Yohané 10:3 - NTSHOB NSI

³ Ngabéb nzendà num nga' nzendà yi, njùmbwe ju' nz'é; a num ntsiaṅ njùmbwe tse lén sube, ntum bo njù.

Yohané 10:3 Iomraidhean Croise

Yobkwi 80:1

Ntshagte yobkwi. Num loṅe. Yobkwi Asaf. Yobkwi.

Netume 33:17

Tshùaben tshob Mosé ndù: Ju z'o lo netshob là, me nsi ghù à ndùlala, nummb'o fon kondèn num miag màm, me bèn ndèn o lén so.

Tànkùt 27:23

A bwô o lèn mba bon nyàm tsho tshwèt ndo' mbe yi là a bwô nete lag num yu bwoṅ nyàm.

Nkwi Nkwi 8:13

Ménnshum tshob ndù: Mènnzwi z'a be ntswe ntùm ba nka' là, shunshun tshwèt nkù' ntoṅ num nz'o. A bwô ndù o ghù me ju' nz'o.

Esaya 40:11

A nsi tshagte bwoṅ nyàm i mba ngabéb mbwe là; a nsi ket njùmbwe num ndaṅ bu i, kab yub ndàntù i. A nsi tshagte mbwe tse bo tshwèt nyô bon nà.

Esaya 42:16

Me nsi ghù ba mfùmiag zin num manze ze bo ke' lèn nà. M'a' lo' yub ntshùa yi num ntshagnze tse bo ke' lèn nà. M'a' lo' njam ts'a mbwe bo là nkaṅ nelàn yi. M'a' kaṅ dù' ts'a ṅatte l'a tù' tômbo'o. Tshù ju ze me nsi ghù là. Me ke nsi ghua' yube.

Yohané 10:14

Tu wul àm, me b'a ngabéb mbwe ze mebwô, me lèn njùmbwe tshàm, njùmbwe tshàm bèn ndèn àm.

Yohané 10:16

Me ghù tsemo' njùmbwe tse bo ke' be ntùm sen kin ni là. A bwô ndù me tshagte mba bo yub; bo nsi ju' nz'àm; bwoṅ njùmbwe nsi b'a ntshù'; ngabéb mbwe be ntshù'.

Yohané 10:4

A num mbe ngelaṅ z'a tum njoṅ tse njùmbwe fa njù là, a zin mbwe bo, njùmbwe tam njam i, nummbe bo lèn nz'é.

Yohané 10:9

Tu wul àm, me b'a nzendà. A be ze mèn tshùa num àm kà ntsho là, mb'a nsi yôge, mb'a nsi tsho, bèn tume, fon dù' nenà.

Yohané 6:37

Njoṅ i fa ze Tà num mfà me là nsi se' me; mèn z'a se' me là, mba me ke nsi ma' i njù.

Yohané 6:45

Bo lo kite ntùm ṅwa'ni ghatshob ntshob Nsi ndù: Nsi nsi tswite njoṅ yub fa. Mba we lo z'a ju' nu Tà nzi'te là num nse' me.

Roma 8:30

Ben ts'a nabte yub tà fe mbwe là, a lo bèn ntsiaṅ yube; ben ts'a tsiaṅ yub là, a lo bèn ngù bo tù' ben netsine; ben ts'a ghù bo tù' ben netsin nà, a lo bèn nkuni yube.

1 Korintô 16:9

nummbe nzendà ndùb num fa' mebwô te me bwe nge, ghakeban bèn njàme.

Filipi 4:3

Ṅ, me bètt'o, wù ko' nshunfa' àm ndù o ywimte tshen bènnzwi là; bo lo le' ntsho num nu nkùn mebwô, bag à bo mba Klément mba tsemo' shun fa' tshàm tse ndèn mub be ntùm ṅwa'ni yôg là.

Kolosé 4:3

Bin bèn nde'te Nsi mba num bag, ndùlala ndù Nsi gha' nzendà ntshob bag num netshob tsham Kristô, se me be ntùm nkù num bwe là,

2 Timôtio 2:19

Mba ndùlala, tseba' Nsi ze neta tsin tù ndaṅndaṅ, ndù Nsi san i yen sitam ni ndù: Tshùaben lèn tse ben, mba ndù: Mba we lo z'a nsi tsi lén Tshùaben nà, gha nuketsin!

1 Pétro 1:12

Nsi lo ghù bo lèn ndù a ke b'a num tu wut tshob tse bo tshwèt mfa' ntùm tshen tshu là là, là num bin; ben tse bo tshob nkùn mebwô bin njam Ywèt Nelàn ts'a swe' kamànyam nà, soṅ zin tshen tshu là ndonni, tshen tshu là b'a tse ba Angél kù ntù nema' miag mub ntùm bwe là.

1 Yohané 4:6

Mba be là, be fe à Nsi; mèn z'a lèn Nsi là num nju' be; mèn z'a ke' fe à Nsi là, ke' be ju' be. A num ntshùa ndùlala, be lèn ywèt nenùne, mba ywèt tatte.

3 Yohané 1:14

Là me tshwèt nywint'o ndende, bag wù nsi tshobte se se.

Apokalipse 20:15

Bo ma' mba we lo ze bo ke' yen ndù bo kit'é ntùm ṅwa'ni yôg là ntùm lagmbwôge.

Apokalipse 3:20

Tshù, me nsi tsin nzendà, ke'te; a be ze mèn ju' nz'àm, ngab nzendà là, mba me nsi tsho ndà i, me mba yi jù ju, yi mba me jù ju.

Apokalipse 7:17

nummbe mén njùmbwe z'a be netèt ko'fen nà nsi kém yube, a nsi tshagte yub mbaṅ tôntse yôg. Nsi nsi tshwétte ntsenyà num miag mube.