Yobkwi 99:3 - NTSHOB NSI

³ Bo be nyàmte lén so se ndùb mba tonkèl i: A b'a nelàne.

Yobkwi 99:3 Iomraidhean Croise

Néhémi 1:5

ntshob ndù: Wù Tshùaben, Nsi z'a ghù kamànyam nà, Nsi ndùb mba ze nekuni. O be mbéb kàn so, nke nko ndèn ben bo be nkô o mbèn nke nze ntshù' mu là.

Néhémi 4:14

Me nke ndôte; ndùse me lo nsi là me tshob ben ndùbndùb, ghakeb ntsha boa tshé' ngô ndù: Kà bin bwôg yube. Bin kwimte Tshùaben, Mèn ndùb mba Kuni Mèn, ma' ntsho num tu fèt tsine, bon tsin tse bandum boa tse bènnzwi, zwi tsine, boa mba' mine.

Néhémi 9:32

Ndonni me Nsi yag, Nsi ndùb, z'a ghù ngù' mbe Nsi nekuni là, wù z'o be ndé' kàn so, nke ngù kondèn nà, kà yen nge' yag li mba metsit nu là. Me tshob à nge' tse bag yene, bag, fenfen tshage, kamkam tshage, ghale'te Nsi tshage, ghatshob ntshob Nsi tshage, tà tshag mba njoṅ ngô fa là. Tshen nge' là na' nto't'a fe num ze ngelaṅ fenfen Asiria tà nse' nkum sen lé'njù li.

Néhémi 9:5

Ben Lévi: Yoshua, Kadmiél, Bani, Hashabnia, Shérébia, Hodiya, Shébania bo Petalja, tshob ndù: Bin lo nsi nyàmte Tshùaben Nsi zin num ngu'ngu'! A bwô neke nyàmte lén so se nekuni s'a tshùa njoṅ nenyàmte fa bo njoṅ ghamte fa là.

Yobkwi 100:4

Bin lo' nyàmte ntsho yi ntùm nzendà tse, ndo' njobkwi ntsho yi ntùm bam ntshundà tse. Bin ghamt'é, bin ghamte lén se!

Yobkwi 103:1

Yobkwi David. Ntù àm, ghamte Tshùaben. A bwô ndù njoṅ ntù àm fa ghamte lén se se nelàne.

Yobkwi 111:9

A lo tum netshu' ze nzwit mèn; a lo kite kàn se matmat, lén se b'a se nelàne, se nekuni.

Yobkwi 145:17

Tshùaben b'a mèn netsine num njoṅ tse manze fa, mbe ngakondèn num njoṅ mfa' mi fa.

Yobkwi 66:3

Bin tshob Nsi ndù: Mi' mfa' mu be nkuni neshu! A tshùa num neta o ze ndùb, ghakeban tsho nke mbatt'o.

Yobkwi 76:1

Ntshagte yobkwi, num ndoṅ nse'e. Yobkwi Asaf.

Yobkwi 76:12

Bin ghù nka'ni Tshùaben, Nsi zin, mbèn nzwiagte tshen nka'ni là. A bwô ndù ben bo diaṅ i mbum nà fà ba nda' Nsi nekuni.

Esaya 6:3

Bo nke ntshag nze yub tù, mo' nke ntshob mo' ndù: Nelàne! Nelàne! Nelàne b'a Tshùaben tàndà ntsho, nkuni mi dun num njoṅ nsitsha' fa.

Yérémia 20:11

Nda' ndù Tshùaben ze bag yi be là b'a kua' neta sa'nde'e. A ndùlala, ghatsho' nku màm kebàn ke nsi tshùa àm, bo nsi tiag vù nsi. Yub nevù nsi ma' yub ntùm tuswe. Yen nà nsi b'a tuswe matmat, ze ke lagte.

Yohané 17:11

Me ke' bèn mb'a ntùm njù, là bo b'a ntùm njù; mba me là me tshwèt nse' tèl o. Tà ze nelàn, lé' ben ts'o na' mfà yub me là ntùm lén su, ndùlala ndù bo be ntshù' ndaṅndaṅ mba be là.

Nebwôgte 28:58

Tshùbe, nke nze njoṅ ntshob yen ntshù' li mi bo kite ntùm yen ṅwa'ni li là, ndo' nke ngamte kuni lén, lén nekuni Tshùaben Nsi o yi.

Nebwôgte 7:21

Kà mi mvètte num bo, nummbe Tshùaben Nsi o b'a netèl o, yi z'a be Nsi ndùb, Nsi nekuni là.

Yoshua 24:19

Yoshua tshob ngô ndù: Be bin ke ku'ni nefa' Tshùaben, nummb'a b'a Nsi Nelàne, mbe Nsi lànghe'e, mbe ndù a ke nsi lagte tsin tatu ke nukebwô tsin no.

Apokalipse 4:8

Tshen tshu ntùn kuà là, mba zit lo netèt bo ghù mbàb ntôge, ndun miag ndiaṅ mbume, mba ntùm bwe; ke be tsin neke ntshob mbwôgtshù mba tèttswe' ndù: Nelàne, nelàne, nelàne b'a Tshùaben Nsi, ngatô njù, z'a na' mbe, z'a be, z'a tshwèt nse' là.

1 Samuél 2:2

Sàm mèn nelàn ke bwe mba Tshùaben nà! Mo' Nsi ke bwe mba yi là. Mo' gholoṅ ke bwe mba Nsi yag là.