6:60

Ghazi'te nu i yàm be ju' ndùlala, ntshob ndù: Men ntshob li lèle, we z'a ku'ni neju' à?

Yohané 6:66

Fe num yen ngelaṅ nà, ghazi'te nu i yàm lo njam i, ke bèn nezin bo à bo.

Yohané 6:67

Ndùlala Yésu tshob tse ntshob bàa gham ndù: Mba bin zin, bin ke' kô nenèn ké?

Yohané 6:70

Yésu bùnte bo ndù: A ke b'a me na' mbèn ntsho' zin bin tse ntshob bàa gham ké? Là mo' mèn netèt bin b'a ywètkebwô.

Yohané 6:71

Là, a ke ntshob à Yuda mén Simon ze Iskariot. Nummbe a b'a yi, mo' mèn netèt tse ntshob bàa gham, z'a nsi swèn i là.

Yohané 6:8

Mo' mèn netèt ghazi'te nu i, Andréa mfèt Simon Pétro tshob yi ndù:

Yohané 7:3

Ndùlala fèt tse tshob yi ndù: Lo nsen ni nèn Yudéa ndù mba ghazi'te nu o yen yub mfa' mu mi o tshwèt mfa' là.

Mfa' Ghantum 11:26

Ntu tshob bàa fa tswe netèt yen ntse'te benkristô là tamngu', nke ntswite nu benntùn yàme. A b'a Antiôkia là ze bo na' nto' netsiaṅ ghazi'te nu Yésu ndù benkristô là.

Mfa' Ghantum 11:29

Ghazi'te nu Yésu tshob bo bo ndù a bwô mba we lo fà ju z'a tum yi là, bo tamte njwimte fètfèt tse bo be Yudéa là yi.

1 Korintô 10:31

Ndùlala, ke bin jù, ke bin nu, ke bin ghù mba ke lo, bin ghù njoṅ i fa num ghamte Nsi.

1 Korintô 7:39

Mènnzwi lat num ndu i njoṅ ngelaṅ fa z'a ke' ntùn nà. Là, a be ze ndu i kwù là, mb'a ku'ni neghù mo' ndu mb'a kô là, là nda' num Tshùaben.

Kolosé 3:17

Ke mba ke lo ze bin ghù, ke ntùm ntshobe, ke ntùm mfa' lo, bin ghù njoṅ i fa à num lén Tshùaben Yésu, ntshùa njam i, mfà ghamte Nsi Tà.

Héber 13:4

A bwô ndù nandà be ju neghamte netèt njoṅ benntùn fa, kunndà nandà be kelo', nummbe Nsi nsi tsho'te ba kattù mba ghaghù màndà.

Apokalipse 3:20

Tshù, me nsi tsin nzendà, ke'te; a be ze mèn ju' nz'àm, ngab nzendà là, mba me nsi tsho ndà i, me mba yi jù ju, yi mba me jù ju.