Yobkwi 99:4 - NTSHOB NSI

⁴ A ta neshu, mfen z'a be nkô tsho'te ntsha là. A b'a wù bèn nke mféb nga nunenùn nsi. O be nte nunetsin mba nu ndaṅndaṅ, nke ngù njoṅ i fa Yakob.

Yobkwi 99:4 Iomraidhean Croise

ṄWA'NI YOB 37:23

Mba' Nkuni Nsi zi neshu kà be ke ku'ni neghebte num i. A b'a Nganeta, mbe mèn nenùne. A ke nsi zi fà mbùn ntshob sàm mènntùn.

Yobkwi 11:7

Nummbe Tshùaben b'a mèn netsine, a be nkô nunetsine; ben nelàn nsi lôte se i.

Yobkwi 98:9

mbwe Tshùaben! Nummb'a tshwèt nse' tsho'te ntsha njù ntùm nunetsine, tsho'te ntsha benntùn ntùm nenùne.

Esaya 42:4

Ywèn ke nsi ko i, a ke bèn mbole, tà nkum ndùs'a te nunetsin num nsitsha' là, mba ngô ts'a tètntse nke nywinte num ntshù' i là.

Esaya 61:11

Nummbe ndaṅndaṅ mba tsha' be ngù ju bèt, ndaṅndaṅ mba tshu neywit be mbit nka' là, Tshùaben Nsi nsi ghù yôg bo nunetsin bèt num miag njoṅ ngôngô fa be ndaṅndaṅ.

Esaya 9:7

Tshùaben tshob ta' ntshob num Yakob, mbe ndù men ntshob là nsi vù num Israél.

Yérémia 23:5

Tshùaben tshob ndù: Tsemo' lé'njù bwe nse'e, tse me nsi ghù ta' nzwit netsin tum num David là. A nsi be mfen, lo' zenu kà tô yi. A nsi ghù nunetsin ntùm ngô bo nu ndaṅndaṅ.

Nebwôgte 10:18

a be ngù nu ndaṅndaṅ ménntse bo mfôg mènnzwi, nke mfà jujù boa nzwe ngùn, nke nkô i.

Yuda 1:15

num netsho'te njoṅ benntùn fa, naṅ ntsha tu njoṅ ghakeghamt'é fa tse bo fa' mfa' kebwô ntùm yub nebe ke ghamte Nsi là.

Apokalipse 19:11

Me yen kamànyam gha' nte nge, tshù, mo' nyàmdiaṅ fôgtab tum bwe; bo tsiaṅ mèn z'a ko' num i là ndù mèn nenùne, ngatshob nenùne; a tshwèt ntsho'te, nke nde' ntsho ntùm nunetsine.

Apokalipse 19:16

Bo kite mo' lén num kum se mba num tammbwe i: Mfen fenfen ba Tshùaben.