Yobkwi 93:1 - NTSHOB NSI

¹ Tshùaben be nsa' njù, ndù a ma' nkuni num i, Tshùaben ma' ngù' num i, ntaṅ i tun i. Ndùlala njù féb nsi, ke bèn nke nyi'te.

Yobkwi 93:1 Iomraidhean Croise

1 Kronika 16:30

Bin vètte mbwe i me njoṅ ben fa tse bo nsitsha'a! Njù féb nga tse nsi, a ke' ghù nebèn nyi'te.

1 Kronika 16:31

A bwô ndù kamànyam tsiaṅte, nsitsha' ke ṅwate! Bo ke ntshob netèt ngôngô ndù Tshùaben tshwèt ntô!

1 Kronika 29:12

Neghù ju bo ke mfe à wù, o bèn nke nsa' mba ke lo. Ngù' bo neta b'a bu o. Bu o bèn ngù mba' neke nga'te mbèn ngù njoṅ tshu fa taṅ nga.

ṄWA'NI YOB 40:10

Kwi wul o ntùm nkuni bo nyàmte. Ma' ka'te bo ghamte num o mba nzwe là.

Yobkwi 103:19

Tshùaben te ko'fen se mfe kamànyam, nufen i nke ntô njoṅ i fa.

Yobkwi 145:13

Nufen so b'a s'a tswe ngu'ngu' là. Yu neta netô bèn ntswe matmat. Tshùaben num ndo' bwôntù i, ngù njoṅ nka'ni mi fa bumte.

Yobkwi 18:32

We z'a be Nsi kà ke b'a Tshùaben à? We z'a be ngabloṅ kà ke b'a Nsi be à?

Yobkwi 59:13

Nukebwô z'a ntshu bo là b'a ntshob mi a tum num nkub ntshu mub là. A bwô ndù yub ko'te wut tsho be num bo, num nu ndon bo be nso là, mba num tatte bo be ntshob là.

Yobkwi 65:6

Nsi ngayôg yag, o be ntshùa num yu nunetsin nda'te ndù o ju' le'te yag njam tshu nekuni. O be ngù ntôgnjù mba ngô tètntse ts'a ngùanesà là nke nywinte num o.

Yobkwi 65:7

O lo' neta o mféb ba mbat yi nsi, ntaṅ ngù' tun tu wul o.

Yobkwi 75:3

Nsi tshob ndù: “Kua' num ngelaṅ me nsi yab là, me nsi tsho'te ntsha ndaṅndaṅ.

Yobkwi 96:10

Bin tshob netèt ba tum ndù: A b'a Tshùaben nke nsa' njù. A féb njù nsi, a ke' ghù nenyi'te. A nsi lo' nenùn tsho'te ntsha ba tum yi.

Yobkwi 97:1

Tshùaben tshwèt nsa' njù; tsha' tswe ntùm tsiaṅte. A bwô ndù ba ngô tètntse ts'a yàm nga' mbu là tsiaṅte.

Yobkwi 99:1

Tshùaben tshwèt nsa' njù, benntùn nke mvètte; a tswe num ba kérubim, tsha' nke nyi'te.

Esaya 11:5

Nunetsin b'a kob s'a nsi taṅ num mfat mi là, nunenùn be kob s'a nsi taṅ zwe' i là.

Esaya 45:12

A b'a me na' nabte tsha'a, mbèn mbom mènntùn njab bwe. A b'a kua' me, a kua' mbu màm na' mbèn nyitte kamànyam. Be kua' me na' mbèn ntete ntshu ntsho tshob bwe.

Esaya 45:18

Tshù ju ze Tshùaben z'a nabte kamànyam, z'a be ta' Nsi tù' i, z'a nabte tsha' kà nte i tù, ke nabt'é a ndù a be banban, là, ndù benntùn ke ntswe bwe, tshob li: Me b'a Tshùaben, mbe ndù mo' ke' bèn mbe.

Esaya 49:8

Tshùaben tshob ndù: Me nsi ju' nz'o num ngelaṅ kondèn, ywimt'o mum lé'njù yôg. Me nsi lem o, me nsi yab o ndù o wat kàn bin ngô, ndù o bù'te ngô, mba ndù o bù'te ntsi' mi a tsiag tù' i là.

Esaya 51:16

Me so ntshob màm ntshu o, ndo' netshaṅ bu àm nkabt'o yi, num nete kamànyam nswe, bo tsha' nswe, mba netshob Sion ndù: O b'a yàm nzwit mèn.

Esaya 51:9

Bu Tshùaben, bame, bam num miaglo! Bam mb'o na' nke mbam num tsemo' lé'njù, mbwembwe là, mum ngu'njù ts'a tswe neshu là. A ke b'a wù na' mbèn nkôg Egipto mfà nsi ké? A ke wù na' mbèn nsobte ngamnyu ké?

Esaya 52:7

Nku mèn z'a tshwèt ntshob nu num fu' là nebwô mfe num tu ba mbal à! A lo' nkùn mebwô nse' yi bo tshô netshu'u. A tshob Sion ndù: Nsi o tshwèt ntô.

Esaya 59:17

A ke nket nunetsin a mba nzwe tùn nà, nte yôg tu i mba tshe' là; neyagte mba' be yi à mba nzwe z'a ke nket là. Lànghe' be yi à mba kummbaṅ s'a be nkabte wul i yi là.

Esaya 63:1

We z'a tshwèt mfe Edom nse'e, we z'a tshwèt mfe Bosra nse'e, ndù a ket nzwe tse meba, nzwe tse neziagte, ntsin tù ntùm ka'te, ntùm nkoṅ ze neta fa à? A b'a me na' mbèn mbù yôg, a b'a me bèn ngù mba' num netshu'u.

Matio 6:13

Kà tshag yag ntùm laṅte, là kwé yag bu nukebwô. Nummbe nufen, neta, mba nekuni, b'a yu yoṅ ntshù' là, amén.

Héber 1:8

là ntshob num Mén ndù: Nsi, ko'fen so b'a ngu'ngu', mba ndù: Kôg nunetsin b'a kôg nufen se;

Apokalipse 19:6

Me ju' mo' nze mba tshu'te bwoṅ benntùn nà, mba tshu'te ntse ndùb là, mba tshu'te mfambaṅ neta là, a tshob ndù: Aléluya, nummbe Tshùaben Nsi yag, ngatô njù, lo à be mfen.