Yohané 1:3 - NTSHOB NSI

³ A lo nabte njoṅ tshu fa. Sàm ju ke bwe num ts'a be, ndù a lo ke bèn nabt'é là.

Yohané 1:3 Iomraidhean Croise

Neto'te 1:1

Neto'te, Nsi nabte kamànyam bo tsha'a.

Neto'te 1:26

Nsi tshob ndù: Be nabte mènntùn z'a fute be là, num mfuni be, a ke ntô ngontse ts'a dibantse là, nsaṅ mi a mfe kamànyam nà, nyàm nke'nke' num njoṅ nsitsha' fa, boa njoṅ nyàm fa tse bo be nsoṅ bam sob num nsitsha' là.

Yobkwi 102:25

Me tshob ndù: Nsi àm, kà sô àm netèt lé'njù tshàm! Ngu'njù tsho ke ntswe à matmat!

Yobkwi 33:6

Ntshob Tshùaben na' mbèn nabte kamànyam. Ywèt ntshu tse nabte njoṅ tshu fa ts'a be mfe kamànyam nà.

Tànkùt 8:30

me zenu lo be mbaṅ i tshwèt fa', me lo ke ngù à tsiaṅte njoṅ lé'njù fa, nke ntam ngùa mbwe i ke tsin.

Esaya 45:12

A b'a me na' nabte tsha'a, mbèn mbom mènntùn njab bwe. A b'a kua' me, a kua' mbu màm na' mbèn nyitte kamànyam. Be kua' me na' mbèn ntete ntshu ntsho tshob bwe.

Esaya 45:18

Tshù ju ze Tshùaben z'a nabte kamànyam, z'a be ta' Nsi tù' i, z'a nabte tsha' kà nte i tù, ke nabt'é a ndù a be banban, là, ndù benntùn ke ntswe bwe, tshob li: Me b'a Tshùaben, mbe ndù mo' ke' bèn mbe.

Yohané 1:10

A lo be ntùm njù; a lo nabte njù, njù ke lèn i.

Yohané 1:2

A lo be fe neto'te bo Nsi.

1 Korintô 8:6

bag à bin ghù à nda' ta' Tshùaben, Yésu Kristô, ze njoṅ tshu fa b'a njam i, tu wut be bèn mbe njam i là.

Efésô 3:9

mba ndù me ké'te fa' tsham s'a na' ndem num Nsi, nganabte njoṅ tshu fa fe mbwe là,

Héber 11:3

Njam bamntù be lèn ndù ntshob Nsi bèn nabte njoṅ njù fa, a ndùlala ju ze be num njen nà ke' fe à tshu ts'a be bo tum num miag be là.

1 Yohané 5:1

Mba we lo z'a bam ndù Yésu b'a Kristô là, mba Nsi bèn mbwe i; mba we lo z'a kô Nsi là, kô mèn ze Nsi bwe i là.

Apokalipse 3:14

Kite mba Angél ntse'te benkristô Laôdikia: Tshù ju ze mèn z'a be Amén, ngakwénta ze nenùne, ngatshob nenùne, neto'te nenabte njù Nsi, tshob là li:

Apokalipse 4:11

Tshùaben mba Nsi yag, o ku'ni nekwé nkuni, ghamte mba neta, nummbe o lo nabte njoṅ tshu fa, njoṅ tshu fa b'a num yu nekô, o lo nabte njoṅ i fa.