Yobkwi 99:1 - NTSHOB NSI

¹ Tshùaben tshwèt nsa' njù, benntùn nke mvètte; a tswe num ba kérubim, tsha' nke nyi'te.

Yobkwi 99:1 Iomraidhean Croise

2 Samuél 6:2

David boa ngô tse bo be mbaṅ i là tam nze nèn Baala-Yuda, nket Koṅ Nsi bwe nko' nse' yi. Bo lo ke ntsin mbwe Koṅ ntsiaṅ Tshùaben tàndà ntsho z'a be ntswe netèt ba Kérubim, mfe num Koṅ nà.

1 Kronika 16:30

Bin vètte mbwe i me njoṅ ben fa tse bo nsitsha'a! Njù féb nga tse nsi, a ke' ghù nebèn nyi'te.

Yobkwi 18:10

A kôgte kamànyam, nswe' nse'e. A lo ghù mo' mà ndot tun nku mi.

Yobkwi 2:6

A me bèn njo' yàm mfen, num mbat Sion, mbal àm ze nelàne!

Yobkwi 80:1

Ntshagte yobkwi. Num loṅe. Yobkwi Asaf. Yobkwi.

Yobkwi 80:2

(Pisito) ngabéb Israél, kù' ntoṅ nju'u. Wù z'o be ntshagte Yosèf mba bwoṅ nyàm nà, ṅwag ntùm nkuni mu, wù z'o tswe num ba kérubim nà.

Yobkwi 82:5

Bo ke' lèn mo' ju, ke bèn ngù zenu. Bo ke nzin à ntùm njame. Njoṅ tun tsha' fa vètte.

Yobkwi 93:1

Tshùaben be nsa' njù, ndù a ma' nkuni num i, Tshùaben ma' ngù' num i, ntaṅ i tun i. Ndùlala njù féb nsi, ke bèn nke nyi'te.

Yobkwi 96:10

Bin tshob netèt ba tum ndù: A b'a Tshùaben nke nsa' njù. A féb njù nsi, a ke' ghù nenyi'te. A nsi lo' nenùn tsho'te ntsha ba tum yi.

Yobkwi 96:9

Bin vù mbwe Tshùaben bin à tshu kwiwut nelàne. Njoṅ benntùn fa tse bo be ntswe num nsitsha' là vètte mbwe i.

Yobkwi 97:1

Tshùaben tshwèt nsa' njù; tsha' tswe ntùm tsiaṅte. A bwô ndù ba ngô tètntse ts'a yàm nga' mbu là tsiaṅte.

Yobkwi 97:4

Mbeba' mi nke nké' njù, tsha' yen nke mvètte.

Netume 25:22

Bag wù nsi ke bumt'a bwe, me nsi ke tsin à num kabte Koṅ netèt ba kérubim tse bo be num Koṅ Kàn nà, kà tshob tshu ts'a bwô ndù ba Israél ke ngù là wù.

Esaya 19:14

Tshùaben ma' ywèt tamnsi netèl i, ndù a ghù ba Egipto ke nzwiaṅte ntùm ngùninu mub fa, nke ngù mba mbumndu' be nzwiaṅte ndùs'a ywi' là.

Yérémia 4:24

Me lôte ba mbale, njen bo nke mvètte; nkônga fa nke nyi'te.

Yérémia 49:21

Tshu'te yub nevù, ghù tsha' nyi'te, maṅ tà nkum dibantse meba.

Yérémia 5:22

Tshùaben tshob ndù: Bin ke nsi bwôg àm tsin ké? Bin ke nsi vètte tsin mbwe àm ké? A b'a me na' mbèn mfà nkwango' dibantse mba ze ndùnsi là. A b'a ze ndùnsi matmat z'a ke' bwô ndù a tôg là. Ntu' ntse mi a be ntùm bwe là be nke mbùne, là, mo' sàm neta ke be bo. Men ntu' ntse là be nke ntshu'u, là ke yôg ntôg ze ndùnsi.

Yérémia 50:46

Tshu'te mba bo lo' Babilon nà ghù tsha' nyi'te. Bo ju' mo' nkua' netèt ngôngô.

Ezékia 43:7

Mèn nà tshob me ndù: Mén mèn, yen ni b'a dù' ze diaṅkwa sàm be là, dù' ze me te bam nku màm bwe là. Me nsi tswe bwe matmat, netèt bon Israél. Tunndà Israél boa fenfen tshob ke nsi bèn sagte lén sàm se nelàn njam kat yub ke njam fi fenfen tshob mi a nsi bete mum mbwe' tshob là lo.

Lukas 19:12

A tshob ndù: Mo' mèn ndùb lo ke nèn ntùm mo' ngô z'a sag là, ndù bo yo' i fen k'a bèn njam.

Lukas 19:14

Là ba la' lo ke mbàn i; ngelaṅ a nèn nà, bo tum bo nèn ntshob ndù: Bag ke' kô ndù yen mèn nà tô yage.

Lukas 19:27

mbe se' mba ghakeban tshàm tse bo na' mbe ke kô ndù me be mfen nà, bin lo' yub nse' yi nsen ni mbwe àm, nkebte ntô mube.

Filipi 2:12

Ndùlala, fètfèt tse nkôni, bin ke nju' ntshu be ndaṅndaṅ, ke b'a nda' ngelaṅ me be netèt bin nà; là bin ghù ntshùate ngelaṅ me be ngùanesà là, bin fa' num ko' yôg sin ntùm bwôg mba nevètte.

Apokalipse 11:17

ntshob ndù: Bag nyàmt'o, wù Tshùaben Nsi, ngatô njù, wù z'o be, z'o na' mbe là, nummbe o kwé neta o ze ndùb, o b'a mfen.

Apokalipse 20:11

Me yen mo' ko'fen se ndùb mba mèn z'a tswe num bwe là; tsha' mba kamànyam kù mbwe i, bo ke bèn njen dù' yube.

Apokalipse 6:14

kamànyam kiagte mba ṅwa'ni ze bo bote là, njoṅ mbat fa mba tètntse lo num yub dù';