Yobkwi 91:2 - NTSHOB NSI

² A be ntshob Tshùaben ndù: Yàm ndàlem mba yàm ba' nebéb ngô yi, b'a Nsi àm ze me be njab ntù àm num i là.

Yobkwi 91:2 Iomraidhean Croise

Neto'te 17:7

Me nsi wat kàn bag wù, wat kàn bag nzwil o, ndùlala num ngu'ngu', kàn sen nà tswe matmat, ndùlala ndù me be Nsi o mba ze nzwil o.

Yobkwi 14:6

Bin ma' tuswe num ze nenywinte ngayennge'. Tshùaben b'a ze ndàlem.

Yobkwi 142:5

Lôte bag bu zwim njene, sàm mèn ke bwe z'a lèn àm nà, njoṅ ndàlem fa bi num miag màm, sàm mèn ke bwe ze nu tshàm tshwèt ntoṅ i là.

Yobkwi 142:6

Tshùaben, me lo kua' wù ntshob ndù: o bèn mbe yàm ndàlem, yàm bag i ze me ghù mum njù benntùn nà!

Yobkwi 18:2

A tshob ndù: O Tshùaben, me num nkô o, o b'a yàm neta.

Yobkwi 18:3

Tshùaben b'a ngabloṅ àm, sàm fùn, ngatshu' àm! Nsi àm, ngabloṅ àm, me nsi yen dù' nefite bwe à num o! O b'a yàm tshètntsho, mbe neta z'a be njôg àm nà, mbe yàm ndàlem.

Yobkwi 25:2

Nsi àm, me ke njab ntù àm à num o, kà bam ndù tuswe ko àm. Kà bam ndù ghakeban tshàm tsiaṅte num àm.

Yobkwi 31:15

O! Tshùaben, me be njab ntù àm num o, ntshob ndù: O b'a Nsi àm!

Yobkwi 43:4

Ndù me zi nèn mbaṅ tômbwôg le'te Nsi, Nsi z'a be mfà tsiaṅte mba ṅwate là. O Nsi, me nsi ghamt'o num loṅe, mbelàbe.

Yobkwi 46:1

Ntshagte yobkwi. Se bon Koré. Ntùm medub màndô. Yobkwi.

Yobkwi 46:2

Nsi b'a yag ndàlem mba yag dù' neyé'te bwe. A b'a ywimte z'a ke' be tag bag ngelaṅ nge' là.

Yobkwi 48:14

Bin lôte ze kàbngô, bin zinte ntùm ntshwèl i, ndù bin ghù nsoṅ ben tse bo nsi tum mànjam nà;

Yobkwi 61:5

Me lo nkô netswe ntùm yu ntàb à matmat. mfite bam mbàb mu.

Yobkwi 71:3

Be gholoṅ se be me tshètte wul àm bwe là, dù' ze be me nke ntum ntsin bwe njoṅ ndù là! O lo tshob ndù o a' yôg àm. Nummb'o b'a sàm gholoṅ mba yàm ndàlem.

Yobkwi 91:9

Nummb'o b'a yàm ndàlem me Tshùaben! O be ndo' Nsi z'a tà mfe tù là ngù yu ndàlem yi.

Tànkùt 18:10

Lén Tshùaben b'a mba mà nesà ba' là; mèn netsin be nkù nèn ndem bwe, ke bèn mbwôg tse sàm ju.

Esaya 12:2

Yen mbe Nsi b'a ngatshu' àm, me yab ntù àm num i koṅkoṅ, me ke nsi bèn bwôg sàm ju. Nummbe Tshùaben, Tshùaben bèn mbe yàm neta, bo yàm tunu nenyàmte. A yi na' mbèn njôg àm.

Yérémia 31:1

Num yen ngelaṅ nà, me nsi be Nsi njoṅ tunndà Israél fa, njoṅ tunndà là fa be yàm nzwit mèn. Tshùaben bèn ntshobe.

Lukas 20:38

Nsi ke' b'a Nsi fe ben, là, a b'a Nsi ben bo be ntùn nà; nummbe njoṅ benntùn fa b'a ntùn num ze tu.

Héber 11:16

Là nzi ngô mebwô bèn nke nja yube, ngô kamànyam. A ndùlala Nsi ke' ko tuswe netsiaṅ tu wul i Nsi yub; nummbe a nabte mo' ngô bo.