Yobkwi 97:8 - NTSHOB NSI

⁸ Sion be nju' i ntsiaṅte. Ngonngon Yuda b'a ntùm ṅwate. O Tshùaben, mba num tsho tsho'te ntsha.

Yobkwi 97:8 Iomraidhean Croise

1 Kronika 16:14

Tshùaben b'a Nsi be, tse netsho'te ntsha fa be ntôg num njoṅ nsitsha' fa.

Yobkwi 48:11

O Nsi, ndaṅndaṅ mba lén so là, yu ghamte nsi ju'ni tà nèn kum num ntôgnjù. Bu o ze zwim dun nunetsine.

Yobkwi 48:12

Mbat Sion tshwèt ntsiaṅte. Mum ngô Yuda tshwèt ṅwate num nu tsho tsho'te ntsha.

Yobkwi 52:6

O be nkô njoṅ ntshob fa mi a be nsat'a nesate là, wù lém s'a be ntatte là!

Yobkwi 58:10

A bwô ndù a be bit ntù' njô mba kwékwénàndô là, mbe te' ke nejum no, ndù yantù o z'a be mba fetmbaṅ nà kel i nèn yi.

Esaya 51:3

A ndùlala, Tshùaben nsi fite ntù Sion, a nsi fite ntù i mum dù' tse ts'a tù' fam nà. A nsi lo' ze kônkwa kaṅ ta' Edèn yi, lo' fam i ghù ta' nka' Tshùaben yi. Bo nsi ju' tshu'te tsiaṅte bo ṅwate netèl i, ju' nkwi nyàmte boa nkwi mi a tum ntùm njobnkwi là.

Esaya 62:11

Tshù ju ze Tshùaben tshob num njoṅ ntôg njù fa li: Bin tshob ngon Sion ndù: Tshù ngayôg i là z'a tshwèt nse' là; a ghù nkàbfa' num i, ntsho'fa' ze neyob ngu' tam mbwe i.

Sakaria 9:9

Ṅwate tsho me ngon Sion, tshag nz'o tù ntùm tsiaṅte me ngon Yérusalém! Tshù mfen o là z'a tshwèt nse' tèl o là a b'a mbétni mèn, mbe ngayob ngu'u, a mbétni mèn ndù a ko' num kekwène, num kekwèn z'a b'a metsit mén kekwèn nà!

Apokalipse 18:20

Kamànyam, tsiaṅte num i, bin ben nelàne, ghantum mba ghatshob ntshob Nsi, bin tsiaṅte, nummbe Nsi naṅ ntsha tu i, ngù nunetsin bin.