Yobkwi 91:4 - NTSHOB NSI

⁴ A nsi lo' mfe mi kabt'o yi. O nsi fon ndàlem bam mbàb mi. Nenùn i b'a tshètntsho mba nzwe tùne.

Yobkwi 91:4 Iomraidhean Croise

Neto'te 15:1

Tshen nu li lo be tshùa, Tshùaben tshob Abram mum njem ndù: Kà bwôg me Abram! Me b'a yu tshètntsho, nda' o nsi b'a ze ndùb.

Yobkwi 138:2

Me be nkwim ntunkekwi' màm nsi mbwe ndà o ze nelàne, me be ngamte lén so, num kondèn o mba num nenùn o, nummb'o lo ghù ntshob mu ju'ni, mbù't'é num njoṅ tshu fa.

Yobkwi 17:8

Lem àm mba nyilag mèn nà, lem àm bam mbàb mu.

Yobkwi 35:2

Lo' tshètntsho ze ndùb mba ze nke'e, ndo nsi njwimt'àm.

Yobkwi 57:1

Ntshagte yobkwi. Kà sate. Yobkwi David. Ndùs'a kù ndem mum ngabloṅ ngelaṅ Saulo ke nta' i là.

Yobkwi 61:4

Nummb'o b'a yàm ndàlem, yàm ba' nebéb ngô ze neta, z'a tsin mbwe ngakeban nà.

Matio 23:37

Yérusalém, Yérusalém, wù z'o num nke nzwite ghatshob ntshob Nsi, ntamte ben tse bo tum yub wù là ndoṅ nà, a yoṅ si' mba me diag netse'te bon tsho ndaṅndaṅ mba mà ngab be ntse'te bon tse tun mbàb mi bin ke kô à?

Marko 13:31

Kamànyam mba tsha' nsi tôge, là ntshob màm ke nsi tôge.

Nebwôgte 32:11

A lo ghù à mba ghammàtat z'a be mbéb bon tse, nke mfùtte be num nkàn i, nke nyitte mbàb mi nket bon tse, njab yub num mfe mi là.

Titô 1:2

ntùm nenywinte yôg matmat se Nsi z'a ke' be tatte, na' nka' tà fe ndùke lo là;

ṄWA'NI RUT 2:12

A bwô ndù Tshùaben ghù wù mb'o na' ngù yu là, ntsho'fa' mi a dun nà fe Tshùaben mbe wù, Tshùaben, Nsi Israél z'o se' nsen ni ndù o lem tun mbàb mi là.