Yobkwi 9:8 - NTSHOB NSI

⁸ Tshùaben tswe matmat, a te ko'fen se num nu tsho'te ntsha.

Yobkwi 9:8 Iomraidhean Croise

Neto'te 18:25

Nga, be lèn yen nkwate là ke be ntù o, b'o ke bam ndù mèn netsin bo mèn kebwô vù ntùm nkù ntshù'. Ngatsho'te njoṅ njù nsitsha' fa nsi ghù nunetsine.

Yobkwi 10:16

Tshùaben b'a mfen z'a tswe yoṅ ntshù' là, z'a tswe matmat là. Bo nsi biagte ghakelèn Nsi ntùm ze ngô.

Yobkwi 29:10

Tshùaben lo be num ko'fen se ngelaṅ dibambaṅ. Tshùaben be ntswe num ko'fen se nsa' njù matmat.

Yobkwi 50:6

Kamànyam nsi tshob nunetsin i, nummbe Nsi bèn mbe ngatsho'te ntsha.

Yobkwi 94:15

Nummbe tsho'te ntsha nsi b'a num ze njam mèn netsine, njoṅ benntùn fa tse bo ghù netsin nà tsin njam i.

Yobkwi 96:13

Ngù ndùlala mbwe Tshùaben, nummb'a tshwèt nse'e. Nummb'a tshwèt nse' tsho'te ntsha njù. A nsi lo' nunetsin tsho'te ntsha njù yi. A nsi lo' nenùn i tsho'te ntsha benntùn yi.

Yobkwi 98:9

mbwe Tshùaben! Nummb'a tshwèt nse' tsho'te ntsha njù ntùm nunetsine, tsho'te ntsha benntùn ntùm nenùne.

Yobkwi 99:4

A ta neshu, mfen z'a be nkô tsho'te ntsha là. A b'a wù bèn nke mféb nga nunenùn nsi. O be nte nunetsin mba nu ndaṅndaṅ, nke ngù njoṅ i fa Yakob.

Netume 15:18

Tshùaben b'a mfen njoṅ ndù fa!

Yérémia 10:10

Là, Tshùaben b'a Nsi kua' nenùne. A b'a Nsi z'a tswe ntùn nà, mbe mfen z'a tswe matmat là. Yantù i be ngù tsha' nyi'te. Ngôngô ke' be fènte tshùagntù i.

Mfa' Ghantum 17:31

Nummbe a yab lé'njù s'a nsi keb ntsha ntùm netsine, njam mèn z'a na' ntsho' i num bwe là. A lo la'te lèn njoṅ benntùn fa mb'a ghù a lo num vù là.

Roma 2:16

Num sen lé'njù là, Nsi nsi tsho'te mfa' tsham benntùn num nkùn mebwô àm, ntshùa njam Kristô Yésu.