Yobkwi 9:10 - NTSHOB NSI

¹⁰ Tshùaben, a bwô ndù o be neta dù' z'a be njennge' lem bwe là, neta dù' z'a be mèn lem bwe ngelaṅ ngùtni là.

Yobkwi 9:10 Iomraidhean Croise

2 Samuél 22:3

Nsi b'a sàm gholoṅ dù' me num mfon ndàlem bwe là. A b'a yàm tshètntsho, mbe neta z'a num njôg àm nà. A b'a ngatshètt'àm, mbe ngatshu' àm. Ngayôg àm, o num ntshètt'àm num nu nefètte lem.

1 Kronika 28:9

Wù nshum àm Salomon, lèn Nsi tàan nke mfa' yi ntùm nenùne, ntùm ntù ntshù', nummbe Tshùaben num ntswe' ntun num ntù benntùn fa, nke ntswe' ntun mba num ntàmtenu ywèle. A be z'o diag i là, mb'a nsi la'te wul i wù; là, a be z'o wag i là, mb'a nsi ghua' o matmat.

Yobkwi 37:28

Nummbe Tshùaben be nkô nunetsine, ke be ghua' shun tse. Bo biagte ben tse bo ke' tsin nà matmat, bo biagte nzwit ghatshùagntù.

Yobkwi 37:39

Yôg ben netsin ke mfe à Tshùaben, a b'a ngakabte yub ngelaṅ nge'.

Yobkwi 5:11

Nsi, lo' yub mba ghavù ntsha là, ghù bo vù nsi ntùm njabnu mube, ta' yub mbwe o num nukebwô tshob ts'a yàm neshu là. Yoṅ yub mbwe o num tatu yube.

Yobkwi 57:1

Ntshagte yobkwi. Kà sate. Yobkwi David. Ndùs'a kù ndem mum ngabloṅ ngelaṅ Saulo ke nta' i là.

Yobkwi 91:14

Mb'a be nkô àm nà, me nsi tshu' i; me nsi tshètt'é mb'a lèn lén sàm nà.

Tànkùt 18:10

Lén Tshùaben b'a mba mà nesà ba' là; mèn netsin be nkù nèn ndem bwe, ke bèn mbwôg tse sàm ju.

Esaya 25:4

O na' mb'a ze ndàlem mèn nebole, mbe ze ndàlem njennge' ntùm nge' i. Mbe ndàlem num ngelaṅ fetmbaṅ, mbe dù' nefite bwe ngelaṅ nyam. Nummbe fet ghatshùagntù b'a mba neta fetmbaṅ z'a be ntam mbaṅ ta' kàbngô là.

Esaya 45:19

Me lo ke tshob à ntùm nelemte, ntùm dù' njam num nsitsha'a; me lo ke tshob nzwit Yakob ndù: Bin diag àm à banban! Me Tshùaben ke ntshob à nenùne, me ke ntshob à nu ndaṅndaṅ.

Yérémia 29:13

bin nsi diag àm yen àm, mb'a nummbe bin diag àm à ntù ntshù'.

Nahum 1:7

Tshùaben b'a mèn mebwô. A b'a ndàlem mum lé'njù nge', a lèn ben tse bo be njab ntù num i là.

Yohané 17:3

Là yen ni b'a yôg matmat ndù bo lèn o, wù z'o be nda' ta' Nsi ntshù' ze nenùn nà, mba mèn z'o tum i là, Yésu Kristô.

2 Korintô 4:6

Nummbe Nsi z'a tshob ndù: Nka' ké' ntùm njam nà, lo ké' ntùm ntù tshage, ndù nelèn nkuni Nsi z'a be num se Kristô là tswite wul i.

2 Timôtio 1:12

A num ndùlala ze me tshwèt njen nge' là, là tuswe ke' ko àm, nummbe me lèn mèn ze me bam i là, ndèn kua' mebwô ndù a b'a mèn neta z'a ku'ni nelem bu' sàm num sen lé'njù là là.

1 Yohané 2:3

A be ze bag à bin ze ntshù' mi là, mba bag à bin lèn ndù be lo lèn i.

1 Yohané 5:20

Là bag à bin lèn ndù Mén Nsi se'e, a fà zenu be ndù be lèn mèn nenùne; bag à bin b'a num mèn nenùne, num Mén i Yésu Kristô, a yi bèn mbe Nsi nenùne, mba yôg matmat.