Yobkwi 92:14 - NTSHOB NSI

¹⁴ Mi bo bwe ntùm ndà Tshùaben, bo nke nsàm ntùm tse bam ntshundà Nsi yag là.

Yobkwi 92:14 Iomraidhean Croise

Esaya 46:4

Me nsi ghù à be ndùlala mba ndùse bin nsi ywèn nà. M'a' ke ntomte zin mba ndùse bin ywèn tà mfôg là. M'a ghù ndùlala, mbe ndù me nsi nèn yi à be mbwe. Me nsi ket zine, yôg zine.

Yobkwi 71:18

O Nsi, kà ghua' àm! Mba ngelaṅ me nsi ywèn kom fôg là, ndùlala ndù me soṅ neta o yen zwiaṅ benntùn ni, nsoṅ ngù' o zwiaṅ benntùn z'a nsi se' là.

Yérémia 17:8

A b'a mba tù se bo bwe kaṅntse là, tù s'a be ntshag nga tse nze ntùm ntse là; ke dù' dum no, mb'a ke tshàm tse, mba mfu mi nsi b'a be nefite; dù' jum be nejum num ta' ngu'njù mb'a ke bwôg sàm ju, mb'a nsi ke yam z'a be neyame.

Filipi 1:11

bin dun ntàm nunetsin mi a be njam Yésu Kristô là num nkuni mba nenyàmte Nsi.

Yobkwi 1:3

A be ndaṅndaṅ à mba tù se bo bwe kaṅntse, a nke njam ntàm mi num ngelaṅ i; mfu mi ke be tsho' là. Mba ke lo ze mènfen num ngù là be ngwù lag.

ṄWA'NI YOB 17:9

Mba ndùlala mèn netsin bèn ntshùb ze nze kua' neta, mèn ze mbu mi làn nà bèn ndun fènntù.

Matio 3:10

Ne mbe be, bo à yab njàm num nga ntù. Ndùlala, njoṅ ntù fa mi a ke' yam ntàm mebwô là, bo num nkeb i ma' ntùm mbwôge.

Tànkùt 4:18

Ze manze ben netsin b'a mba nelàn z'a tshwèt nké' là, ndù ze neziag be nèn tà nkum netèt lé'njù.

Ezékia 47:12

Ntù nzenze nsi bit num nkaṅ koṅntse. Men ntù là nsi b'a mi neyam ntàme. Mfu mub ke nsi tsho'o, ntàm mub ke nsi mi num sàm ngelaṅ, ke ntswe njoṅ maṅwù fa, nummbe ntse nsi ke tum dù' nelàne. Ntàm mub nsi be jujù, mfu mub be fu.

Yuda 1:12

Tshen ben ni b'a lo' ntùm ba jujù nkôni zine; bo num njù, mbèn nu bin à bo ke bwôg, bo num nkém wut tshob yub tu, bo b'a ndot ts'a ke' ghù ntse, ndot tse fetmbaṅ tshwèt ntèn yub là; bo b'a ntù mi a ke' ghù mfu mi, ke ghù ntàm mi, ntù mi a kwù yoṅ bàa, ntù mi bo tsho' yub là,