Bin tshob ben tse ntù yub tshwèt ntam nà ndù bo fèn ntù, ke bèn nebwôge; tshù Nsi zin ni, neyagte mba' nsi se'e, yabnge' Nsi fà tu; tu wul i nsi se' yôg zine.
A ke nket nunetsin a mba nzwe tùn nà, nte yôg tu i mba tshe' là; neyagte mba' be yi à mba nzwe z'a ke nket là. Lànghe' be yi à mba kummbaṅ s'a be nkabte wul i yi là.
Ṅ, ngasate dù' tsho' ngwù num i, num Babilon; bo kab mbu num tse soyé Babilon, ngoṅkét tshob be'te. Nummbe Tshùaben b'a ta' Nsi z'a be mba' mba we lo à ndaṅndaṅ mba mfa' mi be yi là. A be mfà ze nkàbfa' mba we lo bu i.
Bin tum Babilon nkù, mba we lo yôg tu i, ntag ndùlala mba bin nsi tsiag ntùm fam bi. Tshù, a b'a ngelaṅ yagte mba' li Tshùaben; a nsi ghù num Babilon ndaṅndaṅ mba mfa' mi be yi là.
Tshùaben b'a Nsi lànghe'e, a be njagte mba'a; Tshùaben be njagte mba'a, a dun tshùagntù. Tshùaben be njagte mba' num ghamaṅt'é. A be ndem ghakeban tse ntùm ntù i.
