Yobkwi 86:9 - NTSHOB NSI

⁹ Njoṅ ngôngô fa ts'o na' nabte là nsi se'e; vù nsi mbwe o me Tshùaben. Bo nsi fà ghamte num lén so.

Yobkwi 86:9 Iomraidhean Croise

2 Kronika 6:33

mb'a bwô ndù o tsin mfe kamànyam, ntùm dù'ntswe o, mfà ju ze yen ngùn nà nsi lon wù là yi. A nsi tshùa ndùlala njoṅ nzwit benntùn fa nsitsha' lèn lén so, nke mbwôg i, ndaṅndaṅ mba yu nzwit mèn Israél là. Bo nsi lèn ndù bo be ntsiaṅ lén so mum yen ba' li ze me kut là.

Yobkwi 102:15

Nummbe ghafa' tsho be nkô ndoṅ mi, nke nko ndèn mbab mi.

Yobkwi 102:18

A nsi kaṅ wul i ju' le'te ben tse bo ghua' yub là, ke bèn newag le'te yub.

Yobkwi 66:4

Njoṅ njù fa be ngwù nsi mbwe o, nke njob kwi ngamt'o yi. Nke njob kwi ngamte lén so yi.

Yobkwi 67:7

Tsha' lo fà tshu ts'a tum ntùm bwe là. Nsi, Nsi yag be njab kàn bag.

Yobkwi 72:19

Ghamte be lén se se nekuni njoṅ ndù fa. A bwô ndù ghamt'é be num njoṅ nsitsha' fa. Amén! Amén! A bwô ndù a be ndùlala.

Yobkwi 72:8

A ke ntô njù neto' num mo' dibantse nèn nkum num mo', to' num Efrat nèn nkum num dù' ze nsitsha' miagte bwe là.

Esaya 11:9

Mo' kebwô ke bintàn no ke nsi be, num njoṅ yàm mbat ze nelàn fa. Nummbe nelèn Tshùaben nsi dun num nsitsha', ndaṅndaṅ mba ntse be ndun dibantse là.

Esaya 43:7

Me tshob à ben tse bo be ntsiaṅ yub lén sàm nà, ben tse me na' nabte yub num nkuni màm, mbom yube, ntsiagte yub là.

Esaya 59:19

Bo nsi bwôg lén Tshùaben fe mbinyam, bwôg nkuni mi à fe kamànyam; nummb'a nsi se' à mba ta'ntse z'a dune, ywèt ntshu Tshùaben nke ntèn i nèn yi là.

Esaya 66:23

Njoṅ benntùn fa nsi se' vù nsi mbwe àm mba num sit jùa Sabbat lo. Tshùaben bèn ntshobe.

Sofoni 3:9

Ndùlala me nsi fà nkub ntshu nelàn ntumntum, ndù njoṅ yub fa ke ntsiaṅ lén Tshùaben, nke mfa' yi mum ntshu ntshù'.

Sakaria 14:9

Tshùaben nsi be mfen njoṅ nsitsha' fa; mum sen lé'njù là Tshùaben nsi be Tshùaben tù' i, lén se nsi be nkwi lén ntshù'.

Malashi 1:11

Neto' ntumnyam nèn nkum mbinyam, lén sàm b'a se ndùb netèt ngôngô; bo be nton tshu nelamte num nku'ni lén sàm njoṅ dù' fa; bo be mfà ts'a làn nà, nummbe lén sàm b'a se ndùb netèt ngôngô, Tshùaben tàndà ntsho bèn ntshobe.

Roma 11:25

Fèt tshàm, nummbe me ke' kô nelem zin sen tsham ni, (mbwôg ndù kà bin lo' wut tsin mba ghazenu là:) Nsi ma' mo' bag Israél ntùm sagntù tà nkum ngelaṅ njoṅ ghakelèn Nsi fa nsi tsho là.

Roma 15:9

Mba ndù ghakelèn Nsi ghamte Nsi num kondèn i, ndaṅndaṅ mba bo kite ndù: A ndùlala, me nsi fà ghamte wù netèt ghakelèn Nsi, me nsi yob kwi nkuni lén so.

Efésô 1:12

ndù be nyàmte nkuni mi, be tse be num nywinte num Kristô tà fe mbwe là.

1 Pétro 2:9

Là bin b'a nzwit ze Nsi tsho' là, ntshufa' le'te Nsi mfen, ngô nelàne, nzwit ben tse Nsi tse'te là, ndù bin tshob mfa' mebwô mèn z'a tsiaṅ zin ntùm njame, num nka'ni i ze neghamte là.

Apokalipse 11:15

Mbatte Angél sammbàa tô nta: Ba nze ndùbndùb tshob mfe kamànyam ndù: Nufen njù tù' se Tshùaben be mba Kristô i, a nsi be mfen num ngu'ngu'.

Apokalipse 15:4

Tshùaben, we z'a ke nsi bwôg o, be ke ghamte lén so à? Nummbe o b'a mèn nelàn tù' o, nummbe njoṅ ngôngô fa nsi se' vù nsi mbwe o, nummbe tsho netsho'te ntsha tswite wut tshobe.

Apokalipse 20:3

a ma' i ntùm ghem njam nsi mfùne, nte sitam num bwe ndù k'a bèn netatte ngôngô tà nkum ngelaṅ ngu' ntsha' mbùm bumte là.