Yobkwi 99:5 - NTSHOB NSI

⁵ Bin ghamte Tshùaben Nsi be, ngwù nsi mbwe ko'nku mi. A b'a Nelàne.

Yobkwi 99:5 Iomraidhean Croise

1 Kronika 28:2

Mfen David lo ntsin tù num nku mi ntshob ndù: Fèt tshàm, ngô àm, bin ju' àm! Me lo jù' nekut ba' nete Koṅ Kàn Tshùaben bwe a fite, mba nekut nko' nku Nsi be; ndùlala me nke nabte wut kut yen ba' là.

Yobkwi 107:32

A bwô ndù bo ghamt'é ntùm mbumte ngô, nyàmt'é mum ntse'te kamkame!

Yobkwi 108:5

Nummbe kondèn o b'a ze ndùb mba kamànyam nà, nenùn o be tà mfe num ndot.

Yobkwi 118:28

A b'a wù bèn mbe Nsi àm, me be ngamt'o, Nsi àm, me be nyàmt'o!

Yobkwi 132:7

Bag bin nèn mum ze dù'ntswe, ngwù nsi mbwe nko' nku mi!

Yobkwi 21:13

Nummb'o nsi ghù bo kaṅ mvèn yub. O nsi lo' két so tam yub yi.

Yobkwi 34:3

A bwô ndù ntù àm ghamte wul i num Tshùaben. A bwô ndù ghayennge' ju'u, mbèn ntsiaṅte.

Yobkwi 99:3

Bo be nyàmte lén so se ndùb mba tonkèl i: A b'a nelàne.

Yobkwi 99:9

Bin ghamte Tshùaben Nsi yag, ngwù nsi mbwe mbal i ze nelàne! Nummbe Tshùaben Nsi yag b'a nelàne.

Netume 15:2

Tshùaben bèn mbe yàm neta, me ke njob kwi fà à yi. A yi bèn ntshu' àm. A b'a Nsi àm, me nsi nyàmt'é. Me nsi ghamte ze Nsi tàa.

Esaya 12:4

ke ntshob num yen ngelaṅ nà ndù: Bin nyàmte Tshùaben, bin tsiaṅ lén se, bin soṅ ngôngô tshu ts'a ghù là, nkwimte lén se s'a zi neshu là.

Esaya 25:1

Wù Tshùaben, o b'a Nsi àm. Me nsi nyàmt'o, me nsi ghamte lén so. Nummb'o ghù tshu ts'a bwô neshu là. Nu ts'o na' ntàmte tà fe ndùke lo là bumte kua' ndaṅndaṅ.

Esaya 66:1

Tshùaben tshob ndù: Kamànyam b'a ko'fen sàm, tsha' be kamnko' dù' ze me be nte nku màm bwe là. A kua' zit ba' ze be bin kut m'à?

ṄWA'NI OSÉ 11:7

Ben tshàm to' nenèn ngùanesà mbaṅ àm, bo tshwèt ntsiaṅ yub ndù bo bèn njam ntèt Nsi yub. Là sàm mèn netèt bo ke bùnte.

Lévitiko 19:2

Tshob njoṅ mbumte bon Israél fa ndù: Bin be nelàne, nummbe Tshùaben Nsi zin b'a nelàne.