4 Mbeba' mi nke nké' njù, tsha' yen nke mvètte.
Njoṅ i fa lo' dù' mfe kamànyam, mbeba' mbaṅ mi be nké' num ta' tôg tsha' nèn nkum num mo'o.
A num nyi'te tsha' tà ntùm tun i, ngù ntom tse nke mvètte.
A be ndôte tsha' a nyi'te, a be nkwag ba mbat bo sô nzembwôge!
Tsha'a, a bwô ndù o vètte mbwe Tshùaben, mbwe Nsi Yakob,
Ba ndot sa ntse mube; ba ndot sa mfambaṅ, bo nke ma' nkét mu njoṅ bag bag fa.
Fambaṅ nke ntsham ntùm zim, mbeba'mbaṅ nke nké' njoṅ njù fa. Tsha' vètte, nyi'te.
Bin vù mbwe Tshùaben bin à tshu kwiwut nelàne. Njoṅ benntùn fa tse bo be ntswe num nsitsha' là vètte mbwe i.
Là, Tshùaben b'a Nsi kua' nenùne. A b'a Nsi z'a tswe ntùn nà, mbe mfen z'a tswe matmat là. Yantù i be ngù tsha' nyi'te. Ngôngô ke' be fènte tshùagntù i.
Ndà Nsi gha' nte nge mfe kamànyam; Koṅ Kàn se tum ntsin ntùm ndà Nsi i; ba beba'mbaṅ, ba nze, mfambaṅ be, tsha' nyi'te, nywinmbaṅ yàm vù.
Me yen kamànyam gha' nte nge, tshù, mo' nyàmdiaṅ fôgtab tum bwe; bo tsiaṅ mèn z'a ko' num i là ndù mèn nenùne, ngatshob nenùne; a tshwèt ntsho'te, nke nde' ntsho ntùm nunetsine.
