Yobkwi 96:8 - NTSHOB NSI

⁸ Bin fà ghamte Tshùaben num nu lén se! Bin lo' tshu bwôntù nse' ntsho yi ntùm tse bam ntshundà.

Yobkwi 96:8 Iomraidhean Croise

Yobkwi 100:4

Bin lo' nyàmte ntsho yi ntùm nzendà tse, ndo' njobkwi ntsho yi ntùm bam ntshundà tse. Bin ghamt'é, bin ghamte lén se!

Yobkwi 111:9

A lo tum netshu' ze nzwit mèn; a lo kite kàn se matmat, lén se b'a se nelàne, se nekuni.

Yobkwi 116:19

bam ntshundà ndà Tshùaben, netèl o, me Yérusalém! Aléluya! Ghamte be Nsi.

Yobkwi 29:2

Bin ghamte Tshùaben mfà ghamte num lén se. Bin vù nsi mbwe Tshùaben ngelaṅ z'a ṅwag ntùm nelàn i là.

Yobkwi 45:12

Mfen te lag num bwô o. Mb'a b'a Tshùaben o là.

Yobkwi 72:10

Fenfen Tarsis bo ba ngô tètntse nsi fà ntshub, fenfen Séba mba tse Saba nsi fà ba nda'.

Ezékia 46:3

Ngô nsi te ntunkekwi' mi nsi mbwe Tshùaben yen nzendà là mum lé'njù Sabbat boa ntshùa ṅwù.

Malashi 1:11

Neto' ntumnyam nèn nkum mbinyam, lén sàm b'a se ndùb netèt ngôngô; bo be nton tshu nelamte num nku'ni lén sàm njoṅ dù' fa; bo be mfà ts'a làn nà, nummbe lén sàm b'a se ndùb netèt ngôngô, Tshùaben tàndà ntsho bèn ntshobe.

Roma 12:1

Ndùlala, fèt tshàm, me tsiaṅ zin ntshùa num kondèn Nsi, ndù bin fà wut tsin mba ju nele'te Nsi, ze ntùn, ze nelàne, z'a bwô Nsi là; yen ni b'a zin nefa' z'a ku'ni là.

Roma 15:16

nke mfa' nkùn mebwô Nsi, ndù ghakelèn Nsi be jule'te Nsi z'a bwô i, ze Ywèt Nelàn lànt'é là.

Filipi 2:17

Là, a be ze me b'a mba ju ze bo fètte num jule'te Nsi mba fa' bamntù zin nà, mba me tshwèt ntsiaṅte; me tshwèt ntsiaṅte bag à njoṅ zin fa.

Filipi 4:18

Me ghù njoṅ z'a ku'ni là, me b'a ntùm fu', me dun, nummbe Epafrôditô fà ywimte zin me, a b'a labinda z'a lamte mebwô là, a b'a ju nele'te Nsi ze Nsi bame, z'a bwô Nsi là.

Héber 13:13

Ndùlala be tum ntùm ntab, nèn ntèl i, nket tuswe z'a be ze là.

1 Pétro 2:5

Mba tu wut tsin tse bin be mba ndoṅ ntùn nà, bin tamte nkut ba' Ywèle, ntù' ntshufa' le'te Nsi ze nelàne, ndù bin fà tshule'te Nsi tse Ywèt ts'a bwô Nsi njam Yésu Kristô là.

Apokalipse 15:4

Tshùaben, we z'a ke nsi bwôg o, be ke ghamte lén so à? Nummbe o b'a mèn nelàn tù' o, nummbe njoṅ ngôngô fa nsi se' vù nsi mbwe o, nummbe tsho netsho'te ntsha tswite wut tshobe.