Asa tsiaṅ Tshùaben Nsi i ntshob ndù: Tshùaben, nda' wù tù' wù bèn nku'ni nese' njwimte mèn nebot mba mèn neta. Tshùaben Nsi yag, se' njwimte yage! Nummbe bag ke njé't'a num o, bag lo' à lén so kà nse' yi num yen mà bwoṅ benntùn ni. Tshùaben! O b'a Nsi yag; kà bam ndù mènntùn bèn ntshùa o!
Bwôg bo nge' lo kab mbu num bo. Neta bu o lo ghom yub bwôg, tà nkum ndùse yu nzwit mèn tshùa là me Tshùaben, tà nkum ndùse nzwit z'o na' ntshu' yub tshùa là.
Ze Egipto b'a mènntùn, a ke' b'a nsi; tse nyàmdiaṅ b'a mbàb, bo ke b'a ywèle. Ngelaṅ ze Tshùaben nsi nyit bu i num ngakabte k'a tiag là, mba mèn z'a kabt'é là nsi vù nsi. Ntu tshob bàa fa nsi tamte bi.
Bag à bo nsi wat kàn s'a tswe matmat là. Me ke nsi bèn sô wul àm num bo, m'a' ke ngù numebwô bo. M'a' yab bwôg àm ntù bo, ndùlala ndù kà bo bèn nke nkù àm nekùù.
Mén mèn, tshob mfen Tiro ndù: Tshù ju ze Tshùaben Nsi tshob li: O be nko'te wut nke ntshob ndù: “Me b'a nsi, me tswe num diaṅkwa nsi netèt dibantse.” Tshù, o b'a mènntùn, ke b'a Nsi, o tshwèt ndo' ntù o mba ze Nsi là.
Fe sènni m'a' ghù fétwut bo bwôg ghom njoṅ nzwit benntùn fa num lén so bam kamànyam. Nge' nsi kab mbu num bo, bo vètte ndùse bo nsi ju' tshô lén so là.